Каандык керегинде јетирӱ № 35

Бастыра улус качан бирде бой-бойлорын сӱӱр бе?

 Сӱӱш јуугында кижиге сооп калган

МИЛЛИОНДОР тоолу улус бойлорын кемгеде кереги јок ло ырыс јок деп бодогылап, кайдаҥ болуш сураарын билбей јат. Бир пенсионерка ӱй кижи куучындаган: «Бир катап эҥирде, айылдаш јаткан ӱй кижи, тул келин, мениҥ айылымныҥ эжигине токулдадып, айткан. Мен сӱреен Іаҥысканзырайдым Мен јалакай, је чике айткам, менде бош јок деп. Ол дезе, тарынбагар слердиҥ амыраарды быскан учун деп айдала, јӱре берген».

Коркушту карыкчылду, је ол ло тӱнде тул келин бойына кол салынган. Соҥында ол пенсионерка ӱй кижи айткан, бу керек меге «кату ӱреду» болуп артты.

Јуугында кижиге сӱӱш једикпестеҥ улам, јаантайын јеткерлу учуралга эбирилип јат. Босния ла Герцеговинде, озогы Югославияда этнический ӧн-тартыжу ӧйинде, миллионноҥ ажыра улуска айылдарын артыргызарга келишкен ле муҥдар тоолу улус ӧлтӱртип салган. Кем олорды ӧлтӱрген? «Мениҥ айылдаштарым деп,— бойыныҥ деремнезинеҥ качып чыккан бир кыс кородоп-кунуккан. — Бис олорды билер болгоныс».

Сӱреен кӧп муҥдар тоолу улус Руандада божогон, кӧп сабазында бойыныҥ јуук улузыныҥ колынаҥ. «Хуту ла тутси коштой јаткылаган, биле тӧзӧӧргӧ алыжып та туратан, олор керекке албайтан, кезикте билбейтен де, кемизи хуту, а кем тутси деп,— «Нью-Йорк таймс» газетте јетирилген.— је неде кенетийин солунган... кырыш-согуш башталган».

Анайда ок Израильде: еврейлер ле арабтар айылдаш јаткылайт, је андыйда болзо, кӧп сабазы бой-бойлорын кӧрӧр кӱӱндери јок. Андыйла айалга Ирландиядагы кӧп сабазы католиктердиҥ ле протестанттардыҥ ортодо кӧрӱнет, анайда ок база ӧскӧ дӧ кӧп тоолу албатылар ортодо. Кижилик историяда улус мындый, сӱӱштиҥ једикпезин качанда кӧрбӧгӧн.

Нениҥ учун сӱӱш јуугында кижиге сооп калган?

Карууны бу суракка бистиҥ Јайаачыс берип јат. Оныҥ Сӧзинде, Библияла, бистиҥ јӱрӱп турган ӧйис «калганчы кӱндер» деп адалат. Библиядагы билимдеп айдылганыла болзо, бу ӧйдиҥ туркунында, улус бой-бойлорына «кыйгас, ӧштӧҥкӧй ле јаман кӧрӧр». Кудайдыҥ бичимелинде «чактыҥ учы» деп, адалган бу «уур-кӱч ӧйлӧр» керегинде, айдып тура, Иисус Христос озолондыра кӧрӱмдеп айткан, «кӧп сабаларында сӱӱш соор» деп (2 Тимофейге 3:1—5; Матфейдиҥ 24:3, 12).

Анайдарда, бистиҥ ӧйдӧги кӧрӱнип турган сӱӱштиҥ једикпези — ол, бистиҥ бу јӱрӱмде калганчы кӱндеринде јадып турганыстыҥ бӧлӱк темдеги. Ырыс болуп, анайда ок ол темдектейт, јер-телекейдеги калју калык јоголып, оныҥ ордына јер-телекейдиҥ ӱсине јаҥы чындык албаты јадар, олордыҥ ортодо сӱӱш башкарар (Матфейдиҥ 24:3—14; 2 Петрдыҥ 2:5; 3:7, 13).

Је чып ла чын андый кубулталар болор деп, биске бӱдерге тӧзӧлгӧ бар ба? Бастыра албаты нак јадып, бой-бойлорын сӱӱрине ӱренип болорбо?

 ЈУУГЫНДА КИЖИНИ СӰӰЙТЕНИ ОЛ — ЧЫН ЈӰРӰМ

«КЕМ мениҥ јуугым?» деп, баштапкы чакта бир закончык еврей Иисустаҥ сураган. Ол јарт ла Иисустыҥ мынайда кару берерин сакыган «сениҥ нацияҥныҥ улузы» деп. Је Иисус буурзак-килеҥкей самарянин керегинде куучындап, бу учуралда кижиниҥ јуугы анайда ок ӧскӧ дӧ национальносту улус болорын кӧргӱскен (Луканыҥ 10:29—37; Иоанныҥ 4:7—9).

Иисус темдектеген, Кудайды сӱӱриниҥ кийнинде экинчи јерде, бистиҥ јӱрӱмисте јуугындагы кижини сӱӱри турар учурлу (Матфейдеҥ 22:34—40), је бойыныҥ јуугында улусты чынынча сӱӱген бӧлӱк албаты качан бирде болгон бо? Эйе болгон — ол озодогы христиандар! Олор улусты сӱӱгени ле макка чыккан (Иоанныҥ 13:34, 35).

А бӱгӱнги айалгалар кандый? Кем-кем Христостыҥ сӱӱжиндий сӱӱш кӧргӱзет пе? Бир иште айдылат: «Иегованыҥ кереечилериниҥ ижи — ол Иисус ла оныҥ ӱренчиктериниҥ јаҥдаган озогы христиан јаҥды орныктырганы ла тиргискени.. Олор ончозы карындаштар» («Encyclopedia Canadiana»).

Ол не андый? Ол дегежин, Иегованыҥ кереечилери, јӱзӱн башка национальносту, рассалу ла этнический бӱдӱмдӱ улустыҥ ортодо јуук кижини јаман кӧрӧрине јай бербей турганы. Олор кемдиде ӧлтӱрбес, чокумдап айтса, ӱлдӱзин иш-јепселге, јыдазын серпке сулааган (Исаия 2:4). Чып-чын, кереечилдер бойыныҥ туза јетирер баштаҥкайыла јарлу, качан јуугында кижиге болуш керек болзо (Галатарга 6:10).

Кайкамчылу эмес, бир калифорнийский газеттиҥ редакционный статьязында темдектелгени: «Јеткилинче айтса, бастыра јер-телекейде Иегованыҥ керечилдериниҥ бӱдӱмјилерине бек тудунза, кан тӧгӱш ле јаман кӧрӧри јок болор эди, јердиҥ ӱстӱнде сӱӱш башкарар эди» («Sacramento Union»). Бир венгер журналда статьяныҥ авторы ајарган: «Мен мындый шӱӱлтеге келдим, не дезе јердиҥ ӱстинде јаҥысла Иегованыҥ кереечилери јаткан болзо, јуулар јок болор эди, полицейскийлер јаҥысла паспорт берерине, оноҥ кыймыгу шиҥжӱлеп иштеер эди» («Ring»).

Јарт, алаҥзу јок, бастыра улус бой-бойлорын сӱӱрине јердиҥ ӱстинде јаан телекейлик солунталар керек. Канайып ол солунталар болор аргалу? (Сурап турубыс, калганчы страницаны кычырыгар.)

 КАЧАН БАСТЫРА УЛУС БОЙ-БОЙЛОРЫН СӰӰР

ИИСУС ХРИСТОСТЫҤ Молитвазынаҥ кӧрӱнет, бис тӧс солунталардыҥ бозогозында турадыс. Иисус Христос бисти, кырдагы атту-чуулу таркадып куучындаган куучынында мынайда мӱргӱӱрине ӱреткен: «Сениҥ Каандыгыҥ келзин. Сениҥ кӱӱн-табыҥ теҥериде чылап јерде болзын» (Матфейдеҥ 6:10).

Кудайдыҥ Каандыгы ол не дегени? Ол теҥеринеҥ башкарган, чындык башкару. Бот, оныҥ да учун ол «Теҥериниҥ Каандыгы» деп адалат. Иисустыҥ Адазы оны «Јер-телекейдиҥ јайзаҥына», бу башкаруныҥ башчызына кӧстӧгӧн (Матфейдеҥ 10:7; Исаия 9:6, 7; Псалом 71:1—8).

Качан Кудайдыҥ Каандыгы келзе, бу эмдиги ӧйдӧ јаман калјула толуп калган јер-телекейле не болор? Бу телекейдиҥ садынчак башкарузын «Каандык» «јоголтор ло бызар» (Даниил 2:44). Библияда јарталат: «Телекейде јӱрӱм ӧдӧ берер... а Кудайдыҥ кӱӱн-табын бӱдӱрген кижи чактыҥ чакка јӱрер» (1 Иоаннаҥ 2:17).

Кудайдыҥ јаҥы јер-телекейинде, Библияныҥ айдылганыла болзо: «Чындык улус јерди энчиркенип, чактыҥ-чакка ондо јадар» (Псалом 36:9—11, 29; Притчи 2:21, 22). Кандый кайкамчылу ӧй келер ол тушта! «Ӧлӱм де болбос база, ый-сыгытта, ору-јобол до база болбос» (Откровение 21:4). Керек дезе, ӧлгондӧрдӧ тирилер, бастыра јер чын ла рай болор (Исаия 11:6—9; 35:1, 2; Деяниелер 24:15).

Кудайдыҥ јаҥы јер-телекейинде јӱрерге, биске бой-бойысты сӱӱр керек, бого бисти Кудай ӱредет (1 Фессалоникийцтерге 4:9). Восток јериниҥ Библия ӱренип турган эр кижизи айткан: «Мен чыдажып болбой сакыйдым, ол ӧйди, качан библияныҥ айтканыла болзо, кажыла кижи ӧскӧ кижини сӱӱрине ӱренип аларын». Бис алаҥзыбайдыс, Кудай бойыныҥ сӧзин бӱдӱрер! «Мен јакыгам деп, ол айдып јат — соҥында оны бӱдерине экелерим» (Исаия 46:11).

Је Кудайдыҥ башкарган Каандыгында, бу — алкышты аларга биске билгир ӱредӱ алынар керек, бастыра јер телекей ӱстинде ачык-јарык јӱректӱ миллиондор тоолу улустар чылап (Иоаннаҥ 17:3). Мында слерге болужар 32 страницалу брошюра «Кудай бистеҥ нени некейт?» (орус тилле). Ӧткӧн страницадагы купонды толтыра чийип, экземпляр заказтагар, оны слерге јуук адресле салып ийигер.

□ Мен «Кудай бистеҥ нени некейт?» деген брошюра алар кӱӱнду.

□ Мениле колбу тудыгар деп, сурайдым, айылда тӧлӧбӧзинеҥ Библия ӱренери керегинде.

[2 бӱк, јурук керегинде јетирӱлер]

Чечен адучы ла Босниядагы сӧӧк тудары: Reuters/Corbis-Bettmann