Fentren che feyentuquei ti Chau, ti Fotüm, ca ti espíritu santo quiñe Dios ngei müten; Trinidad pingei tüfachi feyentun. Tüfa tati doi falin quimeltun ñi nieel pu cristiano piqueingün. Huelu ti sacerdote John O’Connor feipi: “Rume cüdaungei ñi quimngeal tati Trinidad” pi. ¿Chumngelu rume cüdaungei ñi loncontucungeal ti Trinidad?

Quiñe falin lifru feipi: “Biblia mu tripalai tati Trinidad” (Diccionario crítico de Teología, ediciones Akal). Feimu feichi pu che ayünielu ñi quimeltungeal ti Trinidad, quintucaingün chem versiculo Biblia mu tañi quelluaeteu, huelucünufile rume ti versiculo.

Huesa pünengequei chem ñi feipin Juan 1:1. Tati Biblia Reina Valera feipi: “En el principio era el Verbo, y el Verbo era con Dios [griego quehun mu feipi: ton theón], y el Verbo era Dios [griego quehun, theós]. Ñi feipial “Dios” tüfachi versiculo mu, griego quehun feipilei epu palabra. Ti hunen rupa feipilu “Dios”, mülei ti palabra theón, huelu hune mülei ti palabra ton. Feimu, quimnieiñ tüfachi Dios, fei ta Chau Ngünechen. Huelu ti epungechi rupa feipilu Dios, re mülei ti palabra theós. ¿Chumngelu? Inaduamaiñ.

Hunen dungu: ti lifru Juan huirintucungei ti griego koiné pingechi quehun. Ngüneduamfali chumngechi huirintucungei tüfachi quehun. Ngüneduamaiñ ñi chem pin quiñe quim huentru adümfilu Biblia ñi dungu, Archibald Thomas Robertson pingelu. Fei nütramcai chem ñi feipin griego quehun Mateo 13:38. Feipi: “Fei tati lelfün tüfachi mapu”, feipilu “lelfün” griego quehun feipi ho agrós, ca feipilu “mapu” griego quehun feipi ho kósmos. Chumngechi huirintucungequefui ti griego koiné pingechi quehun, raquiduameleiñmeu ñi trürngen ti mapu ca ti lelfün tüfachi versiculo mu. Tüfachi dungu fillque rupa feipingei griego quehun mu.

¿Ca femngechi rupai mai ti texto Juan 1:1 mu? Ti quim huentru James Allen Hewett feipi: Juan 1:1 feipilu “El Verbo era Dios”, griego quehun feipilai ñi trürngen Jesús engu Chau Dios.

Ñi doi cüme quimfalcünual tüfachi dungu, tüfachi quim huentru nütramcai ñi feipin 1 Juan 1:5. Tüfa feipilei “Ngünechen ta pelon”. Ñi feipial “Ngünechen” griego quehun feipilei ho theós, ñi feipial “pelon” re feipilei fos. ¿Chem pengeli tüfa? Ti quim huentru feipi: “Ngünechen ta pelon feipingeafui, huelu turpu feipingelayafui pelon fei ta Ngünechen. Ca femngechi rupai Juan 4:24 mu. Feipi: “Chau Ngünechen quiñe püllü tati”. Griego quehun mu feipingeafui Ngünechen püllüngei, huelu feipingelayafui ti püllü Ngünechen ngei. Cafei 1 Juan 4:16 feipilei: “Chau Ngünechen fei ta piuqueyen”. Tüfa mu feipingeafui Ngünechen piuqueyen-ngei, huelu feipingelayafui ti piuqueyen fei ta Ngünechen ngei.

Fentren che adümquefilu ti griego quehun ca pu rulpadunguquelu Biblia feipingün Juan 1:1 pengelquelai ñi ineingen tati Verbo. Doi mai cüpa pengeli quiñe tañi chumngen. Ti quim huentru William Barclay feipi: “Juan feipilai Jesús, fei ta Chau Ngünechen ngei. Doi mai, Jesús trürümfali Ngünechen meu”. Cafei quiñe huentru adümquefilu religion dungu, Jason David BeDuhn pingelu, feipi: “Juan 1:1 griego quehun mu, quisulei ti palabra theós, feimu cüpa feipi quiñe dios. Huelu ti palabra griega ho theós cüpa feipi Chau Dios. Juan 1:1 quimfalcünui, tati Verbo fei ta quiñe dios püllüngelu, huelu ti Ngünechen com pepiluhun nielu no tati”. Ca femngechi feipi Juan Mateo ca Juan Barreto, trür huirintucuingu quiñe lifru, Juan. Texto y Comentario pingelu. Feipi engu: “Juan 1:1,2 epu rupa feipi Ngünechen, quiñe rupa müten feipi quiñe dios”. Cangelu catolico quim huentru Max Zerwick feipi: “Tati Verbo püllüngerquei, Chau Ngünechen mu cüpai”. Ca femngechi feipilei ti lifru Clave Lingüística del Nuevo Testamento Griego pingelu.

Feimu, ¿turpu quimngelayafui cai ñi ineingen ta Chau Ngünechen? Femngechi raquiduamquelafui Jesús. Llellipun mu cüme quimfalcünui ñi trürngenon tañi Chau mu. Fei feipi: “Fei tüfa lle tati rumel mongen: tami quimngeal eimi, tami quiñen rüfngechi Ngünechen ngen ca Jesucristo, eimi tami huercüelchi fotüm” (Juan 17:3). Tüfachi dungu adümfali. Loncontucufiliyiñ, yamnieafiyiñ ta Jesús, Chau Ngünechen ñi Fotüm. Ca püramyeafiyiñ taiñ quiñen rüfngechi Ngünechen, taiñ Chau Jehová.