“Ashí aents Apajuí nemagchau aina duka iwanchi inatai ainawai” (1 Juan 5:19, Yamajam Chicham Apajuinu).

“Nuaduí Apajuí Uchijiya nu, iwanchi takatjin emegkagtatus tauwai” (1 Juan 3:8).

Dekaattaji wagka ashí nugkanum utugchat awa dushakam (Iwainakbau [Apocalipsis] 12:12).

Ajutjamtatui dakamu jujú nugka pegkegnum (1 Juan 2:17).

Jujú kampatuma juwi aimui:

• Iwanch inabaunak emegkaktatui. Jihuwá dekas emegkaktatui iwanch jujú nugkanum inama nunak. Nii “depetkattawai [...] iwanchin” nuigtushkam Jihuwá emegkaktatui waitiamun iwanch dutika nuna (Hebreos 2:14).

• Jisukristu inamjattawai Apajuí adaikamu asa. Jisusak betekchauwai yamai inama nujaig nuigtush iwanch inama duka pegkegchauwai. Nuaduí Apajuí anagtamui Jisus inamjatta nui tawai: “Ujudauch aidaun wait anenjattawai [...]. Ujudauch aidaun waitkainak maaniagtaish, nii ayamjuk uwemtijattawai” (Salmo 72: 13, 14).

• Apajuik waitjuchui. Apajuí chichame dekas tawai “Apajuik waitjuchui” (Hebreos 6:18). Aniu asa Jihuwá anagtama nunak betek umiktatuapi tumainai (Isaías 55:10, 11). Nii anagtamui junak “yamaiya juwiki iwanch ju nugka juwi inama nuna depetkamu atata dushakam” (Juan 12:31).