“የሰማይ አምላክ ፈጽሞ የማይፈርስ . . . መንግሥት ይመሠርታል።”—ዳንኤል 2:44 አዲሱ መደበኛ ትርጉም

“ወንድ ልጅ ተሰጥቶናል፤ አለቅነትም በጫንቃው ላይ ይሆናል። . . . ለመንግሥቱ ስፋት፣ ለሰላሙም ብዛት ፍጻሜ የለውም።”—ኢሳይያስ 9:6, 7

• በጽድቅ የሚገዛው ይህ መንግሥት በግለሰብ ደረጃ ለአንተ ብዙ ጥቅሞች ያስገኝልሃል።—ኢሳይያስ 48:17, 18

• በመጪው አዲስ ዓለም ውስጥ ፍጹም ጤንነትና ደስታ ይኖርሃል።—ራእይ 21:3, 4

አዎ፣ ቢያንስ ሁለት ምክንያቶችን መጥቀስ ይቻላል፦

• ኢየሱስ የአምላክ መንግሥት ምን እንደሚያከናውን አሳይቷል። ኢየሱስ ‘መንግሥትህ ይምጣ፤ ፈቃድህ በምድር ይሁን’ ብለው እንዲጸልዩ ተከታዮቹን አስተምሯቸዋል። (ማቴዎስ 6:9, 10) እንዲሁም ኢየሱስ ይህ ጸሎት መልስ በሚያገኝበት ጊዜ የሚኖረውን ሁኔታ አሳይቷል።

  ኢየሱስ ምድር ላይ ሳለ የተራቡትን መግቧል፤ የታመሙትን ፈውሷል፤ እንዲሁም የሞቱትን አስነስቷል! (ማቴዎስ 15:29-38፤ ዮሐንስ 11:38-44) በዚህ መንገድ፣ የአምላክ መንግሥት ንጉሥ በሚሆንበት ወቅት ለተገዢዎቹ የሚያመጣቸውን ግሩም በረከቶች በትንሹም ቢሆን አሳይቶ ነበር።—ራእይ 11:15

• በዓለም ላይ የሚታዩት ሁኔታዎች የአምላክ መንግሥት የሚመጣበት ጊዜ መቅረቡን ያረጋግጣሉ። የአምላክ መንግሥት በምድር ላይ ሰላምን ከማስፈኑ በፊት ዓለማችን በጦርነት፣ በረሃብና በምድር መናወጥ እንደሚጠቃ ኢየሱስ ትንቢት ተናግሯል።—ማቴ. 24:3, 7

  በዛሬው ጊዜ እነዚህ ክስተቶች ሲፈጸሙ እየተመለከትን ነው። በመሆኑም የአምላክ መንግሥት እነዚህን ችግሮች በሙሉ የሚያስወግድበት ጊዜ መቅረቡን እርግጠኞች መሆን እንችላለን።