Hoba hari amavidewo, ibitabu canke indirimbo bibujijwe ku Vyabona vya Yehova?
Oya. Ishirahamwe ryacu ntirisuzuma amavidewo, ibitabu canke indirimbo binaka kugira ritegeke abarigize ivyo bakwiye kwirinda. Uti kubera iki?
Bibiliya iremesha umuntu wese kumenyereza ‘ububasha bwiwe bwo gutegera’ kugira amenye gutandukanya iciza n’ikibi.—Abaheburayo 5:14.
Bibiliya irerekana ingingo ngenderwako umukirisu yokwisunga igihe ahitamwo uburyo bwo kwisamaza. a Mu mice yose y’ubuzima, intumbero yacu ni iyo ‘kuguma twiyemeza neza ivyemerwa ku Mukama ivyo ari vyo.’—Abanyefeso 5:10.
Bibiliya yigisha ko ba serugo bafise ubukuru kanaka. Ku bw’ivyo barashobora guhitamwo kutemerera abagize umuryango wabo uburyo bunaka bwo kwisamaza. (1 Abakorinto 11:3; Abanyefeso 6:1-4) Ariko rero, kiretse mu muryango, nta n’umwe yemerewe kubuza amavidewo kanaka, indirimbo zinaka canke abaririmvyi kanaka ngo ntivyemewe ku bagize ishengero.—Abagalatiya 6:5.
a Nk’akarorero, Bibiliya iriyamiriza ikintu cose kiremesha ubupfumu, ubuhumbu canke ubukazi.—Gusubira mu vyagezwe 18:10-13; Abanyefeso 5:3; Abakolosayi 3:8.
Raba kandi
URWARUKA RURIBAZA
Hoba hari imiziki ntakwiye kwumviriza?
Kubera ko umuziki ufise ububasha, raba ingene wohitamwo neza umuziki wumviriza.
IBISIGURWA BARIKO BARABICAPA
Gukina ama jeux: Woba uriko uratsinda nk’uko uvyibaza?
Gukina ama jeux birashobora kuryoha ariko birashobora no guteza ingorane. Ni gute wokwirinda izo ngorane maze ugatahukana intsinzi vy’ukuri?
INYIGISHO ZO MURI BIBILIYA
Nugerageze kwiga Bibiliya natwe
Urashobora kwiga Bibiliya ku buntu uri kumwe n’uwukwigisha.