•  Кире сӧс 2

•  «Кудайдыҥ Сӧзиндеги эрјинелер» 3—5

  •  Куучын-эрмек 3

  •  Кӧгӱс кӱмӱштер бедирейдис 4

  •  Агару Бичикти кычырары 5

•  «Јарлаар иштиҥ темигӱлерин тыҥыдадыс» 6—14

  •  Куучынды баштагар 7

  •  Куучынды улалтыгар 8

  •  Ӱренчиктер белетегер 9

  •  Бойоордыҥ кӧрӱмеерди јартагар 10

  •  Куучын-эрмек 11

  •  Канайып бӱдӱрер 12

  •  Айалгалар 13

  •  Видеолорды ла бичиктерди тузаланары 14

•  «Христиан јӱрӱм» 15, 16

  •  Агару Бичикти јуунда ӱренери 16

•  Адакы сӧс 17

•  Мактаары ла јӧп берери 18

•  Туштажуныҥ ӧйи 19

•  Јуунга аймак кӧрӧӧчи келген ӧй 20

•  Аймак эмезе регионныҥ курултайыныҥ неделези 21

•  Кайраканныҥ Эҥири болор неделе 22

•  «Јӱрӱмис ле ижибис» деген туштажуныҥ башкараачызы 23

•  «Јӱрӱмис ле ижибис» деген туштажуныҥ председатели 24

•  Јӧп берип турган ака 25

•  Экинчи ле оноҥ до ӧскӧ кыптар 26

•  Видеолор 27

1. Бу документте берилген башкартулар «Бистиҥ христиан јӱрӱмис ле ижибис» деп туштажуныҥ бастыра туружаачыларына тузалу болор. Олорго јакылта белетеердеҥ озо «Јӱрӱмис ле ижибис» деп тетрадьтиҥ ле бу документтиҥ башкартуларын кычырып алар керек. Кажы ла јарчыны ӱредӱлӱ јакылталарла турушсын деп кӱӱнзедер керек. Јарчы эмес улус ӱредӱлӱ јакылталарды база алар аргалу, је олор Агару Бичиктиҥ ӱредӱлериле јӧпсинип, христиан принциптер аайынча бойыныҥ јӱрӱмин солып салган болор учурлу. Јарчы болбой турган кижи ӱредӱлӱ јакылта бӱдӱрер кӱӱндӱ болзо, «Јӱрӱмис ле ижибис» деген туштажуныҥ башкараачызы ол кижиле керектӱ некелтелерди шӱӱжип ийер учурлу, оноҥ ого јакылталарды бӱдӱрерге јараар ба, јок по деп айдып ийер керек. Бу куучында ол кижиле кожо Агару Бичикле ӱредӱ ӧткӱрип турган јарчы болор керек (эмезе Иегованыҥ Керечизи болуп турган адазы эмезе энези кожо болор керек). Ол кижи сууга чӧҥӱрилбеген јарчыларга берилген некелтелерге келижер учурлу (od-U 8 баж., абз. 8).

2. Бир минут. Кожоҥныҥ ла мӱргӱӱлдиҥ кийнинде председательге шӱӱжетен материалла улусты јилбиркедерге, јуунга эҥ учурлу шӱӱлтелерди талдап, болотон программа керегинде куучындап берер керек.

  3. Куучын-эрмек (он минут). Куучын-эрмектиҥ темазы ла планы (эки-ӱч тӧс пункттары) иштиҥ тетрадинде берилет. Бу куучын-эрмек аксагалга эмезе јарагадый (способный) болушчы ишчиге берилет. Расписание аайынча јаҥы библиялык бичикти ӱренери башталып јатса, бу бичик керегинде таныштыру видео кӧргӱзилер. Бу куучын-эрмекле чыккан ака видеоныҥ шӱӱлтелери куучын-эрмектиҥ темазыла кандый колбулу болгонын айдып берер аргалу. Је ол иштиҥ тетрадиндеги берилген планныҥ тӧс шӱӱлтелерин кыйалта јогынаҥ јартаар учурлу. Анайда ок ӧй бар болзо, берилген јуруктарга ајару эдип, олорды јартап ийер керек. Кожулта материалдарды тузаланарын ака бойы кӧрӧт: ол материалдар планныҥ тӧс пункттарын ачарга болужар аргалу болзо, олорды тузаланарга јараар.

 4. Кӧгӱс кӱмӱштер бедирейдис (он минут). Бу пункт сурактардыҥ ла каруулардыҥ болужыла шӱӱжилет. Кире ле адакы сӧс айдары керек јок. Бу пункт аксагалга эмезе јарагадый болушчы ишчиге берилет. Ака сурактардыҥ экӱлезин сурап ийер учурлу. Бу берилген сурактардыҥ ончо ӱлгерлерин кычыратан ба, јок по деп, ол бойы кӧрӧр аргалу. Улустыҥ каруулары 30 секундтаҥ ашпас учурлу.

 5. Агару Бичикти кычырары (тӧрт минут). Бу ӱредӱлӱ јакылта акага берилет. Ӱренчик берилген ӱзӱкти кычырат. Кире ле адакы сӧс айдары керек јок. Туштажуныҥ председателиниҥ амадузы — ӱренчиктерге чын эдип, тӱрген, јайым тудунып, оҥдоп, интонациязы чын болзын ла шӱӱлтези аайынча согултазын ла токтой тӱжерин чын кычырзын деп болужары. Агару Бичиктиҥ ӱзӱктери узуныла башка болор аргалу, оныҥ учун туштажуныҥ башкараачызына јакылтаны берип, ӱренчиктиҥ аргазын ајаруга алар керек.

6. Он беш минут. Бу туштажуныҥ бӧлӱги кажы ла кижи јарлаар иште туружарга бойын ченеп кӧрӧргӧ берилген. Улусла јакшы эдип куучындажарга, ченемелдӱ ӱредӱчи ле јарчы болзын деп берилген. Керек болзо, аксагалдар да ӱредӱлӱ јакылталар бӱдӱрер аргалу. Јакылталар бӱдӱрип тургандар «Темигӱлериҥди тыҥыт» эмезе «Улусты сӱӱгер» деген брошюралардыҥ урогын бӱдӱрер учурлу, олор иштиҥ тетрадинде јакылталардыҥ јанында скобкаларда бичилген. Расписаниеде аудитория туружар пункттар туштаар аргалу. Бу пунктты аксагалга эмезе јарагадый болушчы ишчиге берер керек. (Мындый пункттарды канайып ӧткӱрери керегинде  15 абзацта айдылган.)

 7. Куучынды баштагар. Бу ӱредӱлӱ јакылта акага эмезе эјеге берилет. Эјеге эје болужар, акага ака болужар, эмезе болушчызы билезиниҥ кижизи болор керек. Туружаачылар турар эмезе отурар аргалу. (Јакылтаны канайып бӱдӱрери ле айалга керегинде кӧптӧдӧ билип аларга,  12 ле  13 абзацтарды кӧрӱгер.)

 8. Куучынды улалтыгар. Бу ӱредӱлӱ јакылта акага эмезе эјеге берилет. Эјеге эје болужар, акага ака болужар учурлу (km-U 5/97 7). Туружаачылар турар эмезе отурар аргалу. Јакылта бӱдӱрип турган кижи јилбиркеген кижиле куучынды канайып улалтарын кӧргӱзер учурлу. (Јакылтаны канайып бӱдӱрери ле айалга керегинде кӧптӧдӧ билип аларга,  12 ле  13 абзацтарды кӧрӱгер.)

 9. Ӱренчиктер белетегер. Бу ӱредӱлӱ јакылта акага эмезе эјеге берилет. Эјеге эје болужар, акага ака болужар учурлу (km-U 5/97 7). Туружаачылар турар эмезе отурар аргалу. Бу јакылтада башталып калган ӱредӱни кӧргӱзер керек. Јакылта бӱдӱрип турган кижиге кире ле адакы сӧс керегинде темигӱ јакарылбаган болзо, олорды айтпаска да јараар. Берилген материалды бӱдӱнге кычырбаска да јараар.

 10. Бойоордыҥ кӧрӱмеерди јартагар. Бу јакылтага куучын-эрмек келижип калган болзо, оны ака эмезе карындаш бӱдӱрет. Јакылтаны демонстрация этире бӱдӱрер керек болзо, оны акага эмезе эјеге берет. Эјеге эје болужар, акага ака болужар эмезе билезиниҥ кижизи болужар аргалу. Јакылтаны бӱдӱрип турган кижиге јакылтада берилген ссылканы тузаланып, тема аайынча суракка јарт ла черчеҥ каруу берер керек. Ол айдып турган шӱӱлтелерин кайдаҥ алганын айдар ба, јок по бойы кӧрӧр аргалу.

 11. Куучын-эрмек. Бу јакылта акага эмезе карындашка берилет, мыны јуунга айдылган куучын-эрмек чилеп айдар керек. Бу куучын-эрмек «Улусты сӱӱгер» деген брошюраныҥ А деп кожултазыныҥ пункттарына тӧзӧлӧнгӧн болзо, јакылта бӱдӱрип турган кижи бу ӱлгерди (-лерди) јарлаар ишке канайып тузаланарын кӧргӱзип берзин. Темдектезе, бу ӱлгерди кандый учуралдарда тузаланарын, ӱлгердиҥ учурын, бу ӱлгердиҥ болужыла кижиле канайып шӱӱжетенин јартап берзин. Куучын-эрмек «Улусты сӱӱгер» деген брошюраныҥ кандый бир урогыныҥ пунктына тӧзӧлӧнгӧн болзо, јакылта бӱдӱрип турган кижи бу пунктты јарлаар ишке канайып тузаланарына ајару этсин. Ака эмезе карындаш уроктыҥ баштапкы пунктында берилген темди шӱӱжип ийзин, эмезе керек болзо, бу уроктыҥ база ӧскӧ ӱлгерлерин тузаланып ийер аргалу.

   12. Канайып бӱдӱрер. Бу абзац ла оноҥ арыгы абзац «Куучынды баштагар» ла «Куучынды улалтыгар» деген јакылталарга берилген. Ӧскӧ этире кӧргӱзилбеген болзо, јакылта бӱдӱрип турган кижи Агару Бичиктеҥ кандый бир кӱч эмес чындыкты кижиге куучындап береле, келер куучынга тӧзӧлгӧ белетеп салзын. Куучынныҥ темазы јербойыныҥ айалгазына келижип турзын. Јакылтазына керектӱ бичиктерди эмезе видеолорды тузаланар ба, јок по бойы кӧрӧр аргалу. Јакылта бӱдӱрип турган кижиниҥ амадузы — куучын баштаар арганы эске ӱренбей, је кижиле бойыныҥ сӧстӧриле куучындажары. Темдектезе, кижиле јилбиркеп, эптӱ куучындажар керек.

   13. Айалгалар. Јакылта бӱдӱрип турган кижи јакылтадагы берилген айалганы јербойыныҥ айалгазына келиштирзин. Темдектезе:

1.  1) Айылдар сайын јарлаары. Бу дезе айылдар сайын јарлаары (кижиге јолугып куучындашканы, телефонло эмезе самара ажыра) ла јарлап јӱреле эрмектешкен кижиле куучынды улалтары.

2.  2) Керектерле јӱрӱп јарлаары. Бу айалга кижиле тегине ле куучында канайып јарлайтанын кӧргӱзет. Темдектезе, иште, школдо, јаныста јаткан улуска, автобуста эште эмезе ӧскӧ дӧ јерлерде јӱреле туштаган улуска Агару Бичиктиҥ чындыктарын канайып куучындаарын кӧргӱзет.

3.  3) Улусту јерлерде јарлаары. Бу дезе стендтӱ, улус иштеп турган јерлерде, тышкары јӱреле, парктарда ла ӧскӧ дӧ улусту јерлерде јарлаары.

 14. Видеолорды ла бичиктерди тузаланары. Јакылта белетеп турган кижи айалганы кӧрӱп, видео кӧргӱзер эмезе кандый бир бичик берер аргалу. Јакылтада видео кӧргӱссин деп айдылган болзо, эмезе јакылта белетеп турган кижи бойы видеоны тузаланарга турган болзо, оны кӧргӱспей јӱк ле шӱӱжип ийзин.

15. Бу бӧлӱк кожоҥноҥ башталат. Оноҥ 15 минуттыҥ туркунына программаныҥ бир-эки пункты болор. Олордыҥ амадузы — улуска библиялык принциптерди ле јӧптӧрди тузаланарга болужары. Ӧскӧ башкарту јок болзо, бу пункттарды аксагалга эмезе јарагадый болушчы ишчиге берерге јараар. Је «Јербойыныҥ керексиништери» деп пунктты јӱк ле аксагал айдар учурлу. Программаныҥ пунктында тетрадьтагы берилген материалды шӱӱжетен болзо, оны ӧткӱрип турган ака берилген сурактардаҥ башка бойынаҥ сурактар кожуп, берер аргалу. Тӧс шӱӱлтелерди јартаарга ла улусла кожо шӱӱжерге ӧй јеткилинче болзын деп, кире сӧсти кыскарта айдар керек. Пунктта интервью бар болзо, интервью берип турган кижи интервьюзын отурган јеринеҥ эмес, је сценадаҥ берзин.

  16. Агару Бичикти јуунда ӱренери (одус минут). Бу пункт јарагадый аксагалга берилет. (Аксагалдар јуунда ас болзо, јарагадый болушчы ишчиге берерге јараар.) Аксагалдардыҥ јӧби бу пунктты аксагалдардыҥ кемизи ӧткӱрер аргалу деп, јӧп чыгарар учурлу. Ака ӱредӱни ӧткӱрип, тӧс библиялык ӱлгерлерге ајару эдер ле кӧрӱлип јаткан шӱӱлтелердеҥ јуун туза алзын деп болужар учурлу, анайда ок ого ӧйинеҥ ашпас керек. Бу пунктты сурактардыҥ ла каруулардыҥ болужыла ӧткӱрер керек болзо, оны канайып ӧткӱрерин берилген башкартунаҥ кӧрӱгер (w23.04 24, рамка). Бастыра материалды шӱӱшкен кийнинде ӧй артып калган болзо, пунктты оноҥ ары чӧйбӧс керек. Арга бар болзо, ӱредӱни ӧткӱретен ле материалды кычыратан акалар кажы ла неделеде башка-башка болзо јакшы. Туштажуныҥ председатели бу пункттыҥ ӧйин кыскартып ийзин деп сураган болзо, ӱредӱни ӧткӱрип јаткан кижи бу јакаруны канайып эдерин бойы сананар учурлу. Темдектезе, кезик абзацтарды ол кычырбазынаҥ шӱӱжип ийер аргалу.

17. Ӱч минут. Председатель туштажуда болгон эҥ тузалу шӱӱлтелерди айдып ийер учурлу. Анайда ок ого келер неделениҥ ширтӱзин ӧткӱрип ийер керек. Ӧй бар болзо, келер неделеде ӱредӱлӱ јакылталарды кемдер бӱдӱрерин јарлап ийерге јараар. Ӧскӧ башкарту јок болзо, председатель керектӱ јарларды ла самараларды јуунга кычырып берер учурлу. Јарлаар иштиҥ туштажуларыныҥ ла арутаар иштиҥ графиктерин (оноҥ до ӧскӧлӧрин) сценадаҥ кычырбас керек. Мындый графиктерди јарлардыҥ доскозына тагып салар керек. Јарлар ла самаралар кӧп болзо, председатель «Христиан јӱрӱм» деген бӧлӱкте пункттарла чыгар акаларды јакаруларыныҥ ӧйин кыскартып ийзин деп сураар ( 16 ла  19 абзацтарды кӧрӱгер). Туштажу кожоҥло, мӱргӱӱлле божоор.

18. Ӱренчик јакылтазын бӱдӱрген кийнинде председательде «Темигӱлериҥди тыҥыт» деген брошюрага тӧзӧлӧнип, ӱренчикти мактаарга ла ого јӧп берерге, бир минут кире ӧй бар. Председатель ӱредӱлӱ јакылтаны јарлап јатса, оныҥ урогын айтпас. Је ӱренчик јакылтазын бӱдӱрип ийгениниҥ кийнинде председатель оны мактап ийеле, ол кандый урокло иштегенин айдып, уроктыҥ кандый пункттарын тузаланарга келишкенин аҥылап ийер, эмезе келер тушта уроктыҥ кандый пункттарына ајару эдер керек ле нениҥ учун бу керектӱ деп, јалакай јартап берер. Анайда ок председатель ӱренчиктиҥ бойына ла угаачыларга тузалу болор деп кӧрӱп турза, ӱренчикти бӱдӱрген јакылтазыныҥ ӧскӧ дӧ јакшы јандары учун мактаар аргалу. Председатель «Темигӱлериҥди тыҥыт», «Улусты сӱӱгер» деген брошюраларга эмезе «Школа служения» деген бичикке тӧзӧлӧнип, база јӧп айдарга турган болзо (бу эмезе ӧскӧ урокло) туштажуныҥ кийнинде ӱренчикке кӧстӧҥ кӧскӧ эмезе ӧскӧ ӧйдӧ айдар аргалу. (Туштажуныҥ председателинде ле јӧп берип турган акада кандый молјулар бары керегинде  19,  24,  25 абзацтарда айдылат.)

19. Программаныҥ пункттарын чӧйбӧс керек. Председательге берилген ӧйинеҥ база ашпас керек. Иштиҥ тетрадинде кажы ла јакылтаныҥ ӧйи бичилип калган. Је ака эмезе эје кыска ӧйгӧ теманы ачып эмезе материалды шӱӱжип ийген болзо, оноҥ ары ӧйди чӧйӧри керек јок. Та кем де программадагы бойыныҥ пункттын чӧйип ийзе, «Јӱрӱмис ле ижибис» деген туштажуныҥ председатели эмезе јӧп берип турган ака оныла кӧстӧҥ кӧскӧ куучындажып ийзин ( 24,  25 абзацтарды кӧрӱгер). Туштажуныҥ текши ӧйи кожоҥдорло, мӱргӱӱлдерле кожо 1 саат 45 минуттаҥ ашпас учурлу.

20. Јуунга аймак кӧрӧӧчи келген болзо, программаны иштиҥ тетрадиндеги расписание аайынча ӧткӱрер керек, је бир эмеш солынталарла. «Христиан јӱрӱм» деген бӧлӱкте Агару Бичикти јуунда ӱренериниҥ ордына, 30 минуттыҥ туркунына аймак кӧрӧӧчиниҥ куучын-эрмеги болор. Бу куучын-эрмектеҥ озо председатель ӧткӧн программаныҥ ширтӱзин ӧткӱрер, келер неделеде туштажуда не болорын куучындап берер, керектӱ јарлар айдар, керектӱ самараларды кычырып, оноҥ аймак кӧрӧӧчини јарлап ийер. Куучын-эрмектиҥ кийнинде аймак кӧрӧӧчи кожоҥ талдап, туштажуны божодып ийер. Анайда ок туштажуныҥ учында бойы мӱргӱп ийер аргалу эмезе ӧскӧ аканы сурап ийер аргалу. Аймак кӧрӧӧчи келген ӧйдӧ ӧскӧ кыптарда јуунныҥ тилине болуп турган јакылталар ӧткӱрилбес. Је ӧскӧ тилдӱ бӧлӱк аймак кӧрӧӧчи келген де болзо, туштажуны бойыныҥ тилине ӧткӱрер аргалу, је аймак кӧрӧӧчиниҥ куучын-эрмегин јуунла кожо угар учурлу.

21. Курултай болор неделеде јуунныҥ туштажулары ӧткӱрилбей јат. Бу неделеге берилген материалды кажы ла кижи таҥынаҥ эмезе билезиле кожо кӧрӱп алзын деп айдып салар керек.

22. Кайраканныҥ Эҥири иштеер кӱнге келижип калза, «Јӱрӱмис ле ижибис» деген туштажу бу неделеде ӧткӱрилбес.

23. «Јӱрӱмис ле ижибис» деген туштажуныҥ башкараачызы эдип, кажы бир аксагалды аксагалдардыҥ јӧби кӧстӧӧр. Бу аксагал туштажу јакшы белетелип, бу башкартулар аайынча ӧткӱрилип турарына каруулу болор. Ол јӧп берип турган акала јуук јӧптӧжип турар учурлу. Јаҥы айдыҥ иштиҥ тетради чыгып ла келзе, туштажуныҥ башкараачызы келер эки айдыҥ ончо программазын канайып ӱлештирерин пландап алар керек. Оныҥ молјузына ӱредӱлӱ јакылталарды ӱлештирери ле аксагалдардыҥ јӧби јараткан акалардаҥ программаныҥ пункттарын кем ӧткӱрер ле председательди кӧстӧри кирип јат ( 3—16 ла  24 абзацтарды кӧрӱгер). Јакылталарды ла программаныҥ ӧскӧ дӧ пункттарын берердеҥ озо кижиниҥ јажын, ченемелин ле бу кижи ол теманы јайым куучындап болор бо деп, ајаруга алар керек. Ӱредӱлӱ јакылтаны ас ла болзо, ӱч неделе озо берип салар керек. Ӱренчиктерге јакылта «„Бистиҥ христиан јӱрӱмис ле ижибис“ деген туштажуга јакылта» деп бланкта (S-89) берилип јат. «Јӱрӱмис ле ижибис» деген туштажуныҥ башкараачызы туштажуныҥ пункттары ла ӱренчиктердиҥ јакылталары ӱлештирилип калган программа јарлардыҥ доскозында бар ба деп, бӱдӱмјиленип алар учурлу. Аксагалдардыҥ јӧби ого болуш эдип, ӧскӧ аксагалды эмезе болушчы ишчини кӧстӧп салар аргалу. Је ӱредӱлӱ јакылталардаҥ ӧскӧ пункттарды јӱк ле аксагалдар ӱлештирер аргалу.

24. «Јӱрӱмис ле ижибис» деген туштажуда кажы ла неделеде аксагалдардыҥ бирӱзи бастыра туштажуныҥ ӧйине председатель болор. (Аксагалдары ас јуундарда, туштажуныҥ председатели болуп, јарагадый болушчы ишчи болор аргалу.) Ол кире ле адакы сӧстӧр учун каруулу болот. Анайда ок ол программаныҥ кажы ла бӧлӱгин јарлап, аксагалдар јетпей турза, программаныҥ кезик пункттарыла база чыгар аргалу, анчада ла видеоны шӱӱжери јогынаҥ кӧргӱзетен пункттарда. Пункттаҥ пунктка кӧчӧр ӧй чек кыска болор керек. Председательдиҥ ижин бӱдӱрерине кемди кӧстӧӧрин аксагалдардыҥ јӧби кӧрӧт. Талдалган аксагалдар председательдиҥ ижин солыжып бӱдӱргилеер. Кандый бир айалгалардаҥ улам туштажуныҥ башкараачызы, ӧскӧ аксагалдарга кӧрӧ, председательдиҥ ижин кӧп бӱдӱрер болор. Аксагал Агару Бичикти јуунда ӱренерин ӧткӱрип турган болзо, туштажуныҥ председателиниҥ ижин бӱдӱрерине база јараар болор. Председательге ӱренчиктерди акту јӱректеҥ ле јакшы керектери учун мактап, тузалу јӧптӧр берерге ундыбас керек. Анайда ок председательге туштажу ӧйинде божозын деп кӧрӱп турар керек ( 17 ле  19 абзацтарды кӧрӱгер). Сценада јер бар болзо, экинчи микрофонды председательдиҥ кӱӱниле тургузып аларга јараар, не дезе, программаныҥ кажы ла пунктын јарлап јаткан ӧйдӧ, пунктты ӧткӱрер ака пюпитрдыҥ јанына туруп алар аргалу. Анайда ок Агару Бичикти кычырары ла «Јарлаар иштиҥ темигӱлерин тыҥыдадыс» деп бӧлӱктиҥ јакылталарыныҥ ӧйинде председатель сценадагы столдыҥ јанында отурар аргалу. Мынайып эткени ӧйди калас јылыйтпаска болужар.

25. Арга бар болзо, бу молјуны ченемелдӱ јетирӱчи болуп турган аксагалга берзе јакшы болор. Оныҥ амадузы — (керек болзо), «Јӱрӱмис ле ижибис» деген туштажуныҥ јакаруларын бӱдӱрип турган аксагалдарга ла болушчы ишчилерге анайда ок куучын-эрмектер айдып, «Каруулчы шибеени» ӱренерин ле Агару Бичикти јуунда ӱренерин ӧткӱрип ле кычырып турган ака-карындаштарга јӧптӧр берери ( 19 абзацты кӧрӱгер). Ого ака-карындаштарга кажы ла јакылтаныҥ кийнинеҥ јӧптӧр берер учурлу деп сананбас керек. Јуунда чечен куучынду ла јакшы ӱредер аргалу аксагалдар кӧп болзо, олор јӧп берип турар јакылтаны бир јылдаҥ солыжып турар аргалу.

26. Јуунда ӱренчиктердиҥ тоозы кӧп болзо, эки эмезе оноҥ до кӧп кыптар тӧзӧӧргӧ јараар. Кажы ла кыпка јӧптӧр берер јарагадый ака кӧстӧлӧр учурлу (бу ака аксагал болзо јакшы болор эди). Керек болзо, мындый јакаруны јарагадый болушчы ишчиге берерге јараар. Аксагалдардыҥ јӧби мындый молјуны кемге беретенин ле мыны бир ле акага кӧстӧйтӧн бӧ эмезе акалар бой-бойын солыжып турар ба деп, јӧп чыгарар. Кыпта јӧп берерге кӧстӧлгӧн ака  18 абзацта бичилген башкартуларла башкарынар учурлу. Ӱредӱлӱ јакылталарда туружып турган ӱренчиктер «Кӧгӱс кӱмӱштер бедирейдис» деген пункттыҥ кийнинде, ӧскӧ кыптар сайын баргылаар. Олорго «Јарлаар иштиҥ темигӱлерин тыҥыдадыс» деген бӧлӱктиҥ кийнинеҥ тӧс залга кайра бурылар керек.

27. «Јӱрӱмис ле ижибис» деген туштажуда иштиҥ тетрадиндеги расписаниеде берилген видеолор болор. Олор JW Library®-де бар, олорды башка-башка электронный эдимдерде иштедип ийерге јараар.

© 2023 Watch Tower Bible and Tract Society of Pennsylvania

S-38-ALT 11/23