Mìwo ciwo yí nyi Yehowa Kunuɖetɔwo kando ji mɔ, mìnyi Kristotɔ adodwiwo. Nyi yí taɖoɔ? Kpɔ fini mìwo jixɔsewo so, mìwo ŋkɔ lɔ ci yí na mìto akpo koɖo lɔnlɔn ci mìɖonɔ nɔ mìwonɔnɔwo ɖa.

1.Fini Yehowa Kunuɖetɔwo sɔnɔ wowo jixɔsewo soɔ?

Yesu nu mɔ: “[Mawu] nyɔ yí nyi nyɔnɔnwi.” (Ʒan 17:17, NWT) Shigbe Yesu nɛɔ, Yehowa Kunuɖetɔwo sɔnɔ enu ciwo woxɔ se so Mawu Nyɔ lɔ mɛ hweshiahwenu. Le kpɔwɛ mɛ, kpɔ lé Yehowa Kunuɖetɔ egbɛtɔwo wa cɛ do le tɔtɔmɛ. Le xwe 1870-wo mɛɔ, Bibla nukplaviwo gbɛbɔbɔ ɖeka tɔ Bibla kplakpla kitokito keŋ amɔŋje yi nukplakplawo mɛ teŋ. Wosɔnɔ ŋciwo woxɔ se so enyɔ ciwo Bibla lɔ nu mɛ, nɔ jixɔse lɔwo to akpo nɔ cɔciwo nukplakplawo can. Le yi goduɔ, wotɔ Bibla mɛ nyɔnɔnwi cɛwo nunu nɔ mɛbuwo. a

2.Nyi yí taɖo mìsɔ ŋkɔ mɔ Yehowa Kunuɖetɔwoɔ?

Yehowa yɔnɔ yi sɛntɔwo mɔ ye kunuɖetɔwo, ɖo wonunɔ nyɔnɔnwi so nu. (Ebretɔwo 11:4–12:1) Le kpɔwɛ mɛ le blemaɔ, Mawu nu nɔ yi jukɔn lɔ mɔ: “Mí nyi Anyi ɖashifuɖutɔwo.” (Hlɛn Ezai 43:10.) Woyɔ Yesu mɔ “ɖashifuɖutɔ nyɔnɔnwitɔ.” (Enyɔdasɛ 1:5) Eyi taɖo le xwe 1931 mɛɔ, mìsɔ ŋkɔ mɔ Yehowa Kunuɖetɔwo. Ejɔnɔ ji nɔ mì mɔ ŋkɔ ŋtɔ́ le mì nu.

3.Lé Yehowa Kunuɖetɔwo lɔnnɔ amɛ shigbe Yesu nɛ doɔ?

Yesu lɔn yi nukplaviwo keke yí kpɔnɔ wo shigbe yi xomumɛtɔwo nɛ. (Hlɛn Maki 3:35.) Ahanke Yehowa Kunuɖetɔwo sɔ gbe ɖo ju le xexeɛ keŋkeŋ mɛ yí nyi nɔviwo xomu nɛ. Eyi dɔ mìyɔnɔ mìwonɔnɔwo mɔ nɔviŋsu koɖo nɔvinyɔnuwo. (Filemɔ 1, 2) Mìgbewanɔ do ese cɛ ji; ese lɔ mɔ: “Mí lɔnnɔ míwo nɔviwo.” (1 Piɛ 2:17) Yehowa Kunuɖetɔwo wanɔ nu sugbɔ yí sɔ danasɛ mɔ yewolɔn nɔnɔ. Le kpɔwɛ mɛ, wokpenɔdo wowo kpena xɔsetɔ ciwo le xexeɛ pleŋ mɛ nu hwenu wole ʒan mɛ.

 JI DWI NI KPƆ DOJI

 5. Mìnɔnɔ agbe esɔnɔ koɖo mìwo ŋkɔ lɔ

 ENU CI ÈKPLA

Yehowa Kunuɖetɔwo nyi Kristotɔ adodwiwo. Mìsɔ gbe ɖo ju shigbe xomu ɖeka mɛ tɔwo nɛ yí sɛnnɔ Mawu le xexeɛ pleŋ mɛ. Mìwo jixɔsewo so Bibla mɛ yí mìnunɔ nyɔnɔnwi so Yehowa nu nɔ amɛwo.

Enumɛtoto

• Nyi yí taɖo mìsɔ ŋkɔ mɔ Yehowa Kunuɖetɔwoɔ?

• Lé mìwanɔ nu ɖaɖa mìwonɔnɔwo gbɔ doɔ?

• Eɔ kpɔɛ mɔ Yehowa Kunuɖetɔwo nyi Kristotɔ adodwiwoa?