9 JANUARIE 2024 | BYGEWERK: 7 OKTOBER 2024
WÊRELDNUUS

JONGSTE NUUS – BROERS IN DIE TRONK | Vasbeslote om op Jehovah te vertrou

SPEEL

Op 3 Oktober 2024 het die Hooggeregshof van die Republiek Krim broer Joeri Gerasjtsjenko en Sergei Parfenowitsj se vonnisse verander. Hulle oorspronklike opgeskorte tronkvonnisse van ses jaar is vervang met tronkstraf van ses jaar. Hulle is in die hof in hegtenis geneem.

Op 1 Julie 2024 het die Krasnogwardeiski-distrikshof van die Republiek Krim broer Joeri Gerasjtsjenko en Sergei Parfenowitsj skuldig bevind. Hulle is elkeen ’n opgeskorte tronkvonnis van ses jaar gegee en hoef nie op hierdie stadium tronk toe te gaan nie.

Profiel

Joeri Gerasjtsjenko

Gebore: 1979 (Oekraïne)

Agtergrond: Werk as ’n elektrisiën

Is beïndruk deur die akkuraatheid van die Bybel en die bewys van God se liefde vir die mens in die Bybel se leringe. Gedoop as een van Jehovah se Getuies in 2000

Trou met Irina in 2002

Persoonlike kommentare

Wat het jy oor Jehovah uit hierdie ondervinding geleer?

Ek het geleer om Jehovah se goeie oordeel te waardeer. Hy weet presies wat ek nodig het en is gretig om my te help. Terwyl ek terugdink aan wat onlangs met my gebeur het, kan ek sien hoe Jehovah my voorberei het. Ek voel soos ’n stuk gereedskap in sy hande. ’n Vaardige ambagsman hou sy gereedskap in ’n goeie toestand, en hy maak dit skerp en kyk daarna sodat dit gereed is wanneer hy dit nodig het. Ek kan sien hoe Jehovah dit met my gedoen het. Dit maak dat ek op hom wil vertrou en hom nooit wil verlaat nie.

Sergei Parfenowitsj

Gebore: 1972 (Mirnoje, die Krim)

Agtergrond: Het as ’n opsigter by ’n sportskompleks gewerk

Het sy hart geraak toe hy uitvind wat God se Koninkryk in die toekoms sal doen. Gedoop in 1993 by die internasionale byeenkoms wat in Kijif, Oekraïne, gehou is

Trou met Marina in 1997. Hulle het vier seuns en twee dogters

Persoonlike kommentare

Wie se voorbeeld in die Bybel het jou persoonlik aangemoedig?

In Filippense 3:10 het die apostel Paulus geskryf: “Ek wil hom en die krag van sy opstanding ken. Ek wil soos hy ly.” Ek het gedink aan hoe lief Paulus vir Jesus was. Hy was so lief vir Jesus dat hy bereid was om net soos Jesus te ly. Ek het gebid dat ek dieselfde gesindheid en vasbeslotenheid as Paulus moet hê. Hierdie gesindheid het my gehelp om die manier hoe ek dink, te verander. In plaas daarvan om myself as ’n slagoffer van ongelukkige omstandighede te beskou, sien ek myself as iemand wat ferm kies om Jehovah te dien, ongeag wat die gevolge sal wees.

Ons weet dat Jehovah sal aanhou om Joeri en Sergei, sowel as almal wat lojaal aan hom bly, te ondersteun terwyl hy ‘hulle wegsteek in die skaduwee van sy vlerke’. – Psalm 17:7, 8.

Tydlyn

19 September 2022

Kriminele saak word teen Sergei gemaak
28 September 2022

Sergei se huis is een van agt huise wat deur FSB-beamptes deursoek is, en hy word in ’n tydelike aanhoudingsfasiliteit geplaas
30 September 2022

Sergei word na ’n detensiesentrum voor sy verhoor gestuur
15 November 2022

Sergei word uit die detensiesentrum voor sy verhoor vrygelaat en onder huisarres geplaas
22 Maart 2023

Kriminele saak word teen Joeri gemaak. Hy word gearresteer, ondervra en in ’n tydelike detensiesentrum geplaas
24 Maart 2023

Joeri word vrygelaat en onder huisarres geplaas
12 Julie 2023

Sergei en Joeri word uit huisarres vrygelaat en onder reisbeperkings geplaas
28 Julie 2023

Kriminele verhoor begin. Die aanklaer het Sergei en Joeri daarvan beskuldig dat hulle “aanhou met kriminele bedrywighede en getuies dreig”. Al was daar nie genoeg bewyse nie, het die regter hulle albei vir ’n tweede keer onder huisarres geplaas

Sien ook

NUUSBERIGTE

In die tronk weens hulle geloof – Die Krim

Jehovah se Getuies in die Krim is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE