¿Chem am chi Chau Ngünechen ñi Ngünenien?
¿Chem piafuimi eimi...
-
... quiñe dungu taiñ piuque mu mülelu?
-
... quiñe mülehue huenu mapu meu?
-
... cam huenu mapu mu ngünenielu?
BIBLIA ÑI FEIPILEN
“Ngünechen huenu mapu mülelu elcünuai quiñe ngünenien, chumcaunorume apümcangelayai” (Daniel 2:44).
“Quiñe fotüm elungeiñ; ca elfalcünungei lonco ülmencüleal” (Isaías 9:6, Traducción del Nuevo Mundo).
CHUMNGECHI CÜMELCAYAFEIMU
-
Tüfachi Ngünenien norngei, ca pepi cümelcayaimu (Isaías 48:17, 18).
-
Pürüm ayühunquechi mongeleaimi, ca cutranlayaimi rume quiñe hue Mapu ñi mületual (Apocalipsis 21:3, 4).
¿RÜF FEYENTUPEAFUIÑ MAI CHEM PIN TA BIBLIA?
Mai, mülei epu dungu:
-
Jesús pengeli chem dungu huechurpuai Chau Ngünechen ñi Ngünenien. Quisu quimeltufi tañi pu inanieteu ñi ngillatual engün tañi cüpayal Chau Ngünechen ñi Ngünenien, ca femngeal tañi ayüqueelchi dungu Mapu meu (Mateo 6:9, 10). Ca pengeli chumngechi feleai tüfachi dungu ñi ngillatungequeel.
Mülepalu Mapu mu, Jesús ilelfi pu ngüñülelu, tremolfi pu cutran, ca huiñomongeltufi cütu quiñeque layelu (Mateo 15:29-38; Juan 11:38-44). Jesús pengeli chem afmatufalchi dungu ñi femal tati pu che ñi duam mu Chau Ngünechen ñi Ngünenien meu, quisu am Lonco Ülmencülealu (Apocalipsis 11:15).
-
Com dungu rupamequelu tüfachi Mapu mu, pengeli ñi fülcülepan Chau Ngünechen ñi Ngünenien. Jesús feipicünui, petu cüpalnole tüngün Chau Ngünechen ñi Ngünenien, tüfachi Mapu apoleai hueichan dungu mu, ngüñün ca nüyün (Mateo 24:3, 7).
Famülque meu rupamequei com tüfachi huesaque dungu. Feimu maneluucüleiñ Chau Ngünechen ñi Ngünenien mu ñi pürüm apümal com tüfachi huesaque dungu.
RAMTUUNGE
Chau Ngünechen ngünenietule ti Mapu, ¿chumletuai ti mongen?
Peaimi huiñoldungun Biblia meu SALMO 37:29 ca ISAÍAS 65:21-23.
Eimi ca ayüafuimi
FALINQUE QUIMELTUN BIBLIA MU TRIPALU
¿Chem am ta Chau Dios ñi Reino?
Amuldungumequelu, Jesús doi quimeltui Chau Dios ñi Reino. Fentren tripantu mu, pu che llellipuquei ñi cüpayal tüfachi Reino.
TI HUERQUEN
Ngünenietule Chau Dios, ¿chem femürpuai?
Jesús quimniefui Chau Dios müten ngünenietule ti mapu, cüme elcünutuafi com ti huesaque dungu. ¿Chumngelu maneluhuafuiñ tüfachi dungu mu?
IÑCHIÑ TAIÑ DUNGU
¿Chumngelu am mülei tami chillcatual ta Biblia?
Biblia quelluquefi pu che ñi quimal falinque ramtun mongen mu, ¿ayüafuimi tami quimafiel?
