“Malipayon i mga magpakali si Allingun-na si Diyos ngan i magpansunod sito.”—Lukas 11:28, New World Translation.

Saˈabat-mo i ungod paghigugmaˈ.—Efeso 5:28, 29.

Sakarawat-mo i malalom pagrispitar.—Efeso 5:33.

Saˈangkun-mo i ungod siguridad.—Markos 10:6-9.

Oho, si duwa mga rason:

• I Diyos i Tagpatikang si Pamilya. Lingun-na si Bibliya nga i Diyos nga Jehova i “nagˈinutangan si arun-na si balang pamilya.” (Efeso 3:14, 15, NW) Kon iya, agˈiksistir i ariglu-na si pamilya tungod kay aghimu-nay nan Jehova. Ay kay impurtanti nga akatuˈanan kita sito?

  Pinsaron: Kon akakinda kaw marasa pagkakan ngan ruyag-mo nga akatuˈanan kaw si mga salakut-na sito kon nagpatahak, singnga may kaw paˈarop para si pagpatilaw? Syimpri, si magpatahak sito.

  Iya may nan liwat, nga para sadiskubri-mo kon ay i mga “salakut-na” o mga pamaˈagi-na para agin malipayon i pamilya, mahalap nga amalako kita bulig tikang si Tagpatikang si ariglu-na si pamilya.—Genesis 2:18-24.

• Agmalasakit i Diyos si kaˈaw.  Madunong i mga pamilya kon agsunod mga iya si pagwaydung-na Jehova, nga nagtagama pinaˈagi si Allingun-na. Kapaˈi may? “Kay agmalasakit iya si kaˈaw.” (1 Pedro 5:6, 7) Intirisado gayod pirmi Jehova si kahalapan-mo ngan pirmi ipiktibo i mga pagwaydung-na!—Mga Proverbio 3:5, 6; Isaias 48:17, 18.