Wa toto keŋ atɔ Bibla hlɛnhlɛn
Bibla hlɛnhlɛn avivinɔ nɔ eo dru! Susu ciwo yí akpedo eo nu natɔ hlinhlin ɖewo ke. Sɔ ci yí jɔ ji nɔ eo le wo mɛ yí ahlɛn Bibla kpaxwe ciwo woyɔ.
Mɛ ciwo amɛ sugbɔ jeshi ɖɛ koɖo exolɔlɔwo
Nowe koɖo Eshiɖɔɖɔ lɔ: Gɔnmɛjeje Wema 6:9–9:19
Moizi le axu jin lɔ mɛ: Hunhun 13:17–14:31
Ruta koɖo Naomi: Ruta eta 1-4
Davidi koɖo Goliati: 1 Samiɛli eta 17
Abigaili: 1 Samiɛli 25:2-35
Daniɛli le janŋtanwo dù mɛ: Daniɛli eta 6
Elizabɛti Koɖo Mari: Luiki eta 1-2
Nunya ci woazan le gbeshiagbe gbenɔnɔ mɛ
Xomu gbenɔnɔ: Efezitɔwo 5:28, 29, 33; 6:1-4
Ehadodo: Elododo Wema 13:20; 17:17; 27:17
Gbedodoɖa: Ehajiji Wema 55:22; 62:8; 1 Ʒan 5:14
Eto ji nuxu: Matie eta 5-7
Edɔ: Elododo Wema 14:23; Ŋununyatɔ 3:12, 13; 4:6
Nɔ èjijiɛ kpedonu hwenu . . .
Ègbɔjɔ: Ehajiji Wema 23; Ezai 41:10
Èseseɛ gbazavi: 2 Korɛntitɔwo 1:3, 4; 1 Piɛ 5:7
Èdodoɔ hwɛ eoɖeki: Ehajiji Wema 86:5; Ezekiɛli 18:21, 22
Enyɔ ci Bibla nu so . . .
Ŋkeke vɔvɔwo nu: Matie 24:3-14; 2 Timɔte 3:1-5
Emɔkpɔkpɔ nɔ sɔmɛ nu: Ehajiji Wema 37:10, 11, 29; Enyɔdasɛ 21:3, 4
Susu ɖeka ke: Nɔ àkpɔ enyɔ ciwo yí trɔdo kpukpui ciwo woyɔ do ejiɔ, hlɛn eta ci(wo) mɛ kpukpui lɔwo le vɛ pleŋ. Zan dakavi ci yí nyi “Ŋwlɛ ŋciwo èhlɛn le Bibla mɛ ɖɛ” ci yí le wema cɛ vɔvɔnu yí asɔ dokɔ jeshi eta ɖekaɖeka ci èhlɛnkɔ. Ðui mɔ yeahlɛnnɔ akpaxwe ɖe nɔ Bibla lɔ gbeɖeka duu.
Ebuwo Ke
ENYƆ CIWO AMƐWO BIƆNƆ SE BLAŊBLAŊ
Nyi Bibla nukplakpla ci Yehowa Kunuɖetɔwo sɔ ɖokɔ ŋmɛ nɔ amowo nyiɔ?
To seŋkankan toto ehomana ci Yehowa Kunuɖetɔwo sɔ ɖokɔ ŋmɛ nɔ amowo jiɔ, àtɛnŋ azan Bibla gɔnmɛɖeɖe ɖekpokpui. Vo faa ayɔ ao xomu lɔ pleŋ alo ao xlɔwo nɔ woava bɔdo eo nu le nukplakpla lɔ mɛ.
