‘Kom tati Wirikonkülelu Chaw Ngünechen tañi adkünol ka tañi piel’ (2 Timotew 3:⁠16, Ngünechen ñi Küme Dungu.)

Tati Biblia eluneymu müna küme kimün tami mongen mu (Proverbios 2:⁠1-5).

Niymi manelbalchi ngülam tami kümelkalel bill antü (Salmo 119:⁠105).

Nieymi rüb maneluwün tati küpalechi antü mu (Romanu 15:⁠4).

May, peabiyiñ küla dungu müten:

• Epu rume dungun ngelay. Ta Biblia wirintukungepelay kiñe warangka kayu pataka (1.600) tripantu mu, ka meli mari wentru wirintukupelayngün. Kiñeke tübachi wentru kimuwlabüyngün, welu tati Biblia epu rume dungun ngelay ka wenupürami Chaw Dio tañi üy ka chumngechi ñi Ngüneneel.

• Rüb piwke mu wirintukuyngün. Tati pu wirintukulu tati Biblia ellkalayngün kidu tañi weyake bemün, ka tañi pu che tañi weyake bemün (2 Crónicas 36:⁠15, 16; Salmo 51:⁠1-4). Welu tati pu wirintukulu kakelu libru, ellkaki tañi pu che ñi wewngen engün.

• Tañi pu pelon dungu mupiltripaki. Tati Biblia eypikünuy petu mülenolu mapu mu, Kristo doy relge pataka tripantu mu, ta llegalu Belen pichi wariba mülelu Juda pingekebüchi mapu mu (Miqueas 5:⁠2). Beymu, ¿chew llegi Jesu? ¡Beychi wariba mu! (Matew 2:⁠1-6).

  Kakelu pelon dungu mülelu Biblia mu mupiltripaki, kom tañi eypin mu. Beymu Chaw Dio tañi küme Ngütram mu maneluwküleabüiñ (2 Pedro 1:⁠21).