“I dimuˈan Kasuratan aggiyahan-na si Diyos.”—2 Timoteo 3:16, New World Translation.

Agbuwan to makapakumbinsir mga saruman si mga patilaw-mo si kinabuhiˈ.—Mga Proverbio 2:1-5.

Satapuran-moy to giya para si allaw-allaw pagkinabuhiˈ.—Salmo 119:105.

Agbuwan to si kaˈaw ungod paglaˈom si titakka.—Roma 15:4.

Oho, si tallo mga rason:

• Urusahon pagkaˈuruyon.  Sallod si subra 1,600 taˈun-na i Bibliya tikang ngan pagsurat-na sito si 40 aˈa. Gaˈi agsikurulaway i kalabbatan si mga iya. Bisan pa sinan, agkaˈururuyon i minsahi-na si bugˈos Bibliya si adda hamok tema!

• Tangkod histurya. I mga sikular mga histuryador agsob nga makaliˈ hamok agtambon si mga kapirdihan-na si mga nasyun-na. Si dambilaˈ parti, i mga mannunurat-na si Bibliya prangka si pagsurat-na si mga kapirdihan-na pirsunal ngan bisan pa si kapirdihan-na si nasyun-na.—2 Cronicas 36:15, 16; Salmo 51:1-4.

• Tarapuran tagnaˈ.  Abansi mga 200 taˈon pa, agtagnaˈ-na na si Bibliya i pagkabungkag-na si kadaˈan syudad-na si Babilonia. (Isaias 13:17-22) Agpakatuˈan to kon say i arun-na pirsunal si magpirdi sito ngan kon pinapaˈi sabungkag-na ngan sapirdi-na i Babilonia!—Isaias 45:1-3.

Atuman gayod i mga tagnaˈ-na si Bibliya bisan si pinakamadikiˈ ditalyi. Pero maˈin baˈ iya may nan i naglaˈuman-ta tikang si Allingun-na si Diyos?—2 Pedro 1:21.