ENUKPLAKPLA 59
Àtɛnŋ ado ji nɔ wociciɛ yumɛ nɔ eo
Sabaɖe yɛ alo nɔ ejinjin can ɔ, amowo atekpɔ mɔ yewoaɖo te mɛɖekaɖeka le mì mɛ nɔ ami Yehowa sɛnsɛn. Woado agbeya nɔ mì ŋtɔkpu nɔ mìgbe mɔ mìdami o. Ele mɔ ecɛ aɖyi vɔnvɔn nɔ mìa?
1. Nyi yí taɖo mìkpɔnɔ mɔ nɔ yumɛciciɔ?
Bibla nui yi mɛ kɔ petii mɔ: “Amɛ ɖeka ɖeka ci yí dro mɔ ye a nɔ̀ Mawu mɔ ji le Kristo Yesu mɛ ɔ, wo trenɔfun ni.” (2 Timɔte 3:12) Wotre fun nɔ Yesu, ɖo denyi Satana xexe lɔ tɔ o. Mìwo can mìdenyi xexe lɔ tɔ o, eyi dɔ dekpaca mì mɔ xexe cɛ mɛ cɛkpakpawo koɖo sɛnsɛnhawo jenɔ gomɛ nɔ mì o.—Ʒan 15:18, 19.
2. Lé mìawɛ adrado ɖɛ nɔ yumɛciciɔ?
Ele mɔ mìado ŋsɛn kankandoji ci mìɖo do Yehowa nu so kakacɛ. Ji gamɛ adonɔ gbe ɖaɖa nɔ Yehowa gbeɖeka duu yí agbehlɛnnɔ akpaxwe ɖe nɔ yi Nyɔ lɔ. Je agbla ayinɔ bɔbɔwo pleŋ. Ŋcɛwo pleŋ wawa akpedo eo nu nagbe dɔn akpanŋkɔ yumɛcici ɖekpokpui, nɔ enyi ao xomumɛtɔwo yí cikɔ yumɛ nɔ eo can. Apotru Pɔlu ci woci yumɛ nɔ hɛnnɛ ŋwlɛ mɔ: “[Yehowa] yí nyi alɔ̀dotɔ nɔ ŋ. Ŋ da vɔn o.”—Ebretɔwo 13:6.
Nɔ mìɖenɔ kunu blaŋblaŋ ɔ, ecɛ akpedo mì nu yí mìagbe dɔn doji hɛnnɛ. Le kunuɖeɖedɔ lɔ mɛɔ, mìkplanɔ lé mìawɛ akando Yehowa ji yí aɖu agbetɔ vɔnvɔn ɖekpokpui ji. (Elododo Wema 29:25) Nɔ èkpla lé àwɛ asɔ dɔngbegbe ɖe kunu so kakacɛɔ, akpedo eo nu nale gbesɔsɔ akpɔtɔ aɖekɔ kunu nɔ acɛkpakpawo vado se do mìwo dɔ lɔ nu can.—1 Tɛsalonikitɔwo 2:2.
3. Lé mìɖunɔ le nɔ ejidodo le yumɛcici mɛ doɔ?
Nyɔnɔnwi enyi mɔ nɔ wociciɛ yumɛ nɔ mìɔ, denyinɔ jijɔnyɔ ɖe o, vɔ nɔ mìwa ɖaŋ do ji le yumɛcici lɔ mɛɔ, edonɔ ŋsɛn mìwo xɔse. Nɔ ŋsɛn vɔ nɔ mì yí mìkpɔ mɔ Yehowa do ŋsɛn mìɔ, edɔ mìtenɔ gogui doji. (Hlɛn Ʒaki 1:2-4.) Nɔ mìkpekpeɛ fun ɔ, emɛnɔ ji nɔ Yehowa, vɔ nɔ ékpɔ yí mìdodoɔ ji yí mìdena taɔ, ejɔnɔ ji ni. Bibla nu mɔ: “Nɔ́ mí doji le efunkpekpe mɛ do enu nywi wawa ŋci ɔ, kanfukanfu é nyi le Mawu ŋkɔ.” (1 Piɛ 2:20) Nɔ mìdo ji le egbejinɔnɔ mɛɔ, Yehowa asɔ agbe tɛgbɛɛ nɔnɔ le xexe yoyu lɔ mɛ cu fɛn nɔ mì. Mɛ ciwo pleŋ anɔ xexe yoyu lɔ mɛ asɛn Yehowa le vovo mɛ yí mɛɖekɛ dagbefɔn gu do wo ji o.—Matie 24:13.
JI DWI NI KPƆ DOJI
Trɔ akpɔ ŋci yí taɖo mìakpɔtɔ anɔ gbeji nɔ Yehowa dru nɔ amowo ciciɛ yumɛ nɔ mì can koɖo lé acu fɛn nɔ mì do.
4. Àdo ji dru nɔ ao xomumɛtɔwo ciciɛ yumɛ nɔ eo
Yesu nya nywiɖe mɔ, mɛɖewo ale mìwo xomumɛtɔwo mɛ yí wodaji mɔ mìwo le sɛn Yehowa o. Hlɛn Matie 10:34-36, keŋ agbeje biɔse cɛ mɛ:
-
Nyi mɛɖe anu alo awa dru nɔ yi xomumɛtɔ ɖe sɔ gbeta mɔ yeasɛn Yehowaɔ?
Nɔ àkpɔ yi kpɔwɛ ɖekaɔ, xo VIDEO lɔ, keŋ agbeje biɔse ci yí gbɔgbɔ mɛ.
-
Nɔ ao xlɔ alo ao mɛ ɖe tekɔkpɔ mɔ yeawɛ nɔ nami Yehowa sɛnsɛn ɖe, lé àwɛɔ?
Hlɛn Ehajiji Wema 27:10 koɖo Maki 10:29, 30. Nɔ èhlɛn kpukpui ɖekaɖeka ɖegbɔɔ, nagbeje biɔse cɛ mɛ:
-
Nɔ ao xlɔwo alo ao xomumɛtɔwo le aya dokɔ nɔ eo nɔ nami Yehowa sɛnsɛn ɖe, lé gbeɖu cɛ akpedo eo nu doɔ?
5. Kpɔtɔ asɛnkɔ Yehowa nɔ wociciɛ yumɛ nɔ eo can
Ele mɔ mìagbe dɔn gbɔxwe asɛn Yehowa nɔ amowo tekɔkpɔ mɔ yewoawɛ keŋ nɔ yi wawa aglo mì. Xo VIDEO lɔ, keŋ agbeje biɔse ci yí gbɔgbɔ mɛ.
-
Lé kpɔwɛ ciwo yí le video cɛ mɛ na edɔgbegbe eo doɔ?
Hlɛn Edɔwawawo 5:27-29 koɖo Ebretɔwo 10:24, 25. Nɔ èhlɛn mawunyɔkpukpui ɖekaɖeka ɖegbɔɔ, gbeje biɔse cɛ mɛ:
-
Nyi yí taɖo ele veviɖe sugbɔ mɔ, mìakpɔtɔ asɛnkɔ Yehowa nɔ evajɔ mɔ wodo se do mìwo kunuɖeɖedɔ lɔ alo bɔbɔwo yiyi nuɔ?
6. Yehowa akpedo eo nu nado ji
Yehowa Kunuɖetɔ ciwo yí ɖo exwe vovovo yí so texwe vovovo nɔ xexe lɔ, kpɔtɔ sɛnkɔ Yehowa le gbejinɔnɔ mɛ ci wociciɛ yumɛ nɔ wo can. Nɔ àkpɔ ŋci yí kpedo wo nuɔ, xo VIDEO lɔ. Yi godu nagbeje biɔse ci yí gbɔgbɔ mɛ.
-
Le video lɔ mɛ ɖe, nyi yí kpedo Kunuɖetɔ lɔwo nu yí wodo jiɔ?
Hlɛn Rɔmatɔwo 8:35, 37-39 koɖo Filipitɔwo 4:13. Nɔ èhlɛn mawunyɔkpukpui ɖe ɖegbɔɔ, nagbeje biɔse cɛ mɛ:
-
Lé mawunyɔkpukpui cɛ na kankandoji eo do mɔ, àsun ji ado ji le tetekpɔ ɖekpokpui mɛ druɔ?
Hlɛn Matie 5:10-12, keŋ agbeje biɔse cɛ mɛ:
-
Nyi yí taɖo eji ajɔ eo dru nɔ wociciɛ yumɛ nɔ eo can ɔ?
Yehowa sɛntɔ miliɔn nɛniɖe sun ji yí dodoɔ ji le yumɛcici mɛ nywiɖe. Eɔ can àkpe ji dru!
MEÐEWO NUNƆ MƆ: “Nyɛŋdasun ji ado ji le yumɛcici mɛ o.”
-
Mawunyɔkpukpui ciwo yí atɛnŋ ana kankandoji ci mɛ cɛ hanciwo ʒan woɔ?
ENU CI ÈKPLA
Nɔ wociciɛ yumɛ nɔ mì gan yí mìdo gbla keŋ yí sɛnsɛn Yehowaɔ, agbla ciwo mìjejeɛ lɔwo nyinɔ nuvevi ɖeka ni. Ákpedo mì nu mìawa ɖaŋ ado ji ato yumɛcici lɔ mɛ!
Enumɛtoto
-
Nyi yí taɖo ele mɔ Kristotɔwo akpɔ mɔ nɔ yumɛciciɔ?
-
Nyi àtɛnŋ awa kakayɛ yí asɔ le gbesɔsɔ ɖɛ gbɔxwe nɔ yumɛciciwo atɔ vavaɔ?
-
Nyi yí atɛnŋ akpedo eo nu nakando ji mɔ, yeakpɔtɔ asɛnsɛn Yehowa dru nɔ tetekpɔ vaɔ?
KPƆ ŊCƐWO KPƆ
Kpɔ jajɛ ɖeka ci yí dre lé Yehowa kpedo nu do hwecinu woli do ga ci egbe mɔ yedanɔ akpa ɖekɛ ji o.
Kpɔ ŋci yí kpedo asu koɖo ashi ɖeka nu yí wosɛn Yehowa le gbejinɔnɔ mɛ na nɔ xwe sugbɔ ci woci yumɛ nɔ wo can.
Kpla lé àwɛ asɔ dɔngbegbe do ji le yumɛcici mɛ.
Lé mìɖo akpɔnɔ yumɛcici ci yí sonɔ mìwo xomumɛtɔwo gbɔ doɔ, yí lé mìawɛ do keke fafa akpɔtɔ ani yí mìagbesɛnsɛn Yehowa le gbejinɔnɔ mɛɔ?
“Nyɔnɔnwi lɔ dehɛnnɔ ‘fafa vɛ o, vɔ ewi yɔ’” (Jutakpɔxɔ octobre 2017)
Ebuwo Ke
ENYƆ CIWO AMƐWO BIƆNƆ SE BLAŊBLAŊ
Nyi Bibla nukplakpla ci Yehowa Kunuɖetɔwo sɔ ɖokɔ ŋmɛ nɔ amowo nyiɔ?
To seŋkankan toto ehomana ci Yehowa Kunuɖetɔwo sɔ ɖokɔ ŋmɛ nɔ amowo jiɔ, àtɛnŋ azan Bibla gɔnmɛɖeɖe ɖekpokpui. Vo faa ayɔ ao xomu lɔ pleŋ alo ao xlɔwo nɔ woava bɔdo eo nu le nukplakpla lɔ mɛ.
