ENUKPLAKPLA 13
Ŋsusɛnsɛnhawo wa fɛn dre mɛ ci Mawu nyi
Nɔ Mawu nyi lɔnlɔn ɖe, nyi yí taɖo sɛnsɛn ciwo yí nunɔ mɔ yewole dumɛ ni wawa enubaɖabaɖa sugbɔ ahan ɔ? Nɔ mìanui kleŋ ɔ, ŋsusɛnsɛnha yí sɛnsɛn ŋtɔ́wo nyi; eyi dɔ wowa fɛn dre mɛ ci Mawu nyi. Lé wowa fɛn dre mɛ ci Mawu nyi doɔ? Ci wowɛ ahan ɖe, lé ewa nɔ Mawuɔ? Yí nyi avawa so nuɔ?
1. Lé ŋsusɛnsɛnhawo wa fɛn dre mɛ ci Mawu nyi le wowo nukplakplawo mɛ doɔ?
Ŋsusɛnsɛnhawo “sɔ enyɔnɔnwi nunu Mawutɔ ɖɔli koɖo ŋsukankan.” (Rɔmatɔwo 1:25) Le kpɔwɛ mɛ, sɛnsɛn sugbɔtɔ dekpla Mawu ŋkɔ wowo sɛnsɛnmɛtɔwo o. Vɔ, Bibla nu mɔ woɖo azannɔ Mawu ŋkɔ lɔ. (Rɔmatɔwo 10:13, 14) Nɔ enubaɖabaɖa ɖe jɔɔ, sɛnsɛnŋkɔnɔtɔ ɖewo nunɔ mɔ Mawu dro yɔ. Vɔ ŋsu aditi yɔ. Mawu deji gbeɖe mɔ, enubaɖabaɖa ɖe le jɔ o. (Hlɛn Ʒaki 1:13.) Ewa ŋshishi mɔ, ŋsu ci sɛnsɛnhawo kankan dɔ yí egbɔnnɔnu nɔ amɛwo mɔ woalɔn Mawu.
2. Lé ŋsusɛnsɛnhawo wa fɛn dre mɛ ci Mawu nyi le wowo nuwanawo mɛ doɔ?
Ŋsusɛnsɛnhawo dewanɔ nu do amɛwo nu shigbe lé Yehowa wɛni nɛ o. Bibla nu mɔ ŋsusɛnsɛnhawo “nuvuinwo kɔ́ yì ji yi va tɔ́ jeŋkwi.” (Enyɔdasɛ 18:5) Na nɔ xwe sanŋdi nɛniɖeɔ, sɛnsɛnhawo donɔ nu ejunyɔ mɛ, ahwanyɔwo mɛ, yí gbewu agbetɔ sugbɔsugbɔ alo lɔn yí wowu wo. Sɛnsɛnŋkɔnɔtɔ ɖewo jinɔ mɔ yewoavoŋ ale agbe ɖukɔ; edɔ wonunɔ nɔ wowo sɛnsɛnmɛtɔwo mɔ wo le jɔ ho nɔ yewo. Adɛn cɛwo ci wowunɔ dasɛ mɔ wodejeshi Mawu ɖɛ kpetii o, taɖo wodeɖo acɛ amɔ yewoanɔ Mawu lɔ dumɛ o.—Hlɛn 1 Ʒan 4:8.
3. Lé ŋsusɛnsɛnhawo nu wanɔ nɔ Mawuɔ?
Nɔ ŋciwo yí ŋsusɛnsɛnhawo wakɔ dokɔ dɔmɛzi nɔ eo ɖe, lé èkpɔ mɔ yɛawawa nɔ Yehowa yɛɔ? Élɔn amɛwo, vɔ sɛnsɛnŋkɔnɔtɔ ciwo yí kankan ŋsu do nu ni yí tatafu wowo hamɛviwo nu wakɔ dɔmɛzi ni. Yehowa ɖo gbe ɖɛ mɔ yeagu ŋsusɛnsɛn yí “wo da gbe kpɔ[ɛ] gbeɖe o.” (Enyɔdasɛ 18:21) Sabaɖe yɛɔ, Mawu agu ŋsusɛnsɛnhawo pleŋ.—Enyɔdasɛ 18:8.
JI DWI NI KPƆ DOJI
Kpla nu doji keŋ akpɔ lé ŋsusɛnsɛnhawo nu wanɔ nɔ Mawu. Kpla nu keŋ akpɔ lé ŋsusɛnsɛnhawo wa nu do koɖo enu ci yí taɖo wodadɔ nami enu kplakpla so Yehowa nu o.
4. De sɛnsɛnwo pleŋ nu yí kpenɔ nɔ Mawu o
Amɛ sugbɔ xɔɛ se mɔ, sɛnsɛnwo le shigbe emɔ vovovo ciwo pleŋ yí akplɔ amɛ yi texwe ɖeka ci yí nyi Mawu gbɔ nɛ. Vɔ nyɔnɔnwi yɔa? Hlɛn Matie 7:13, 14 keŋ agbeje biɔse ci yí gbɔgbɔ mɛ:
-
Lé Bibla dre emɔ ci yí kplɔ amɛ yi agbemɛ doɔ?
Xo VIDEO lɔ, yi goduɔ, gbeje biɔse ci yí gbɔgbɔ mɛ.
-
Bibla nu mɔ sɛnsɛnha sugbɔ nu yí jɔnɔ ji nɔ Mawua?
5. Ŋsusɛnsɛnhawo nuwana dedɔ amɛwo kpɔɛni mɔ Mawu nyi lɔnlɔn Mawu o
Sɛnsɛnhawo wa fɛn dre mɛ ci Mawu nyi le enu sugbɔ mɛ. Ðeka ci yí nyina wu yí nyi enudodo ahwanyɔwo mɛ. Nɔ àkpɔ kpɔwɛ ɖekaɔ, xo VIDEO lɔ. Yi goduɔ, gbeje biɔse ciwo yí gbɔgbɔ mɛ.
-
Nyiwo yí cɔci sugbɔ wa le Xexemɛhwa Amɛvetɔ hwenuɔ?
-
Lé èkpɔ ŋciwo yí wowa doɔ?
Hlɛn Ʒan 13:34, 35 koɖo 17:16. Yi goduɔ, gbeje nyɔbiɔse ciwo yí gbɔgbɔ mɛ:
-
Lé awanɔ nɔ Yehowa nɔ sɛnsɛnhawo do nu ahwanyɔwo mɛɔ?
-
Ŋsusɛnsɛnhawo yí dɔ wowa nuvɔn sugbɔ. Nyiwo wawa mɛ èkpɔɛ le mɔ, ŋsusɛnsɛnhawo delɔn amɛ shigbe lé Mawu lɔnnɔ amɛ do nɛɔ?
Ŋsusɛnsɛnhawo nuwanawo dedasɛ lé Mawu lɔnnɔ amɛ do o
6. Mawu jijiɛ mɔ yeakpedo amɛwo nu nɔ woato le ŋsusɛnsɛnhawo mɛ
Hlɛn Enyɔdasɛ 18:4, a keŋ agbeje biɔse ci yí gbɔgbɔ mɛ:
-
Lè ewa nɔ eo ci ènya mɔ Mawu jijiɛ ahwlɛn mɛɖeka mɛɖeka ci ŋsusɛnsɛnhawo ble domɛ gan ɔ?
7. Kpɔtɔ akplakɔ nu so Mawu adodwi lɔ nu
Ele mɔ enyɔ ciwo yí ŋsusɛnsɛnhawo nunɔ koɖo enudɔndɔn ciwo yí wowakɔ atrɔ lé èkpɔnɔ Mawu doa? Sɔɛ mɔ ɖevi ɖe gbe mɔ yedase enukplamunyɔ nywi ciwo dalɔ nunuɔ ni o, yí so le dalɔ xwemɛ yí vayi tɔ agbe baɖabaɖa nɔnɔ. Ŋciwo ɖeviɛ wakɔ dekpekpeɛ nɔ dalɔ o. Nyi yí taɖo danyɔ mɔ woado hwɛ vida lɔ, ɖo eviɛ gbe tonu sese yí vayi nɔkɔ agbe baɖabaɖaɔ?
-
Anyɔ mɔ ŋciwo yí ŋsusɛnsɛnhawo wakɔ adɔ woado hwɛ Yehowa keŋ ami enu kplakpla so nua?
MƐÐEWO NUNƆ MƆ: “Ŋde jijiɛ Mawu nyɔ ɖe ase o, ɖo sɛnsɛnhawo yí dɔ nyɔ sugbɔ kɔɖɛ le xexeɛ mɛ.”
-
Ewanɔ ahan nɔ eɔ can a?
-
Nyi yí taɖo ŋciwo ŋsusɛnsɛnhawo wakɔ dadɔ yí mìatrɔ lé mìkpɔnɔ Yehowa doɔ?
ENU CI ÈKPLA
Ŋsusɛnsɛnhawo wa fɛn dre mɛ ci Mawu nyi to ŋciwo wokplanɔ amɛwo koɖo enudakpu ciwo wowawa ji. Mawu agu ŋsusɛnsɛnhawo.
Enumɛtoto
-
Lé èkpɔnɔ ŋsusɛnsɛnhawo nukplakplawo koɖo wowo nuwanawo doɔ?
-
Lé ŋsusɛnsɛnhawo nu wanɔ nɔ Yehowaɔ?
-
Nyi yí Mawu avawa nɔ ŋsusɛnsɛnhawoɔ?
KPƆ ŊCƐWO KPƆ
Kpɔ enu amɛve ciwo yí dɔ sɛnsɛnha sugbɔtɔ nu dejɔnɔ ji nɔ Mawu ɖa.
“Enu ɖekɛ ŋmɛ sɛnsɛnhawo pleŋ nyia? Wo pleŋ yí kplɔnɔ amɛ yi Mawu gbɔa?” (Àkpɔɛ le siti lɔ ji)
Nyi yí taɖo Yehowa ji mɔ mìwo le bɔ doju koɖo mɛbuwo asɛn yeɔ?
Sɛnsɛnha ci mɛ fada ɖeka le dɔ edan ta nɔ yiɖeki. Vɔ ŋtɔ́ dedɔ yí emi nyɔnɔnwi lɔ kplakpla so Mawu nu o.
“Enu ci yí taɖo fada ɖeka to le yi cɔci mɛ” (Nyɔ!, février 2015)
So xwe sanŋdi nɛni keɔ, ŋsusɛnsɛnhawo kan ŋsu sugbɔ do nu nɔ Mawu yí amɛwo xɔɛ se mɔ Mawu desɔnɔ ɖe le ji nɔ amɛ o, yí gbenyi xomɛvetɔ. Kpɔ nyɔnɔnwi ci yí kudo ŋsunyɔ amɛtɔn nu ɖa.
“Ŋsunyɔ ciwo yí dɔ mɛɖewo delɔn Mawu o” (Jutakpɔxɔ, 1er novembre 2013)
a Nɔ àkpɔ enu ci yí taɖo Enyɔdasɛ wema lɔ mɔ ŋsusɛnsɛnhawo nyi nyɔnu yí yɔɛ mɔ Babiloni Gangan lɔɔ, kpɔ Enumɛɖeɖe buwo 1.
Ebuwo Ke
ENYƆ CIWO AMƐWO BIƆNƆ SE BLAŊBLAŊ
Nyi Bibla nukplakpla ci Yehowa Kunuɖetɔwo sɔ ɖokɔ ŋmɛ nɔ amowo nyiɔ?
To seŋkankan toto ehomana ci Yehowa Kunuɖetɔwo sɔ ɖokɔ ŋmɛ nɔ amowo jiɔ, àtɛnŋ azan Bibla gɔnmɛɖeɖe ɖekpokpui. Vo faa ayɔ ao xomu lɔ pleŋ alo ao xlɔwo nɔ woava bɔdo eo nu le nukplakpla lɔ mɛ.
