La 51
Wa Maa Mɛtɛ Yehowa He
1. Matsɛ Yehowa tsɔɔ kaa e sa nɛ a ja lɛ.
E ní peepeehi tsɔɔ kaa e yeɔ dami sane.
Nɔ́ ko nɔ́ ko be nɛ e de nɛ be mi bae.
Wa maa ya nɔ maa mɛtɛ Yehowa he daa;
Ke wa kplɛɛ e nɔyemi nɔ, e maa jɔɔ wɔ.
2. E ngɔ e matsɛ sɛ̃ kɛ ma dami sane nɔ.
Anunyami bɔle Mawu matsɛ sɛ̃ kɛ kpe.
E fɔ he si bali nine kɛ ba e ngɔ.
Wa mɛtɛ he walɔ Mawu, Yehowa he;
E sa kaa adesahi tsuo nɛ a ja lɛ.
3. Mo nɛ hiɔwe kɛ hiɔwe se lokoo po kpi mo.
He nyɛlɔ ko be nyɛe maa te si kɛ wo mo gblee.
Wa he ye kaa si tsuo nɛ o wo maa ba mi.
Wa mɛtɛ Yehowa he, wa peeɔ nɔ́ nɛ da,
Wa maa ya nɔ ma sɔmɔ lɛ kɛ wa tsui tsuo.
(Moo hyɛ 5 Mose 4:4; 30:20; 2 Ma. 18:6; La 89:14 hulɔ.)