“I Diyos mismo awinan si mga iya . . . ngan pahitan-na i balang luhaˈ tikang si mga mata-na, ngan i kamatayon awaraˈ-na, ganaˈ-na magpandinamag, bisan magpamanangis, ngan bisan i mga kapaddihan aparaˈ-na. I mga kadaˈan inannaˈ pamalabay-na.”​—Pagpakatuˈan 21:3, 4, New World Translation.

Mahalap ngan makalilipay mga buruhaton.​—Isaias 65:21-23.

Ganaˈ-na binatiˈ ngan mga pagˈantos.​—Isaias 25:8; 33:24.

Malipayon ngan saˈangkun-mo i ganaˈ katapusan-na kinabuhiˈ huwang si pamilya-mo ngan mga kumpanya-mo.​—Salmo 37:11, 29.

Oho, si duwa mga rason:

• Aniyaˈ abilidad-na si Diyos pagtuman si saˈad-na.  Si Bibliya, si Jehova hamok addangan i nagˈarunan nga “Makagagahom si dimuˈan,” kay tikang si iya i burabod si dimuˈan gahom. (Pagpakatuˈan 15:3) Sanglit bugˈos nga satuman-na gayod i saˈad-na i makaruruyag nagbagˈo kalibutan. Ay may i allingun-na si Bibliya, “kundiˈ si Diyos pusibli i dimuˈan inannaˈ.”​—Mateo 19:26.

• Hingyap-na si Diyos i pagtuman si saˈad-na.  Pananglitan, agˈanduy-na gayod Jehova i pagbanhaw si magkamaratay mga aˈa.​—Job 14:14, 15.

Agpakulaw-na liwat si Bibliya nga agpahalap-na si Dadiˈ-na si Diyos, si Jesus, i mga binatiˈon. Ay kay aghimu-nay ray? Tungod kay iyay nan i karuyag-na. Agpakulaw-na si Jesus nga iya i ripliksyun-na si kinaˈiya-na si Tatay-na si karuyag-na pagbulig si magkinahanglan.​—Juan 5:19.

Sanglit, akasiguro kita nga ruyag-na gayod Jehova ngan Jesus nga akabulig si kita basiˈ saˈangkun-ta i malipayon kabubuwason!​—Salmo 72:12-14; 145:16; 2 Pedro 3:9.