Selemo le selemo, batho ba lebella ka thabo nako ea ho matlafatsoa tumelong likopanong tsa setereke. E le hore batho ba bang le bona ba latsoe hore Jehova o molemo, re tla ba mema ka bongata hore ba tl’o ba le rōna. (Pes 34:8) Baholo ba liphutheho ba tla etsa qeto ea hore na limemo li tla tsamaisoa joang e le hore li abeloe batho ba li thabelang.

• Kopano e tšoaroa neng?

• Phutheho ea heso e tla qala ho aba limemo neng?

• Phutheho ea heso e tla tšoara liboka tsa tšebeletso ea tšimo neng?

• Ke ikemiselitse ho etsa’ng phutuhong ee?

• Ke rerile ho mema bo-mang?

Ha u qeta ho lumelisa, u ka ’na ua re:

“Re letšolong la lefatše lohle la ho memela batho ketsahalong ea bohlokoahali. Letsatsi, nako le aterese li hlaha memong ena eo ke u tliselitseng eona. Re tla thabela ho u bona.”

Le hoja re rata ho mema batho ba bangata kamoo ho ka khonehang kopanong, re lokela ho falimehela ho thusa ba thabelang hore ba ithute le rōna.

Mafelong a beke, u ka tsamaisa makasine hammoho le memo.