‘Jaˇliꞈ dawˬ kawˬ dawˬ tawˆ luꞈ Miˬyehˇ neh bi noeˬ doˆ-eu laꞈ k’oeˇ boꞈ doˆ taˬ-euˬ meh.’—2 Tiˆmoˇseˬ 3:16.

Dehꞈ ziˇ-ahˇ taꞈ-eu aˇ yeˇ huiˬ-eu gaˇ kawˆ-ahˇ dawˬ k’oꞈ biꞈ.—Dawˬdaˬ 2:1-5.

Yawˬ nah na luꞈ yaw dehꞈ dehꞈ gaˇ sheuˬ g’eh-eu nui noeˬ nui duˇ ahˇ.—Ja ceuˬ 119:105.

Mehˬ hu paw jaˆ-eu muiˬ dui dui-eu noeˬ tmˬ-eu jeˬ ehˇ nehˬ taˬ.—Loˇmaˆ 15:4.

Jah nya-eu yaw teˬ smˬ kawˆ jaˆ meh.

• Jaˇliꞈ laꞈ k’oeˇ-euˬ gaˇ kawˆ deuˬ tiˬ gaˇ tsaˬ leˇ jiˇ. Jaˇliꞈ-aˬ, tsawˇ haˬ 40 g’aˬ ehˇ g’aˬ ni boꞈ-awˇ, aˇ yamˬ 1,600 k’oꞈ dzehˬ ni boꞈ-euˬ meh. Jaˇliꞈ boꞈ-euˬ deuˬ myaˬ tiˬ paˆ tiˬ g’aˬ tiˇ g’aˬ maˬ siˬ maˬ mawˇ haw-aˬ. Ehˇ k’awꞈ aˬ yawꞈ maꞈ neh boꞈ-euˬ gaˇ kawˆ deuˬ dmˬ lah ni gaˇ kawˆ daˬ ma hmˬ-ahˇ ngehˬ keuˆ taˬ-awˇ, aˬ yawꞈ tiˬ gaˇ tsaˬ leˇ jiˇ-eu meh.

• Jaˇliꞈ boꞈ-euˬ deuˬ gaˇ kawˆ deuˬ-ahˇ k’aˇ ngeuˇ-eu loꞈ-ehˇ dawˇ coe ni boꞈ taˬ. Gaˇ hu-euˬ gaˇ kawˆ-ahˇ boꞈ-eu deuˬ aˬ myah myah naˇ, yawˬ ha tsawˇ jeuˬ-euˬ yaw lehˬ-ahˇ laˆ zaꞈ-eu meh. Ehˇ k’awꞈ Jaˇliꞈ boꞈ-eu deuˬ naˇ, yawˬ ha-euˬ yaw lehˬ-ahˇ maˬ ehˇ, yawˬ ha tsawˇ jeuˬ-euˬ yaw lehˬ-ahˇ maˬ ehˇ, maˬ laˆ zaꞈ ni k’aˇ ngeuˇ-eu loꞈ-ehˇ boꞈ taˬ-euˬ meh.—2 Laˬsaˬbaˬ 36:15, 16; Ja ceuˬ 51:1-4.

• Jah coeˇ paˬ-ehˇ g’eh-eu maˬ keuˆ laˇ miˇ ehˇ taˬ dawˬ ahˇ. Jaˇliꞈ-ahˇ gaˇ hu-euˬ Baˬbuˇloˬ meuˬ cawˆ iˇ-eu gaˇ kawˆ 200 k’oꞈ ehˇ huˬ taˬ-euˬ meh. (Iˇsaˬyaˇ 13:17-22) Baˬbuˇloˬ meuˬ aˬ geu jeˬ lehˇ bi deuˆ dzaˬ-eu gaˇ kawˆ-ahˇ ehˇ nehˬ taˬ-euˬ uˬ taꞈ, deuˆ dzaˬ laˇ-eu g’aˬ-euˬ tsawˇ myahˇ jiˇ paˇ ehˇ nehˬ taˬ-euˬ meh.—Iˇsaˬyaˇ 45:1-3.

  Jaˇliꞈ laꞈ k’oeˇ-euˬ maˬ keuˆ laˇ miˇ ehˇ taˬ dawˬ nui deuˬ jiˇ duꞈ yawˇ ni byah laˇ-euˬ meh. Teu gaˇ haw ngeh, Jaˇliꞈ-aˬ Miˬyehˇ-euˬ dawˬ pyeuꞈ ngaˇ-a lehˇ siˬ laˇ-eu maˬ ngeuˇ nga loˇ?—2 Beˬtuˆluˆ 1:21.