Lipaki Tsa Jehova li na le lenaneo la ho ithuta Bibele le batho. Lenaneo le na le ka u thusa hore:

•   U be le bophelo bo thabisang

•   U be motsoalle oa Molimo

•   U ithute seo Bibele e se tšepisang ka bokamoso

Sehloohong sena

•  Ho etsahala’ng lenaneong la ho ithuta Bibele?

•  Na ke lokela ho patalla ho ithuta Bibele?

•  Motho o qeta nako e kae a ithuta?

•  Nka qala ho ithuta Bibele Joang?

•  Na nka leka ho ithuta ka makhetlo a itseng ke bone hore na ke tla thabela?

•  Haeba ke amohela ho ithuta Bibele, na ke lokela ho ba e mong oa Lipaki Tsa Jehova?

•  Na nka sebelisa Bibele ea ka?

•  Na nka mema ba bang hore ba tl’o ithuta Bibele le ’na?

•  Haeba nkile ka ithuta Bibele le Lipaki Tsa Jehova, na nka ithuta hape?

•  Na nka ithuta Bibele ke sebelisa buka ee ke le mong?

 E mong oa Lipaki Tsa Jehova o tla u thusa hore u tloaele ho bala Bibele. Buka ea U ka Thaba ka ho sa Feleng! e tla u thusa ho utloisisa hore na Bibele e ruta’ng le hore na e ka u thusa joang. E le hore u fumane lintlha tse eketsehileng, shebella video ena.

 Che. Re latela tataiso eo Jesu a ileng a e fa barutuoa ba hae: “Le amohetse ntle ho tefo, le fane ntle ho tefo.” (Matheu 10:8) Lipaki Tsa Jehova ha li pataloe hore li ithute le Bibele uena, hape ha ho hlokahale hore u patale e le hore u fumane Bibele kapa buka ea U ka Thaba ka ho sa Feleng!

 Buka ena e na le likhaolo tse 60. Ho tsoa ho uena hore na ka beke u batla ho bala likhaolo tse kae, empa baithuti ba bangata ba bone ho le molemo hore ba bale Khaolo kapa tse peli ka beke.

1.  1. Tlatsa foromo Inthaneteng. Re tla sebelisa boitsebiso boo u faneng ka bona e le hore motho ea tla ithuta le uena a khone ho buisana le uena.

2.  2. Motho eo u tla ithuta Bibele le eena o tla buisana le uena. O tla u hlalosetsa hore na u ka lebella eng lenaneong la ho ithuta Bibele ’me o tla araba lipotso tsa hao.

3.  3. Uena le motho eo u tla ithuta Bibele le eena le tla buisana hore na le tla bala neng. Thuto e ka tšoareloa moo u lulang teng, ka founo, video call, ka ho ngollana mangolo, kapa le sebelisa email. Ka tloaelo thuto e nka hora, empa e ka nka nako e fetang eo kapa e khutšoanyane ho itšetlehile ka maemo a hao.

 Ee. E le hore u etse joalo, tlatsa foromo e Inthaneteng. Ha e mong oa Lipaki Tsa Jehova a buisana le uena, mo bolelle hore u batla ho bona hore na u ka thabela ho ithuta. U tla sebelisa bukana ea U ka Thaba ka ho sa Feleng e nang le likhaolo tse tharo. Bukana ena e tla u thusa hore u bone hore na u batla ho tsoela pele ho ithuta kapa che.

 Che. Lipaki Tsa Jehova li rata ho ruta batho Bibele, empa ha li qobelle motho leha e le ofe hore e be e mong oa Lipaki Tsa Jehova. Ho e-na le hoo, ka tlhompho li bolella motho seo Bibele e se buang, lia elelloa hore motho ka mong o na le tokelo ea ho ikhethela seo a se lumelang.​—1 Petrose 3:15.

 Ee, u ka sebelisa Bibele e ’ngoe le e ’ngoe eo o nang le eona. Le hoja rona re sebelisa Bibele ea Phetolelo ea Lefatše le Lecha ea Mangolo a Halalelang, re hlokometse hore batho ba thabela ho sebelisa Libibele tseo ba li tloaetseng tseo ba seng ba ntse ba e-na le tsona.

 Ee. U ka mema metsoalle kapa ba lelapa.

 Ee. U ka thabela ho ithuta buka ena ho feta tseo u neng u ithuta ka tsona pele hobane ena e bua ka mathata a hona joale ao re tobaneng le ’ona. E na le litšoantšo ebile u khona ho ntša maikutlo a hao haholoanyane.

 Ee. Le hoja ba bang ba thabela ho ithuta le e mong oa Lipaki Tsa Jehova, ba bang bona ba thabela ho ithuta ba le bang qalong. Leqephe la Lithulusi Tsa ho Ithuta Bibele le na le lintho tse ka u thusang ha u ithuta Bibele. Tse ling tsa lithulusi tse ka u thusang ke tsena:

•   Livideo Tsa Bibele. Livideo tsena tse khutšoanyane li arabela lipotso tsa bohlokoa.

•   Lipotso Tsa Bibele lia Arajoa. Lihlooho tsena li fana ka likarabo tsa lipotso tsa Bibele.