“Tsawˇ muiˬ tsawˇ doeˇ dawˬ tawˆ luꞈ-ahˇ shiˇ-euˬ gaˇ paˇ bi g’oꞈ dehꞈ laˇ tehꞈ-a.”—G’aˬk’ehˇ 24:15.

Gaˬ-eu g’aˬ shiˇ nehˬ laꞈ ngeh, nui ma aˇ dzehˬ-ehˇ maˬ bi cawˆ.—2 Gawˇliˬtu 1:3, 4.

Shiˇ-eu jeˬ-ahˇ aˇ dzehˬ-ehˇ maˬ paˇ bi guˆ.—Heˬbyehˇ 2:15.

Shiˇ dzeuˇ-euˬ yawˬ ha gaˬ-eu deuˬ nehˬ-ehˇ paˇ ya mawˇ k’oꞈ meh lehˇ noeˬ tmˬ-eu jeˬ bi jaˆ laˇ.—Yoˇhaˬ 5:28, 29.

Jah nya-eu yaw teˬ smˬ kawˆ jaˆ meh.

• Miˬyehˇ dehꞈ ziˇ-ahˇ Beh-euˬ yaw sahˇ pyeuꞈ. Jaˇliꞈ laꞈ k’oeˇ “tsawˇ haˬ dawˬ tawˆ luꞈ-ahˇ dehꞈ-eu jeˬ, saꞈ g’awˇ nya-eu jeˬ hawˇ-eu yawˬ jeˬ na luꞈ biꞈ-eu g’aˬ-aˬ” Yeˬhawˇbaˬ Miˬyehˇ meh lehˇ ehˇ taˬ-euˬ meh. (G’aˬk’ehˇ 17:24, 25; Ja ceuˬ 36:9) Yeˬhawˇbaˬ Miˬyehˇ dehꞈ ziˇ-ahˇ Beh-euˬ yaw sahˇ pyeuꞈ-eu miˇ neh, shiˇ dzeuˇ-euˬ deuˬ-ahˇ paˇ bi g’oꞈ dehꞈ laˇ nya meh.

• Gaˇ hu Miˬyehˇ shiˇ-euˬ tsawˇ haˬ tiˬ deuˬ-ahˇ laˆ dehꞈ nehˬ haw. Jaˇliꞈ laꞈ k’oeˇ Miˬyehˇ neh bi g’oꞈ dehꞈ laˇ-euˬ tsawˇ haˬ 8 g’aˬ-euˬ gaˇ kawˆ-ahˇ boꞈ taˬ-euˬ meh. G’oꞈ dehꞈ laˇ-euˬ teu laꞈ k’oeˇ, zaˬ guˬ tsawˇ mawˬ maˬ ehˇ, zaˬ yo aˬ li hawˇ-eu zaˬ miˬ aˬ buˇ maˬ ehˇ, ahˇ-eu meh. Tiˬ g’aˬ na shiˇ-euˬ tiˬ k’ehˬ naˇ g’oꞈ dehꞈ laˇ-awˇ, tiˬ g’aˬ na naˇ shiˇ dzeuˇ-euˬ 4 nah byah laˇ-euˬ gaˇ g’oꞈ dehꞈ laˇ-euˬ meh.—Yoˇhaˬ 11:39-44.

• Miˬyehˇ shiˇ-euˬ tsawˇ haˬ-ahˇ teu loꞈ-ehˇ paˇ laˆ dehꞈ nehˬ mawꞈ dui dui. Yeˬhawˇbaˬ shiˇ-eu jeˬ-ahˇ bye-awˇ, shiˇ-eu jeˬ-ahˇ muiˇ-eu g’aˬ lehˇ haw-eu meh. (1 Gawˇliˬtu 15:26) Miˬyehˇ shiˇ dzeuˇ taˬ-euˬ deuˬ-ahˇ bi g’oꞈ dehꞈ laˇ-awˇ, muiˇ-eu g’aˬ pyeuꞈ-eu shiˇ-eu jeˬ-ahˇ laˆ cawˆ-eu meh. Miˬyehˇ aˬ yawꞈ-euˬ nui noeˬ laꞈ k’oeˇ ahˇ-eu shiˇ dzeuˇ taˬ-euˬ deuˬ-ahˇ bi g’oꞈ dehꞈ laˇ-awˇ, miˇ tsaˬ k’oeˇ taˆ bi dehꞈ g’eh mawꞈ dui dui-eu meh.—Yawˇbaˆ 14:14, 15.