“Nyamɩnlɩ . . . ɩbabɩba bɛ anyɩ tʋ mʋnlɩ munwatĩĩ. Owulo íni ɛkɛnɩ ebiyekʋ̃, ɛyɛkɛ nɩɩ mʋnlɩ béni ɛkɛnɩ ebiyekʋ̃, ozunɛ íni ɛkɛnɩ ebiyekʋ̃. Sianti yɛ lɛ kɛɛ, nninyeni dadampɔ nɩ bodua numɔ.”—Yikile 21:3, 4, Nhyɩhyɛlɩyɛ Fʋlɔ Aɣɩnda Bayɩbʋlʋ.

Ɩma yede yedi kɛɛ kɛ Nyamɩnlɩ yɛ ɩma amanɩyɛnwʋnlɛ ɩtʋ yɛ a.—Gyemisi 1:13.

Ɩma enyia ɛɣɛɛlɛ yɩkyɩlɛ be kɛɛ Nyamɩnlɩ ɩtɩ nɣanlɩ ɩma yɛ mmɩlɩ mɔɔ yɛnwʋ amanɩyɛ nɩ.—2 Tɛsalonikamaa 1:6.

Anyɩnlɩlazʋ kɛɛ ɩlɛ́kyɛ ɛyɛkɛ munwala ɩkɛɣa awielɩyɛ.—Psalm 37:9-11, New World Translation.

Nyɛ, sianti anwɩ̃ be ti:

• Nyamɩnlɩ ikyi amanɩyɛnwʋnlɛ nɩɩ nsisi. Sunzu kezimɔ Nyamɩnlɩ ɩdɩlɩ nɣanlɩ wɔ ɩ mmenii mɔɔ nɩ bɛhyɛ bɛ atɩɩtɩɩ wɔ tɩɩtɩɩ mmɩlɩ nu nɩ nwʋ. Bayɩbʋlʋ ɩkã kɛɛ, yɩ ɛɣɛɛlɛ ɩwɔlɩ iluwa “mmenii mɔɔ nɩ bɛyɛɛ yɩ mmenii ayɛkʋa nɩ ti.”—Judges 2:18, NW.

  Nyamɩnlɩ ɩanyɩ ɩbʋlʋ mmenii mɔɔ bepila mmenii nɩ zʋ. Kɛ ndianwʋ nɩ, Bayɩbʋlʋ yɩ ɩkã kɛɛ, Nyamɩnlɩ ikyi “salɛ mɔɔ itwonwɔ mmegyia mɔɔ idi bɩ̃ ikua.”—Proverbs 6:16, 17, NW.

• Nyamɩnlɩ ɩdwɩnɩ yɛ nwʋ nkʋ̃kʋ̃ nkʋ̃kʋ̃. Gyehova ɩhyɛ yɛ ɛzɩzɩbɛ kɛɛ yɛvá yɛ adwɩnɩndwɩnɩ munwatĩĩ yegua yɩ zʋ, “iluwakɛɛ ɩdwɩnɩ mʋnlʋmmɔ bɔ nwʋ.”—1 Pita 5:7.

  Ɩlɛ́kyɛ, iluwa yɩ Bulombunlililɛ zʋ nɩ, Gyehova ɩkɛva abiyela yɩ amanɩyɛnwʋnlɛ ɩkɛɣa awielɩyɛ. (Matiyu 6:9, 10) Naasʋ̃ kakɩ mɛyɩ, ɩkyɩkyɩ mmenii mɔɔ bɔzʋ̃ bɛ ahʋnlɩnɩ nu bɛpɩbɛ yɩ nɩ bɛ ɛɣɛɛlɛ.—Egyima 17:27; 2 Kɔlɛntɩmaa 1:3, 4.