«Жәҩан иҟоу Анцәа ишьақәиргылоит наӡаӡа ԥгара зқәымло аҳра» (Даниил 2:44, Адунеи ҿыц аиҭага).

«Ҳара аԥа дҳаҭоуп, Ижәҩахыр иқәҵахоит аҭауадратә напхгара» (Исаиа 9:6).

• Шәыԥсҭазаара еиӷьызтәуа ииашоу анапхгара (Исаиа 48:17, 18).

• Ҳаԥхьаҟатәи адунеи ҿыц аҿы агәабзиара наӡеи анасыԥи (Аатра 21:3, 4).

Ааи, уи азгьы ҩ-мзызк иадамзаргьы иҟоуп:

• Иисус Христос Анцәа Иаҳра ауаа рзы иҟанаҵо дирбеит. Иисус ишьҭанеицәа анцәаиҳәашьа дирҵон Анцәа Иаҳра ааирц, насгьы адгьыл аҿы Анцәа игәаԥхара наӡарц азы (Матфеи 6:9, 10). Аԥхьаҟа иҟалараны иҟоу уи Аҳра Анапхгаҩ иеиԥш, Иисус лабҿаба идирбеит ари анцәаиҳәара аҭак шаҭахо.

  Иисус адгьыл аҿы даныҟаз имлагоз ауаа акрырҿеиҵон, ичмазаҩыз ихәышәтәуан, иԥсхьоугьы рыԥсы ҭеиҵон! (Матфеи 15:29—38; Иоанн 11:38—44). Ари Анцәа Иаҳра аҵаҟа инхало ауаа ирзыԥшу аԥсҭазаара бзиа узырбо ак акәны иҟан (Аатра 11:15).

• Адунеизегьтәи ахҭысқәа ишьақәдырӷәӷәоит Анцәа Иаҳра шааигәоу. Иисус заа иҳәахьан Аҳра адгьыл аҿы аҭынчра шьақәнаргылараны ианыҟоу аԥхьаҵәҟьа, ауаатәыҩса аибашьрақәеи, амлакреи, адгьылҵысрақәеи ишдыргәаҟло (Матфеи 24:3, 7).

  Убри ауп ҳаргьы иахьа иааҳакәыршаны иаҳбо. Убри аҟынтә ҳара агәра ганы ҳаҟазар ҳалшоит иаарласны Анцәа Иаҳра арҭ ауадаҩрақәа зегь шаӡбо.