“Niwipaw kuʼnawa zanʉnri iʼngwi sakuku aʼkwakin reʼgukʉngwanari unaka awʉngwa ni.” (Daniel 2:44, Traducción del Nuevo Mundo).

“Iʼngwi gʉmʉsinʉ niweʼwekumaki nuga ni. Ari Sakuku nanʉngwa nari ɉumamʉri Aseʼ nʉʼkin igekwʉngwa ni.” (Isaías 9:6).

• Ema sakukuri duna name azey azey du niwingunámʉsa awkwey kʉnʉna ni (Luka 11:28).

• Ari bin zanuʼgwi kaʼgʉmʉseʼ du zákusa awʉngwa ni, ey unigeʼri niweʼmʉchuʼ nari zeyzey niweʼzari akwʉngwa ni (Revelación [Apocalipsis] 21:3, 4).

Bay mowga ɉuna sekʉnanʉn:

• Niwipawseʼ reʼgukʉngwasi chusana nikʉngwa neyka Jesuseʼ minsaʼgwi chwizʉnhaʼsa una ni. Jesu zawia nari, kaʼseʼ eyma sakuku du zákusʉn naka awʉngwásiri, Niwipaw gwamʉ ʉnkaʼsisʉkwa key Asin ʉnkʉchunkʉya ɉinari awía una ni (Mateo 6:9, 10). Awiri A, kaʼseʼ nʉnkweʼri, ayéy ʉnchona awʉngwa neykari chwizʉnhaʼsa una ni.

  Jesu kaʼseʼ nʉnkweri ikʉ mari aʼzanʉri zamʉ aʼkawagwi una, awiri aʼmʉchi aʼzʉnari du aʼkusa, awiri ikʉ wichana nenʉn chʉká aʼkusa una ni (Mateo 15:29-38; Juan 11:38-44). Ari duna neyka unika una ni, emi Niwipawseʼ sakuku kinki ʉndegowkí nukʉnge, Así winaʼzʉna igunamʉsʉngwa neyka chwizʉnhási ey niʼna ni (Revelación 11:15).

• Iwa chʉwi meʼzari kwʉn nʉkʉkwa kawari, Niwipawseʼ reʼgukʉngwasi chusanari, mʉʼchéy name izʉnʉn nuga ni. Jesu yanari, Niwipawseʼ reʼgukʉngwasi chusana kaʼseʼ du zákusʉn nakuʼ kingwiri kaʼgʉmʉseʼri mari zanamʉ, ʉnkapari awiri kaʼmʉnsa zʉn oʼ aʼzanika awʉngwa ni yana ni (Luka 21:7, 10, 11).

  Iwari ayéykʉchʉ anʉnchóri zwein nugaʼba kwʉn nukʉkwa kawa ni, ey uwáme gwʉn, Niwipawseʼ reʼgukʉngwasi chusanari bin zanuʼgwi chʉwi zanamʉri kʉchunha awʉngwa nakinno niweʼzʉna ni.