“Kaʼgʉmʉseʼ pin zʉnáy ikʉnusiseʼ gunti reʼgukʉn nuga ni.” (1 Juan 5:19, Traducción del Nuevo Mundo).

“Niwipaw zʉ gʉmʉsinʉri kaʼseʼ naka una ni, ikʉnusiseʼ unikʉn nugari kʉchunha awʉngwasi.” (1 Juan 3:8).

Eymí nari keywʉ bunigʉmʉri ʉnpesana ni niweʼzʉn awʉngwa ni (Revelación [Apocalipsis] 12:12).

Ey unigeʼri kaʼseʼ du zanika awʉngwa neykari ʉnkiwaka awkwa nʉngwa ni (1 Juan 2:17).

Bay mayʼkʉnʉ ɉuna sekʉnanʉn:

• Ikʉnusiseʼ reʼgukamʉ kʉnanʉn nugari ekʉchona awʉngwa ni. Jeuwári Ikʉnusi ingumʉ́n ikʉ kʉreʼgukuʼ nʉngwasi “kʉchunha awʉngwa ni.” Aseʼri ikʉnusiseʼ waʼmʉ isana neykari du kʉkusa awʉngwa ni, awiri eygwi neki reʼgukʉn nukuʼ nanʉngwasi ey awʉngwa yeyka ni (Hebreos 2:14, Traducción del Nuevo Mundo).

• Jesukristuri sakuku nʉngwa nari Niwipawseʼ ʉnkaʼguka una ni. Ikʉnusiri kaʼseʼ waʼmʉ sey zwein nuga ni ey uweʼki Jesuri diwʉ́n kinki neyka ni. Awi nʉnkʉri, Niwipaw yeykari Kristuseʼ pari “ikʉ nasi chʉwi aʼzari aʼzanakuʼ neykari chʉwi ʉnkʉreʼgow awʉnʉngwa ni, awiri chʉwi aʼkukumi kuké aʼzari kwʉn nugari ikwa awʉnʉngwa ni” (Salmo 72:13, 14).

• Niwipawri digasáykwa kʉnanuʼ neyka ni. Bibriaseʼ yeykari “Niwipawri ingʉ́ kineki digasáykwa kʉnanuʼ neyka ni” (Hebreos 6:18). Ey uwame, Jeuwáseʼ eymí awʉn nʉngwa ni yeykari, ayéy anʉnchunha unasʉn taʼ neyka ni (Isaías 55:10, 11). Aseʼ yá una neykari “sakuku kaʼgʉmʉseʼ zanʉnri anawite awʉn nʉngwa ni” (Juan 12:31).