ENUKPLAKPLA 26
Nyi yí taɖo nuvwin koɖo funkpekpe liɔ?
Nɔ enubaɖa ɖe jɔɔ, enyɔ ci mìbiɔnɔ se yí nyi mɔ: “Nyi yí taɖo ŋcɛ jɔɔ?” Ejɔ ji nɔ mì sugbɔ mɔ Bibla ɖo nyɔbiɔse cɛ ŋci!
1. Lé Satana wɛ do keke nuvwin tɔ jɔjɔ le xexe lɔ mɛɔ?
Satana Legba fɔn gu do Mawu ji. Satana ji mɔ yeakpa cɛ do mɛbuwo ji, eyi taɖo eble agbetɔ ŋkɔtɔwo, Adamu koɖo Ɛva, nɔ woabɔ do nu le egufɔnfɔn lɔ mɛ. Emɔ ci ji Satana to yí nyi mɔ ékan ŋsú nɔ Ɛva. (Gɔnmɛjeje 3:1-5) Éna ebui mɔ Yehowa te nunywi ɖeka yi. Émɔ agbetɔwo akpɔ jijɔ sɔwu, nɔ wogbe to ɖoɖo Mawu. Satana kan ŋsú ŋkɔtɔ ci enu nɔ Ɛva mɔ yɛdaku o. Eyi taɖo Bibla yɔ Satana mɔ “ŋsùkantɔ koɖo ŋsùkankan da lɔ.”—Ʒan 8:44.
2. Nyi Adamu koɖo Ɛva sɔ gbeta yí waɔ?
Yehowa wa xomɛvu sugbɔ nɔ Adamu koɖo Ɛva. Émɔ woatɛnŋ aɖu acikusɛnsɛn ɖekpokpui le Edɛn kpa lɔ mɛ, vɔ kuɖeka yí wodaɖu o. (Gɔnmɛjeje 2:15-17) Ele ahan gan, wosɔ gbeta mɔ yewoaɖu acikusɛnsɛn ci wogbe lɔ. Ɛva “gbɛn acikusɛnsɛn ɖeka, yí sɔ ɖu.” Yi goduɔ, Adamu “ɖui.” (Gɔnmɛjeje 3:6) Wo koɖo ve gbe to nɔ Mawu. Ci Adamu koɖo Ɛva nyi amɛmaɖoafɛnwoɔ, nunywiwawa dagbɔnnu nɔ wo o. Vɔ ci woɖui koŋ yí gbe to nɔ Mawuɔ, edasɛ mɔ wowa nuvɔn yí gbe yi cɛkpakpa. Gbetasɔsɔ cɛ hɛn funkpekpe ganganwo vɛ nɔ wo.—Gɔnmɛjeje 3:16-19.
3. Lé Adamu koɖo Ɛva gbetasɔsɔ lɔ kan mì doɔ?
Ci Adamu koɖo Ɛva wa nuvɔn ɔ, wotrɔ nuvɔnmɛwo, yi godu wowo jijimɛviwo pleŋ xɔ nuvɔnmɛnyinyi lɔ so wo gbɔ. Bibla nu so Adamu nu mɔ: “Ŋsu ɖeka, Adamu, yí dɔ yí agɔjeje va xexe cɛ mɛ. Agɔjeje lɔ yí hɛn eku va. É yí taɖo yí amɛwo pleŋ kunɔ.”—Rɔmatɔwo 5:12.
Enu vovovowo gbɔ eso yí mìkpekɔ fun. Hweɖowonuɔ, gbeta dɔndɔn ci mìsɔ na mìkpenɔ fun. Gaɖewomɛɔ, mɛbuwo sɔnɔ gbeta dɔndɔn yí mìwo vaɖunɔ yi lɔzu. Hweɖowonuɔ, mìkpenɔ fun, ɖo mìle texwe manyɔmanyɔ le gaxoxo manyɔmanyɔ mɛ.—Hlɛn Ŋununyatɔ 9:11.
JI DWI NI KPƆ DOJI
Kpɔ enu ci yí taɖo denyi Mawu gbɔ yí nuvwin koɖo efunkpekpe ciwo yí le xexeɛ mɛ gbɛ so o, koɖo lé ewanɔ ni nɔ mìkpekɔ fun.
4. Mɛ ci gbɔ mìwo funkpekpewo so
Amɛ sugbɔ xɔɛ se mɔ Mawu yí kpakɔ acɛ nɔ xexe lɔ. Nyɔnɔnwi yɔa? Xo VIDEO lɔ.
Hlɛn Ʒaki 1:13 koɖo 1 Ʒan 5:19, keŋ agbeje biɔse cɛ mɛ:
-
Mawu gbɔ funkpekpe koɖo nuvwin soa?
5. Kpɔ enu ciwo yí to so Satana cɛkpakpa mɛ
Hlɛn Gɔnmɛjeje 3:1-6, keŋ agbeje biɔse cɛwo mɛ:
-
Ŋsú ci yí Satana kan ɔ?—Kpɔ kpukpui 4, koɖo 5.
-
Lé Satana nyɔ lɔwo dasɛ mɔ Yehowa tekɔ nunywi ɖeka agbetɔwo doɔ?
-
Sɔ koɖo Satana susu ɖe, eʒan mɔ Yehowa anyi Acɛkpatɔ nɔ agbetɔwo duu gbɔxwe woakpɔ jijɔa?
Hlɛn Ŋununyatɔ 8:9, keŋ agbeje biɔse cɛ mɛ:
-
Lé enuwo yikɔ do ci denyi Yehowa yí kpakpa nɔ xexe lɔɔ?
-
Adamu koɖo Ɛva nyi amɛmaɖoafɛnwo yí nɔ Paradiso mɛ vayi. Vɔ woɖo to Satana yí fɔn gu do Yehowa nu
-
Le egufɔnfɔn lɔ goduɔ, xexe lɔ ɖɔ koɖo nuvɔn, funkpekpe koɖo eku
-
Yehowa agu nuvɔn, funkpekpe koɖo eku si. Eyi agbetɔwo agbevanyi amɛmaɖoafɛnwo yí anɔ Paradiso mɛ
6. Yehowa sɔ ɖe le mìwo funkpekpewo ji
Nɔ mìkpekɔ fun ɖe, ewanɔ ɖe nɔ Mawua? Kpɔ enu ci Efyɔ Davidi koɖo apotru Piɛ ŋwlɛ. Hlɛn Ehajiji Wema 31:7 koɖo 1 Piɛ 5:7, keŋ agbeje biɔse cɛ mɛ:
-
Ci èvanya mɔ Yehowa donɔ jeshi mìwo funkpekpewo yí sɔnɔ ɖe le ji nɔ mì ɖe, lé ewa nɔ eoɔ?
7. Mawu agu agbetɔwo funkpekpewo pleŋ
Hlɛn Ezai 65:17 koɖo Enyɔdasɛ 21:3, 4, keŋ agbeje nyɔbiɔse cɛ mɛ:
-
Nyi yí taɖo ci mìnya mɔ Yehowa adra enumanyɔmanyɔ ciwo mɛ agbetɔwo tokɔ do afa akɔn nɔ mìɔ?
Ènyaa?
Ci Satana kan ŋsú ŋkɔtɔɔ, éxo ɖyi Yehowa. Edasɛ mɔ, éxo ɖyi Yehowa ŋkɔ yí na amɛwo buini mɔ Yehowa denyi Acɛkpatɔ nywi ci yí lɔnnɔ amɛ o. Hwenu Yehowa aɖekɔ agbetɔwo funkpekpewo siɔ, ádra yi ŋkɔ lɔ do. Alo nɔ mìanuiɔ, ádasɛ mɔ ye cɛkpakpa yí nyi nywitɔ nyao. Yehowa ŋkɔ lɔ tahwlɛnhwlɛn yí nyi enuvevitɔ wu le xexegbɛ lɔ mɛ.—Matie 6:9, 10.
MƐÐEWO NUNƆ MƆ: “Mawu yí ɖui mɔ mìwo le kpenɔ fun hɛnnɛ.”
-
Lé ànu nɔ woɔ?
ENU CI ÈKPLA
Satana Legba koɖo agbetɔ amɛve ŋkɔtɔ lɔwo gbɔ yí nuvwin sugbɔtɔ ci yí le xexeɛ mɛ so. Mìwo funkpekpewo wanɔ ɖeka nɔ Yehowa veviɖe, yí sabaɖeɔ, águ wo si.
Enumɛtoto
-
Ŋsú ci yí Satana Legba kan nɔ Ɛvaɔ?
-
Lé Adamu koɖo Ɛva gufɔnfɔn lɔ kpɔ ŋsɛn do mì ji doɔ?
-
Lé mìwɛ yí nya mɔ mìwo funkpekpewo wanɔ ɖeka nɔ Yehowa veviɖeɔ?
KPƆ ŊCƐWO KPƆ
Kpla lé Bibla dre nuvɔn do.
Hlɛn nu sugbɔ so enyɔ ci Satana Legba fɔn do te le Edɛn kpa lɔ mɛ nu.
“Nyi yí taɖo Mawu ɖe mɔ yí efunkpekpe liɔ?” (Jutakpɔxɔ 1er janvier 2014)
Gbeje ɖoŋci fakɔnnamɛ ci wona nɔ nyɔbiɔse gbɔnnu ɖeka.
“Nyi yí taɖo Mawu bɔnu yí Nazitɔwo wu Ʒuifuwoɔ?” (Àkpɔɛ le siti lɔ ji)
Kpɔ enu ci ŋsu ɖeka kpla so efun ci amɛwo kpekɔ le wowo nutwi mɛ nu ɖa.
Ebuwo Ke
ENYƆ CIWO AMƐWO BIƆNƆ SE BLAŊBLAŊ
Nyi Bibla nukplakpla ci Yehowa Kunuɖetɔwo sɔ ɖokɔ ŋmɛ nɔ amowo nyiɔ?
To seŋkankan toto ehomana ci Yehowa Kunuɖetɔwo sɔ ɖokɔ ŋmɛ nɔ amowo jiɔ, àtɛnŋ azan Bibla gɔnmɛɖeɖe ɖekpokpui. Vo faa ayɔ ao xomu lɔ pleŋ alo ao xlɔwo nɔ woava bɔdo eo nu le nukplakpla lɔ mɛ.
