LIED 36
Ons bewaak ons hart
-
1. Getrou sal ons ons hart bewaak
om God opreg te dien.
Hy lees die hart, en daar kan hy
ons innerlike sien.
Die hart kan die verstand mislei,
maar ons moet hierteen stry.
Mag ons verstand ons hart dus rig
om op Gods weg te bly.
-
2. Ons hart is voorbereid om God
te nader in gebed.
Ons bid tot hom en sê vir hom
as ons groot sorge het.
Jehovah leer ons deur sy Woord
wat hy van ons verwag.
Verkry dus ’n lojale hart;
doen sy wil elke dag.
-
3. Ons hart word ook beskerm deur
die waarheid te bedink.
En so sal God se Woord ons raak,
dis waar ons krag kan vind.
Jehovah het sy knegte lief;
sy guns is onverdiend.
Heelhartig sal ons hom aanbid,
vir ewig as sy vriend.
(Sien ook Ps. 34:1; Fil. 4:8; 1 Pet. 3:4.)