ENUKPLAKPLA 34
Lé mìadanasɛ do mɔ mìlɔn Yehowaɔ?
Èvalɔn Mawu sɔwu hwenu ètɔ Bibla kplakplaa? Àji mɔ yeakpɔtɔ adonɔ ŋsɛn exlɔ ci ènyi koɖia? Nɔ ahan yɔ nɛɔ, ɖo ŋwi mɔ, nɔ Yehowa kpɔ lé èluinkɔ doji doɔ, ahanke yɛ can alɔn eo doji yí asɔ ɖe le ji nɔ eo nɛ. Lé mìawɛ adasɛ ni mɔ mìluin ɔ?
1. Lé mìawɛ adanasɛ nɔ Yehowa mɔ mìluin ɔ?
Mìdanasɛ nɔ Yehowa mɔ mìluin, nɔ mìsenɔ tonu ni. (Hlɛn 1 Ʒan 5:3.) Deʒinnɔ mɛɖe ji mɔ yɛ le se tonu nɔ ye o. Vɔ éɖe mɔ nɔ mɛshiamɛ, nɔ acin mɔ yease tonu ni alo yedase tonu ni o. Nyi yí taɖoɔ? Yehowa ji mɔ mìwo le nyi ‘tonusetɔwo so ji mɛ.’ (Rɔmatɔwo 6:17, NWT) Yi gɔnmɛ nyi mɔ, éji mɔ ci eɔlɔn yeɔ, eɔ le se tonu nɔ ye, yí denyi ci èɖo àwɛ dandandan yɔ o. Wowa akpaxwe 3 koɖo 4 nɔ wema cɛ keŋ asɔ kpedo eo nu nɔ nalɔn Yehowa. Àdasɛ ao lɔnlɔn ni, nɔ èwanɔ enu ciwo yí jɔnɔ ji ni yí zenɔ nɔ enu ciwo yí dejɔnɔ ji ni o.
2. Nyi yí taɖo atɛnŋ agbɔnnu mɔ mìalɔn Yehowaɔ?
“Amɛ nywiwo [ɖonɔ] cukaɖa sugbɔ.” (Ehajiji Wema 34:19) Mìdonɔ gbla koɖo mìwo gbɔjɔgbɔjɔwo. Gbesɔ kpe niɔ, ehonyɔwo, enumajɔmajɔwawa koɖo cukaɖa buwo tɛnŋ ɖekɔ fun nɔ mì. Nɔ mìtokɔ nɔnɔmɛ sɛnŋwo mɛɔ, etɛnŋ gbɔnnu nɔ mì mɔ mìawa enu ci Yehowa ji mɔ mìwo le wa. Ðo enumanyɔmanyɔwawa le fafɛɖe. Vɔ nɔ èwa enu ci Yehowa mɔ eɔ le wa le egbejinɔnɔ mɛɔ, anyi èdadasɛ ni mɔ yeluin wu nubuɖekpokpui. Àgbedasɛ ni mɔ yele gbeji ni. Yɛ can anɔ gbeji nɔ eo. Dagbe eo ɖɛ gbeɖe o.—Hlɛn Ehajiji Wema 4:3.
JI DWI NI KPƆ DOJI
Kpɔ enu ci yí taɖo ao tonusese jɔnɔ ji nɔ Yehowa, koɖo enu ci yí atɛnŋ akpedo eo nu nasenɔ tonu ni.
3. Enyɔ ɖeka ci yí kan eo
Bibla wema ci yí nyi Job nu nɔ mì mɔ, Satana do hwɛ Job koɖo mɛ ciwo pleŋ yí ji mɔ yewoasɛn Yehowa. Hlɛn Job 1:1, 6–2:10, keŋ agbeje nyɔbiɔse cɛwo mɛ:
-
Sɔ koɖo Satana susu ɖe, nyi yí taɖo Job senɔ tonu nɔ Yehowaɔ?—Kpɔ Job 1:9-11.
-
Nyɔ ci Satan nu so agbetɔwo pleŋ koɖo eɔ can nuɔ?—Kpɔ Job 2:4.
Hlɛn Job 27:5b, keŋ agbeje nyɔbiɔse cɛ mɛ:
-
Lé Job dasɛ nyɔnɔnwitɔ do mɔ yelɔn Yehowaɔ?
Job dasɛ nɔ Yehowa mɔ yeluin ci ekpɔtɔ nɔ gbeji ni
Àtɛnŋ adasɛ mɔ yelɔn Yehowa yí akpɔtɔ anɔ gbeji ni nɔ èle cukaɖawo mɛ can
4. Do jijɔ nɔ Yehowa ji
Hlɛn Elododo Wema 27:11, keŋ agbeje nyɔbiɔse ci yí gbɔgbɔ mɛ:
-
Nɔ ènya ŋɖɛ yí se tonu nɔ Yehowa ɖe, lé ewanɔ niɔ? Nyi yí taɖoɔ?
5. Àtɛnŋ anɔ gbeji nɔ Yehowa
Lɔnlɔn ci mìɖo nɔ Yehowa cucunɔ mì yí mìxonɔ nuxu so nu nɔ mɛbuwo. Ci mìle gbeji niɔ, mìawɛ ahan nɔ dele fafɛɖe can. Xo VIDEO lɔ, keŋ agbeje nyɔbiɔse ciwo yí gbɔgbɔ mɛ.
-
Egbɔnnu nɔ eo kpɔ mɔ àxo nuxu so Yehowa nu nɔ amowoa?
-
Le video lɔ mɛ ɖe, nyi yí kpedo Grayson nu yí eɖu yi vɔnvɔn jiɔ?
Enɔnɔ fafɛɖe wu mɔ mìanɔ gbeji nɔ Yehowa, nɔ mìlɔn enu ciwo elɔn yí gbe enu ciwo egbe. Hlɛn Ehajiji Wema 97:10, keŋ agbeje nyɔbiɔse cɛwo mɛ:
-
Sɔ koɖo enu ci èkpla ɖe, nyi yí nyi ŋɖewo ciwo Yehowa lɔn ɔ? Nyi yí nyi ŋɖewo ciwo egbeɔ?
-
Lé àtɛnŋ akpla lé àwɛ alɔn nunywi yí agbe nuvwin doɔ?
6. Mìkpɔnɔ nyɔna nɔ mìse tonu nɔ Yehowa
Tonusese nɔ Yehowa yí nyi nunywitɔ gashiagamɛ. Hlɛn Ezai 48:17, 18, keŋ agbeje nyɔbiɔse cɛwo mɛ:
-
Ci eɔkpɔɛ ɖe, mìatɛnŋ akando ji mɔ Yehowa anya enu ci yí nyi enywitɔ lɔ nɔ mì gashiagamɛa? Nyi yí taɖoɔ?
-
Ci èkplakɔ nu so Bibla koɖo Yehowa, Mawu adodwi lɔ nu keke vaɖo hweyɛnu ɖe, nyɔna ciwo èkpɔ so mɛɔ?
MƐÐEWO NUNƆ MƆ: “Anyi nuwanawo dekan Mawu teŋ o.”
-
Kpukpui ci àtɛnŋ azan keŋ asɔ dasɛ nɔ wo mɔ mìwo nuwanawo donɔ jijɔ nɔ Yehowa alo na enɔnɔ ŋshishi mɛɔ?
ENU CI ÈKPLA
Àtɛnŋ adasɛ mɔ yelɔn Yehowa yí akpɔtɔ anɔ gbeji ni nɔ èle cukaɖawo mɛ can.
Enumɛtoto
-
Nyi èkpla so Job kpɔwɛ lɔ mɛɔ?
-
Lé àwɛ adasɛ nɔ Yehowa mɔ yeluin ɔ?
-
Nyi yí akpedo eo nu nanɔ gbeji nɔ Yehowaɔ?
KPƆ ŊCƐWO KPƆ
Kpɔ lé àwɛ anɔ gbeji nɔ Yehowa koɖo hamɛ lɔ.
“Nɔ mɛɖe le gbeji nɔ eoɔ, èwanɔ nu yí sɔ danasɛ mɔ yele gbeji ni” (16:49)
Kpla nubuwo so ehwɛ ci Satana do agbetɔwo nu.
“Job kpɔtɔ nɔ gbeji nɔ Mawu” (La Bible: quel est son message? akpaxwe 6)
Kpɔ lé ɖevihwɛwo can atɛnŋ adasɛ mɔ yewolɔn Yehowa.
Lé ɖevi ciwo ji wowo kpenawo ʒinnɔ awɛ anɔ gbeji nɔ Mawuɔ?
Ebuwo Ke
ENYƆ CIWO AMƐWO BIƆNƆ SE BLAŊBLAŊ
Nyi Bibla nukplakpla ci Yehowa Kunuɖetɔwo sɔ ɖokɔ ŋmɛ nɔ amowo nyiɔ?
To seŋkankan toto ehomana ci Yehowa Kunuɖetɔwo sɔ ɖokɔ ŋmɛ nɔ amowo jiɔ, àtɛnŋ azan Bibla gɔnmɛɖeɖe ɖekpokpui. Vo faa ayɔ ao xomu lɔ pleŋ alo ao xlɔwo nɔ woava bɔdo eo nu le nukplakpla lɔ mɛ.
