Библия — слерге ол кандый бичик?
Слер нени айдар эдер...
-
улустыҥ ойгоры бичилген бичик пе?
-
јебрен чӧрчӧктӧрдиҥ јуунтызы ба?
-
Кудайдыҥ Сӧзи бе?
АГАРУ БИЧИК НЕНИ АЙДАТ
«Ончо Чийим Кудайдыҥ Тыныла берилген» (2 Тимофейге 3:16, Јаҥы Кереес. Агару Бичик).
БУ СЛЕРГЕ КАНДЫЙ ТУЗА БЕРЕР АРГАЛУ
Јӱрӱмниҥ эҥ учурлу сурактарына јӧпсингедий чын каруулар берет (Укаа сӧстӧр 2:1—5).
Јӱрӱмге керектӱ бӱдӱмјилӱ башкару берет (Сарын 119:105).
Келер ӧйгӧ тӧзӧлгӧлӱ ижемји берет (Римдегилерге 15:4).
АГАРУ БИЧИКТИҤ АЙДЫП ТУРГАНЫНА БӰДЕРГЕ ЈАРААР БА?
Эйе, бого бӱдериниҥ кезик шылтактары:
-
Эптӱ-јӧптӱ бичилген. Агару Бичикти 1 600 јылдыҥ туркунына 40 кирези кижи бичиген. Олордыҥ кӧп сабазы бой-бойыла качан да кӧрӱшпегендер. Је ондый да болзо, бичиктиҥ бажынаҥ ала учына јетире бир ле тема ӧдӱп јат!
-
Тӱӱкилик јетирӱлердиҥ чыны. Кӧп тӱӱкичилер бойыныҥ албатызыныҥ јеҥдирткени керегинде бичибей јажыргылайт. Је Агару Бичикти бичигендер карын бойыныҥ ла албатызыныҥ јастыргандарын ачыгынча јажырбай бичигендер (2 Летопись 36:15, 16; 1 Тимофейге 1:13).
-
Судурлардыҥ алаҥзу јогы. 700 јыл кирези озо Агару Бичик келетен Мессияны Вифлеем деген кичинек калада туулар деп, судурлап айткан болгон (Михей 5:2). Иисус кайда туулган? Шак бу калада! (Матфей 2:1—6).
Мынаҥ да башка кӧп библиялык судурлар толо бӱдӱп калган. Је Кудайдыҥ Сӧзинеҥ биске мыны сакыыр керек эмес пе? (2 Петрдыҥ 1:21).
САНАНЫП КӦРӦР
Кудайдыҥ Сӧзи слердиҥ јӱрӱмерди канайып јарандырар аргалу?
Агару Бичик бу суракка карууны ИСАИЯ 48:17, 18-те ле 2 ТИМОФЕЙГЕ 3:16, 17-де берет.
Анайда ок слерге јараар болор
АГАРУ БИЧИКТИҤ ТӦС ӰРЕДӰЛЕРИ
Агару Бичик Кудайдаҥ деп, бис кайдаҥ билерис?
Агару Бичиктиҥ чӱмдеечизи Кудай болзо, ол, јерде эҥ ле кайкамчылу бичик болор учурлу.
БИСТЕР КЕРЕГИНДЕ
Агару Бичикти нениҥ учун ӱренер керек?
Агару Бичик бастыра јердиҥ ӱстинде миллион тоолу улуска јӱрӱмниҥ эҥ ле учурлу сурактарыныҥ карууларын таап аларга болужат. Слерге ол база болушсын деп кӱӱнзейдеер бе?
БИСТЕР КЕРЕГИНДЕ
Слерге јолугып ийзин деп сурагар
Слердиҥ сурактараарга Агару Бичик кандый каруу берип турганын билип алыгар эмезе Иегованыҥ Керечилери керегинде кӧптӧдӧ билип алыгар.
