1. Yehowa Mawu pee nɔhyɛ nɔ́ kpakpa

Kɛ ha wɔ,

Ha wɔ tsuo,

Nyɛ ha waa kase Mawu suɔmi konɛ

Wa kó nɔ si,

Wa kó nɔ si.

Kase Mawu su kpakpa nɛ ji suɔmi;

Suɔmi haa nɔ tsuɔ nítsumi kpakpahi;

Peeɔ Mawu webi kake kɛ hii si daa.

Yehowa ji

Tsɛ nɛ ngɛ suɔmi.

2. Keji wa kase Mawu ngɛ blɔ n’ɔ nɔ,

Wa ma je

Suɔmi kpo

Kɛ ha nyɛmimɛ, wa maa ye bua mɛ ngɛ

Nɔ́ tsuaa nɔ́ mi,

Nɔ́ tsuaa nɔ́ mi;

Waa kɛ tɔmi nɛ nimli peeɔ maa pa mɛ,

E ma ha wa ma je suɔmi nitsɛ kpo,

Wa maa kase wa Tsɛ Mawu su kpakpa.

Wa je suɔmi

Kpo kɛ ha nimli.

 3. Wa suɔ Yehowa, lɔɔ he nɛ wa jaa lɛ

Daa ligbi,

Daa ligbi.

Wa jeɔ tsui mi kɛ peeɔ tue bumi haa lɛ.

Wa jeɔ e yi,

Wa jeɔ e yi.

Wa haa nimli tsuo leɔ e biɛ Yehowa;

Haa a nuɔ anɔkuale sisi wawɛɛ.

Ha nɛ wa bua nɛ jɔ e sɔmɔmi he

Lɔɔ tsɔɔ kaa wa

Suɔ Mawu niinɛ.