“Agkuntrular-na si Giraraˈati i bugˈos kalibutan.”—1 Juan 5:19.

“Padaˈito i Dadiˈ-na si Diyos pagbungkag si trabahu-na si dyablo.”—1 Juan 3:8, New Century Version.

Agin klarado si kaˈaw i mga rason si mga prublima si kalibutan.—Pagpakatuˈan 12:12.

Aniyaˈ rasun-mo nga anutuˈo nga i kalibutan agbagˈo padaˈiray si mahalap.—1 Juan 2:17.

Oho, si tallo mga rason:

• Nagtapos i pagmanduˈ-na si Satanas.  Pusukado gayod Jehova pagtapos si pagkuntrular-na si Satanas si mga aˈa. Agsaˈad iya si “pagwaraˈ si Dyablo” ngan pagtuhay si dimuˈan marungkab tungod si trabahu-na si Satanas.—Hebro 2:14, New World Translation.

• Agtuˈinan-na si Diyos i Dadiˈ-na para pagpunuˈ si kalibutan.  Pagkahaya si pagkalaˈinan-na si Jesus si prisinti makikalugaringon ngan maraˈug-daˈugon magmarandoˈ. Hiˈunong si paghadiˈ-na si Jesus, agsaˈad i Diyos: “Karaluˈuyan-na i magpankuri ngan i mga pubri . . . Lukat-na mga iya tikang si pagraˈug-daˈog patiˈ si pagkastigo.”—Salmo 72:13, 14.

• Gaˈi agbulloˈ i Diyos.  Lingun-na si Bibliya: “Impusibli si Diyos i pagbulloˈ.” (Hebro 6:18) Kon agsaˈad Jehova, tuman-na gayod kon ay i nagsaˈad-na! (Isaias 55:10, 11) “Tarabrugun-na inaˈanto i prinsipi-na si karaˈatan sito kalibutan.”—Juan 12:31.