ENUKPLAKPLA 08
Ànyi xlɔ koɖo Yehowa dru
Yehowa jijiɛ mɔ eɔ le jeshi ye ɖɛ nywiɖe doji. Nyi yí taɖoɔ? Énya mɔ nɔ eɔ jeshi mɛ ciŋmɛ yenyi, lé yekpɔnɔ nuwo do koɖo enu ci yejijiɛ nɔ eoɔ, adɔ yí àgbeji doji mɔ yeanyi xlɔ koɖo ye. Èkando ji mɔ yeatɛnŋ anyi xlɔ koɖo Mawua? (Hlɛn Ehajiji Wema 25:14.) Nyi èɖo awa gbɔxwe asun ji anyi Mawu xlɔɔ? Bibla na ɖoŋci nɔ enyɔbiɔse cɛwo yí gbedre enu ci yí taɖo exlɔnyinyi koɖo Yehowa ɖo anyi enuvevi nɔ eo.
1. Nyi yí Yehowa jikɔ mɔ eo le waɔ?
“Mí gogo Mawu nɔ Mawu a gogo mí.” (Ʒaki 4:8) Enyɔ cɛ gɔnmɛ ɖe? Yehowa yɔkɔ eo mɔ eɔ le vanyi xlɔ koɖo ye. Woanyi xlɔ koɖo mɛ ci wodekpɔkɔ o, gɔnmɛsese tɛnŋ gbɔnnu nɔ mɛɖewo. Ele ahan gan, Yehowa nu enu ciwo pleŋ ele mɔ mìajeshi gbɔxwe anya mɛ ciŋmɛ enyi keŋ ate gogui do yi Nyɔ Bibla mɛ. Nɔ mìhlɛnnɔ enyɔ ci Mawu nu nɔ mì le Bibla mɛɔ, ewɛni mɔ exlɔ ci mìnyi koɖi gbesɛnnɔŋ doji ci mìdekpɔkpɔɛ can.
2. Nyi yí taɖo Yehowa nyi Exlɔ adodwitɔ ci àtɛnŋ awa ɖɛɔ?
Mɛɖekɛ delɔn eo sugbɔ sɔ koɖo Yehowa o. Éji mɔ eji ajɔnɔ eo yí egbeji mɔ eɔ le donɔ gbe ɖaɖa nɔ ye gaɖekpokpuimɛ yí abiɔnɔ alɔdu. Àtɛnŋ asɔ ao “susuwo jo ni, ɖo É kpenɔ ŋkuvi do” eo nu. (1 Piɛ 5:7) Yehowa le gbesɔsɔ hweɖekpokpuinu yí akpedo yi xlɔwo nu, afa akɔn nɔ wo yí agbeɖo to wo.—Hlɛn Ehajiji Wema 94:18, 19.
3. Nyi Yehowa ji mɔ ye xlɔwo le waɔ?
Yehowa lɔn amɛwo pleŋ, vɔ “ényinɔ exlɔ bakpomadɔn koɖo amɛjɔjɔɛwo.” (Elododo Wema 3:32, NWT) Taɖo Yehowa ji mɔ, mɛ ciwo yí anyi xlɔ koɖo ye aje agbla awanɔ enu ci yekpɔ mɔ eyi nyɔ yí agbe enu ci yegbekpɔ mɔ yɛnyi enudɔndɔn. Mɛɖewo tɛnŋ kpɔɛ mɔ, yewodasun ji awa enu ci Yehowa mɔ yewo le wa yí agbe enu ci emɔ yewo le gbe o. Vɔ, Yehowa nyi mɛɖeka ci yí kunɔ ŋshishi nɔ amɛ. Éxɔnɔ mɛ ciwo pleŋ yí luin ŋtɔŋtɔ yí jeje agbla mɔ yewoawa enu ci yí jeŋ ni.—Ehajiji Wema 147:11; Edɔwawawo 10:34, 35.
JI DWI NI KPƆ DOJI
Kpla nubuwo doji kudo lé àwɛ anyi xlɔ koɖo Yehowa nu yí agbekpɔ enu ci yí taɖo eyi nyi Exlɔ adodwitɔ ci àwa ɖɛ.
4. Abraxamu nyi Yehowa xlɔ
Abraxamu (ci wogbeyɔnɔ mɔ Abram) xolɔlɔ ci yí le Bibla mɛ akpedo mì nu mìakpɔ enu ci exlɔnyinyi koɖo Mawu nyi. Hlɛn nu so Abraxamu nu le Gɔnmɛjeje 12:1-4 mɛ. Yi goduɔ, nagbeje nyɔbiɔse ciwo yí gbɔgbɔ mɛ:
-
Nyi Yehowa nu nɔ Abraxamu mɔ yi le waɔ?
-
Egbe ci Yehowa ɖo niɔ?
-
Ci Yehowa nu nyɔ nɔ Abraxamu ɖe, lé ewɛɔ?
5. Enu ci Yehowa jikɔ mɔ ye xlɔwo le wa
Le jɔjɔmɛnuɔ, mìjinɔ mɔ mìwo xlɔwo le wa ŋɖewo nɔ mì.
-
Nyi hanwo èjinɔ mɔ ao xlɔwo le wa nɔ eoɔ?
Hlɛn 1 Ʒan 5:3, keŋ agbeje enyɔbiɔse ci yí gbɔgbɔ mɛ:
-
Nyi Yehowa ji mɔ ye xlɔwo le wanɔ nɔ yeɔ?
Nɔ mìji mɔ mìase tonu nɔ Yehowaɔ, atɛnŋ avajɔ mɔ mìami ŋɖewo wawa alo atrɔ lé mìnɔnɔ agbe do. Hlɛn Ezai 48:17, 18, keŋ agbeje biɔse ci yí gbɔgbɔ mɛ:
-
Nyi yí taɖo Yehowa nunɔ nɔ yi xlɔwo mɔ wo le wa trɔtrɔwoɔ?
6. Enu ci Yehowa wanɔ nɔ yi xlɔwo
Yehowa kpenɔdo yi xlɔwo nu nɔ enuwo kpekpeɛ wo. Xo VIDEO lɔ, keŋ agbeje enyɔbiɔse ci yí gbɔgbɔ mɛ.
-
Ci èkpɔ video lɔ ɖe, lé Yehowa kpedo nyɔnu lɔ nu yí yi susu masɔgbewo degbevaɖeɖeɛ fun niɔ?
Hlɛn Ezai 41:10, 13, keŋ agbeje nyɔbiɔse ciwo yí gbɔgbɔ mɛ:
-
Nyi Yehowa ɖo gbe mɔ yeawa nɔ ye xlɔwo pleŋ ɔ?
-
Èkpɔ mɔ Yehowa anyi Exlɔ nywi drua? Nyi yí jɔ ènu ahan ɔ?
7. Gbɔxwe mìanyi Yehowa xlɔwoɔ, mìɖo axonɔ nuxu koɖi
Nɔ exlɔwo kannɔ seŋ ɔ, edɔ yí wogbegogonɔ nɔnɔ doji. Hlɛn Ehajiji Wema 86:6, 11, keŋ agbeje nyɔbiɔse ciwo yí gbɔgbɔ mɛ:
-
Lé mìawɛ axonɔ nuxu nɔ Yehowaɔ?
-
Lé Yehowa wɛ yí xonɔ nuxu nɔ mìɔ?
MƐDEWO NUNƆ MƆ: “Mɛɖe dasɛnŋ anyi xlɔ koɖo Mawu o.”
-
Nɔ èjikɔ adre mɛ nɔ mɛɖe mɔ mìanyi xlɔ koɖo Mawu dru ɖe, kpukpui ci àhlɛn ɔ?
ENU CI ÈKPLA
Yehowa ji mɔ yeanyi Xlɔ koɖo eo, yí agbekpedo eo nu nagogui.
Enumɛtoto
-
Lé Yehowa kpenɔdo yi xlɔwo nu doɔ?
-
Nyi yí taɖo Yehowa kplanɔ nu yi xlɔwo nɔ woatrɔ wowo dɛnwoɔ?
-
Ci èkpɔɛ ɖe, agbɔnnu nɔ womɔ woanyi xlɔ koɖo Yehowaa? Nyi yí taɖo ènu ahan ɔ?
KPƆ ŊCƐWO KPƆ
Nɔ ènyi xlɔ koɖo Mawu ɖe, lé anyi do keke ao gbemɛ avanyɔ dojiɔ?
Kpɔ lé àwɛ do keke avanyi Mawu xlɔ.
“Lé woawɛ anyi Mawu xlɔɔ?” (Les jeunes s’interrogent—Réponses pratiques, volume 2, eta 35)
Kpɔ enu ci yí taɖo nyɔnu ɖeka nu mɔ, exlɔ ci yevanyi koɖo Yehowa yí hwlɛn ye gan.
Se nyɔ ciwo yí jajɛwo nu so Yehowa nu ɖa.