15 MEY 2014
VAOVAO IRAISAM-PIRENENA
Hanao Fivoriambe Iraisam-pirenena ny Vavolombelon’i Jehovah
NEW YORK—Hanao fivoriambe iraisam-pirenena maharitra telo andro, any amin’ny tanàn-dehibe maro maneran-tany ny Vavolombelon’i Jehovah, manomboka amin’ny Jona 2014 ka hatramin’ny Janoary 2015. Any Etazonia ny voalohany ary avy eo any Alemaina, Angletera, Aostralia, Ekoatera, Gresy, Korea Atsimo, Meksika, ary Zimbabwe. Hisy fivoriamben’ny vondrom-paritra koa any an-tany hafa mandritra an’io fotoana io, toy ny efa fanao isan-taona, fa amin’ny toerana kely kokoa no hanaovana azy.
Hanomboka ny 6 Jona 2014 any Ford Field, any Etazonia, ilay fivoriambe iraisam-pirenena. Olona 45500 no antenaina ho tonga, anisan’izany ny vahiny 2500 avy any an-tany hafa.
Hisy vahiny avy any an-tany hafa amin’ireo fivoriambe iraisam-pirenena ireo. Hisy misionera koa any amin’ny sasany. Hoy i J. Brown, mpitondra tenin’ny Vavolombelon’i Jehovah ao amin’ny foiben’izy ireo any Brooklyn, any New York: “Mahafinaritra be ny fivoriambe iraisam-pirenena ataonay. Mino izahay fa ho faly koa izay olon-kafa tonga any. Hifankahita daholo ny havana aman-tsakaiza amin’ireo fivoriambe tsy manan-tsahala ireo.”
Izao no foto-kevitr’ilay fivoriambe: “Katsaho Foana Aloha ny Fanjakan’Andriamanitra!” Milaza Atoa Brown fa “hisy zavatra hisongadina amin’ilay fivoriambe. Loha hevitra lehibe ao amin’ny Baiboly ilay izy sady tena inoan’ny Vavolombelon’i Jehovah. Tsy inona izany fa hoe tamin’ny 1914 ny Fanjakan’Andriamanitra no natsangana ary i Jesosy Kristy no Mpanjakany. Tena hiavaka io fivoriambe io satria feno 100 taona amin’ity taona ity ny Fanjakan’Andriamanitra.”
Hisy ezaka manokana ataon’ny Vavolombelon’i Jehovah maneran-tany mba hanasana ny olona hanatrika an’izay fivoriambe akaiky azy. Tsy hisy vidim-pidirana na fanantazan-drakitra any, toy ny any amin’ny fivoriana fanaon’ny Vavolombelon’i Jehovah ihany.
Azo jerena ato amin’ny jw.org, tranonkala ofisialin’ny Vavolombelon’i Jehovah, ny daty sy ny toerana hanaovana an’ireo fivoriambe ireo. Azon’ny mpanao gazety atao ny manontany ny biraon’ny sampan’ny Vavolombelon’i Jehovah hoe iza ny olona azon’izy ireo anontaniana raha te hamoaka vaovao momba an’ilay fivoriambe izy ireo, ka misy fanazavana ilainy.
Nomerao azon’ny mpanao gazety antsoina:
Maneran-tany: J. R. Brown, Biraon’ny Filazam-baovao, tel. +1 718 560 5000
Mety ho Tianao Koa
VAOVAO
Hanomboka ny Fivoriambe Iraisam-pirenena Ataon’ny Vavolombelon’i Jehovah
Hanomboka ny zoma 6 Jona 2014 any amin’ny kianja Ford Field any Detroit, any Etazonia, ny fivoriambe iraisam-pirenena ataon’ny Vavolombelon’i Jehovah. Hisy ampahany amin’ilay fandaharana halefa mivantana amin’ny alalan’ny Internet any amin’ny toerana folo hafa any Etazonia.
VAOVAO
Fivoriambe Iraisam-pirenena Nanan-tantara tao Amin’ny Kianjan’i MetLife
Nanao fivoriambe iraisam-pirenena tao amin’ny Kianjan’i MetLife ny Vavolombelon’i Jehovah tamin’ny 20-22 Jona sy 27-29 Jona 2014 ary ana hetsiny no tonga. “Katsaho Foana Aloha ny Fanjakan’Andriamanitra!” no foto-kevitra.
VAOVAO
Fivoriambe Iraisam-pirenena tao Amin’ny Kianja Olympika any Gresy
Natao tao amin’ny Kianja Olympikan’i Atena ilay fivoriambe iraisam-pirenena hoe “Katsaho Foana Aloha ny Fanjakan’Andriamanitra!”, tamin’ny 27-29 Jona 2014. Tao no nanaovana ny Lalao Olympika tamin’ny 2004.
VAOVAO
Fivoriambe Iraisam-pirenena Tany Séoul Namoahana Baiboly Vaovao
Navoakan’ny Vavolombelon’i Jehovah tamin’ilay fivoriambe iraisam-pirenena hoe “Katsaho Foana Aloha ny Fanjakan’Andriamanitra!” Ny Soratra Masina—Fandikan-tenin’ny Tontolo Vaovao nohavaozina amin’ny teny koreanina.
MOMBA ANAY
Tongava Amin’ny Fivoriamben’ny Vondrom-paritra 2024 hoe: ‘Torio ny Vaovao Tsara!’
Asainay ianao hanatrika ny fivoriamben’ny vondrom-paritra telo andro ataon’ny Vavolombelon’i Jehovah amin’ity taona ity.
FIVORIAMBE
Video: Tatitra Momba ny Fivoriambe Iraisam-pirenena
Manao fivoriambe any amin’ny tanàn-dehibe samihafa maneran-tany ny Vavolombelon’i Jehovah. Jereo hoe nahoana no olona maro no tia manatrika azy ireny.