In Mono Itamo Ningo i kom Baibul?
Iromo wacci obedo . . .
-
buk ma tye ki ryeko pa dano?
-
buk me ododo?
-
Lok pa Lubanga?
GIN MA BAIBUL WACO
“Ginacoya ducu ma yam gicoyo, gicoyo pi teko pa cwiny pa Lubanga.”—2 Temceo 3:16, Acholi Baibul.
BER PA LOK MAN PIRI
Miyo lagam i kom lapeny ma pigi tego i kwo.—Carolok 2:1-5
Miyo tira ma genne pi kwo me nino ducu.—Jabuli 119:105.
Miyo gen me ada pi kwo me anyim.—Jo Roma 15:4.
TIKA ADA WATWERO GENO GIN MA BAIBUL WACO?
Watwero, olo pi tyen lok adek:
-
Lok ma iye girwatte. Dano ma romo 40 mapatpat aye gucoyo Baibul pi kare ma romo mwaki 1,600. Pol pa jo ma gucoyo Baibul-li pe gurwatte wang ki wang. Ento lok ducu ma kicoyo i Baibul rwatte ki wi lokke madit!
-
Tito lok me tekwaro kakare. Luco lok me tekwaro pol kare pe gicoyo lok i kom danogi ka kiloyogi i lweny. Ento luco Baibul pe guumo kadi wa balgi kikome nyo pa danogi.—2 Tekwaro 36:15, 16; Jabuli 51:1-4.
-
Lok pa lunebi me Baibul cobbe kakare. Baibul otito ni kibituro boma macon me Babilon mwaki 200 ma peya otimme. (Icaya 13:17-22) Oloko i kom kit ma kibituro kwede, dok bene omiyo nying ngat ma biturone!—Icaya 45:1-3.
Lok mapol mukene pa lunebi me Baibul bene gucobbe kore ki kore. Dok man aye obedo gin ma omyero wagen ki i buk ma oa ki bot Lubanga.—2 Petero 1:21.
TAM KONG
Lok pa Lubanga twero kelo alokaloka maber i kwoni nining?
Baibul gamo lapeny meno i ICAYA 48:17, 18 ki 2 TEMCEO 3:16, 17.
Itwero Bedo ki Miti i kom Lok Man
PWONY MA PIGI TEGO ME BAIBUL
Wangeyo Nining ni Lok me Baibul Tye Kakare?
Ka Baibul obedo lok pa Lubanga, ci myero obed pat adada ki buk mo keken ma kicoyo.
LOK MADOK I KOMWA
Pingo Omyero Ikwan Baibul?—Vidio Mabor
Baibul tye ka miyo lagam me lapeny ma pigi tego ma mako kwo pi dano milion mapol i but lobo ducu. In bene imito bedo ngat acel i kingi?
LOK MADOK I KOMWA
Peny Wek Kilimi
Nyam lapeny mo me Baibul, nyo pwony lok mapol madok i kom Lucaden pa Jehovah.
