Mɛni Ji Nɔ́ Titli Nɛ Kɛ Bua Jɔmi Baa Weku Mi?
Anɛ o susu kaa . . .
-
suɔmi lo?
-
sika lo?
-
nɔ́ kpa ko lo?
NƆ́ NƐ BAIBLO Ɔ DE
“A gbaa ni nɛmɛ nɛ nuɔ Mawu munyu ɔ, nɛ a yeɔ nɔ ɔ!”
BƆNƐ O MA NÁ HE SE HA
Nyɛ ma ná suɔmi nitsɛnitsɛ ha nyɛ sibi.
Nyɛ ma ná bumi nitsɛnitsɛ ha nyɛ sibi.
Nyɛ ma ná si himi nɛ ngɛ slɔkee nitsɛ.
ANƐ WA MA NYƐ MA HE NƆ́ NƐ BAIBLO Ɔ DEƆ MAA YE NIINƐ LO?
Ee, ke e hí kulaa a, ngɛ yi mi tomi enyɔ a heje:
-
Mawu lɛ to weku si himi sisi. Baiblo ɔ tsɔɔ kaa Yehowa Mawu lɛ ha ‘nihi tsuo nɛ ngɛ hiɔwe, kɛ zugba a nɔ ɔ biɛ.’ (Efesobi 3:14, 15) Ke wa ma de ngɛ blɔ kpa ko nɔ ɔ, Yehowa lɛ ha nɛ wekuhi ba si himi mi. Mɛni heje nɛ enɛ ɔ he hia a?
Mo susu nɔ́ nɛ ɔ he nɛ o hyɛ: Ke o ngɛ niye ní ko nɛ e ngɔɔ wawɛɛ yee nɛ o suɔ kaa o le níhi nɛ a kɛ hoo jamɛ a niye ní ɔ, mɛnɔ o ma bi? Nile ngɛ mi kaa o ma bi nɔ nɛ hoo ní ɔ.
Jã kɛ̃ nɛ ke wa suɔ kaa wa maa le níhi nɛ ma ha nɛ bua jɔmi maa ba weku mi ɔ, nile ngɛ mi kaa wa ma bi Yehowa, nɔ nɛ e to weku si himi sisi ɔ.
—1 Mose 2:18-24. -
Mawu susuɔ o he. Nile ngɛ mi kaa wekuhi maa hla Yehowa ga womi se blɔ. A maa na ga womi nɛ ɔ ngɛ Mawu Munyu ɔ mi. Mɛni heje nɛ e sa kaa a hla Yehowa ga womi se blɔ ɔ? ‘Ejakaa e susuɔ a he.’ (1 Petro 5:6, 7) Yehowa suɔ nɛ e hi ha wekuhi, nɛ e ga womi ɔmɛ a he ngɛ se nami!
—Abɛ 3:5, 6; Yesaya 48:17, 18.
MO SUSU HE NƐ O HYƐ
Mɛni blɔ nɔ o maa gu kɛ pee huno kpakpa, yo kpakpa, loo fɔlɔ kpakpa?
Baiblo ɔ ha sane bimi nɛ ɔ heto ngɛ EFESOBI 5:1, 2 kɛ KOLOSEBI 3:18-21.
Eko ɔ, O Bua Maa Jɔ Enɛ ɔ Hu He
O HƐ NƐ TSƐ̃!
Níhi Nɛ Haa Nɛ Wekuhi Yeɔ Manye—Kake Peemi Nɛ Hi Nyɛ Kpɛti
Anɛ o naa o yo ɔ loo o huno ɔ kaa nɔ ko nɛ o kɛ lɛ bla kɛ ngɛ tsu kake mi kɛkɛ lo?
WA HE SANEHI
Mɛni He Je Nɛ E Sa Kaa Waa Kase Baiblo ɔ?
Baiblo ɔ ngɛ nihi ayɔhi abɔ nɛ a ngɛ je ɔ mi tsuo ɔ si himi mi sane bimihi nɛ a he hia a heto hae. Anɛ mo hu o suɔ kaa a ha mo sane bimi nɛ ɔmɛ a heto lo?
WA HE SANEHI
Mo Bi Nɛ A Ba Slaa Mo
Nyɛ ma nyɛ ma susu Baiblo mi sane bimi ko he, aloo nyɛ ma nyɛ maa kase Yehowa Odasefohi a he ní.
