23 NOVEMBER 2020
FILIPPYNE
Tifoon Vamco tref dele van die Filippyne wat reeds deur kragtige storms verwoes is
Plek
Luzon
Ramp
Op 11 November 2020 het tifoon Vamco (plaaslik bekend as Ulysses) Patnanungan in die provinsie Quezon getref en toe baie dele van Luzon verwoes
Tifoon Vamco is die 21ste tropiese sikloon wat die Filippyne hierdie jaar getref het en het van die ergste oorstromings veroorsaak wat die land nog ooit gehad het
Die tifoon het die land getref minder as twee weke nadat supertifoon Goni dele van Luzon verwoes het. Supertifoon Goni word beskou as een van die sterkste storms wat die Filippyne sedert 2013 getref het
Die swaar reën wat deur al hierdie storms veroorsaak is, het die watervlakke in groot damme gevaarlik hoog laat styg. As gevolg hiervan moes die owerheid water uit die damme laat vloei wat toe veroorsaak het dat gebiede wat nie direk deur tifoon Vamco getref is nie, oorstroom is
Hoe ons broers en susters geraak is
Meer as 600 families moes as gevolg van die oorstromings hulle huise verlaat. Party van hierdie families moes op die dak van hulle huis klim om weg te kom van die stygende vloedwaters voordat hulle gered is
’n Jong broer het seergekry toe glasstukke sy gesig getref het. Hy is besig om te herstel
Skade aan eiendom
Volgens die eerste berig is:
Ten minste 6 Koninkryksale en 1 vertaalkantoor oorstroom
Ten minste 20 huise beskadig
1 huis heeltemal vernietig
Noodlenigingspogings
Kringopsieners en die plaaslike ouermanne het saamgewerk om kos, water en blyplek te voorsien aan dié wat hulle huise moes verlaat
Party families kon teruggaan na hulle huise om met die skoonmaakwerk te begin
3 nuwe Noodlenigingskomitees reël die noodlenigingswerk
Die broers maak seker dat hulle by COVID-19-veiligheidsmaatreëls bly terwyl hulle die noodlenigingswerk doen
Ons weet dat Jehovah ons broers en susters gedurende hierdie moeilike tyd sal ondersteun. Ons sien regtig uit na die tyd wanneer Jehovah se volk in vrede en veiligheid sal woon, sonder om bang te wees vir natuurrampe. – Psalm 4:8.