Die tweede boek van Samuel 22:1-51
22 En Dawid het die woorde van hierdie lied vir Jehovah gesing+ op die dag toe Jehovah hom gered het uit die hand van al sy vyande+ en uit Saul se hand.+
2 Hy het gesê:
“Jehovah is my groot rots en my vesting+ en die Een wat my red.+
3 My God is my rots,+ by wie ek beskerming soek,my skild+ en my horing* van redding,* my veilige skuilplek*+en die plek waarheen ek kan vlug,+ my redder.+ U red my van geweld.
4 Ek roep Jehovah aan, wat verdien om geloof te word,en ek sal van my vyande gered word.
5 Die branders van die dood het om my gebreek.+Stortvloede van nikswerd mense het my baie bang gemaak.+
6 Die toue van die Graf* was om my.+Ek het voor die strikke van die dood te staan gekom.+
7 In my angstigheid het ek tot Jehovah geroep.+Ek het tot my God bly roep.
Toe het hy vanuit sy tempel my stem gehoor,en my geroep om hulp het sy ore bereik.+
8 Die aarde het begin skud en bewe,+en die fondamente van die hemel het gebewe+en heen en weer geskud omdat hy woedend gemaak is.+
9 Rook het uit sy neusgate gekom,en ’n verterende vuur het by sy mond uitgekom.+Gloeiende kole het uit hom voortgekom.
10 Hy het die hemel laat buig terwyl hy neergedaal het,+en daar was digte, donker wolke onder sy voete.+
11 Hy het op ’n gerub+ gery en aangevlieg gekom.
Hy was sigbaar op die vlerke van ’n gees.*+
12 Toe het hy donkerte rondom hom sy skuiling gemaak,+donker waters en digte wolke.
13 Uit die helderheid voor hom het brandende kole opgevlam.
14 Toe het Jehovah se stem soos donderslae vanuit die hemel gedreun.+Die Allerhoogste het sy stem laat hoor.+
15 Hy het sy pyle+ geskiet en my vyande verstrooi,weerligstrale om hulle te verwar.+
16 Die seebodem het sigbaar geword.+Die fondamente van die land is deur die straf van Jehovah blootgelê,deur die geblaas van die asem van sy neusgate.+
17 Hy het sy hand vanuit die hoogte uitgestrek.
Hy het my gegryp en my uit diep waters getrek.+
18 Hy het my van my sterk vyand gered,+van dié wat my haat, wat sterker was as ek.
19 Hulle het my teëgestaan op die dag van my rampspoed,+maar Jehovah het my ondersteun.
20 Hy het my na ’n veilige plek* uitgebring.+Hy het my gered omdat ek sy goedkeuring geniet.+
21 Jehovah beloon my volgens my regverdigheid.+Hy vergoed my volgens die onskuld* van my hande.+
22 Want ek het die weë van Jehovah gevolg,en ek het nie goddeloos opgetree deur my God te verlaat nie.
23 Al sy oordele+ is voor my.
Ek sal nie afwyk van sy wetsbepalings+ nie.
24 Ek sal ’n rein lewe voor hom lei,+en ek sal oortreding vermy.+
25 Mag Jehovah my beloon volgens my regverdigheid,+volgens my onskuld voor hom.+
26 Aan iemand wat lojaal is, is u lojaal.+Aan iemand wat getrou* is, is u getrou.*+
27 Vir die een wat rein is, toon u dat u rein is,+maar deur die een wat bedrieglik is, word u nie bedrieg nie.*+
28 En u red die nederiges,+maar u oë is teen die hoogmoediges, en u verneder hulle.+
29 O Jehovah, u is my lamp.+Dit is Jehovah wat my duisternis lig maak.+
30 Met u hulp kan ek ’n rowerbende bestorm,en deur God se krag kan ek teen ’n muur opklim.+
31 Die weg van die ware God is volmaak,+en die woord van Jehovah is suiwer.+Hy is ’n skild vir almal wat beskerming by hom kom soek.+
32 Want wie is God buiten Jehovah?+
En wie is ’n rots behalwe ons God?+
33 Die ware God is my sterk vesting,+en hy sal sorg dat my weg volmaak is.+
34 Hy maak my voete soos dié van ’n takbok.
Hy laat my op hoë plekke staan.+
35 Hy leer my hande om oorlog te voer,en my arms kan ’n boog van koper span.
36 U gee my u skild van redding,en u nederigheid maak my groot.+
37 U maak die pad vir my voetstappe breër,en my voete* sal nie gly nie.+
38 Ek sal my vyande agternasit en hulle doodmaak.
Ek sal nie terugkeer totdat hulle vernietig is nie.
39 En ek sal hulle vernietig en verpletter sodat hulle nie sal opstaan nie,+en hulle sal onder my voete val.
40 U sal my krag gee vir die geveg,+en u sal my vyande onder my laat inmekaarsak.+
41 U sal my vyande van my af laat terugtrek.*+Ek sal ’n einde maak aan dié wat my haat.*+
42 Hulle roep om hulp, maar daar is niemand om hulle te red nie.
Hulle roep selfs tot Jehovah, maar hy antwoord hulle nie.+
43 Ek sal hulle so fyn stamp soos die stof van die aarde.
Ek sal hulle verpletter en vertrap soos modder in die strate.
44 U sal my red van die foutvindery van my volk.+U sal my bewaar om die hoof van nasies te wees.+’n Volk wat ek nie geken het nie, sal my dien.+
45 Uitlanders sal voor my kruip.+Hulle sal aan my gehoorsaam wees weens wat hulle van my hoor.*
46 Uitlanders sal moed verloor,*en hulle sal bewend uit hulle vestings kom.
47 Jehovah lewe! Mag my Rots+ geloof word!
Laat God, die rots van my redding, verheerlik word.+
48 Die ware God neem wraak vir my.+Hy onderwerp die volke onder my.+
49 Hy red my van my vyande.
U lig my hoog+ bo dié wat my aanval,en u red my van die man van geweld.+
50 Daarom sal ek u dank onder die nasies,+ o Jehovah,
en ek sal liedere sing* om u naam te loof.+
51 Hy verrig groot reddingsdade* vir sy koning.+Hy betoon lojale liefde aan sy gesalfde,
aan Dawid en sy nageslag,* vir ewig.”+
Voetnote
^ Of “my magtige redder”.
^ Of “veilige hoogte”.
^ Of “die wind”.
^ Of “ruim plek”.
^ Lett. “die reinheid”.
^ Of “onberispelik”.
^ Of “onberispelik”.
^ Of moontlik “teenoor die een wat bedrieglik is, sal u optree asof u dwaas is”.
^ Of “enkels”.
^ Of “U sal my die rug van my vyande gee”.
^ Of “Ek sal dié wat my haat, stilmaak”.
^ Lett. “Wanneer die oor hoor, sal hulle my gehoorsaam”.
^ Of “wegkwyn”.
^ Of “musiek maak”.
^ Of “groot oorwinnings”.
^ Lett. “saad”.
