•  Qalltañatak mä qhawqha arunaka 2

•  Biblian suma yatichäwinakapa 3-5

  •  Discurso 3

  •  Suma yatichäwinak Bibliat thaqapjjañäni 4

  •  Biblia liyiñataki 5

•  Sum yatichañatak ch’amachasiñäni 6-14

  •  Kunjamsa parlañ qalltasma 7

  •  Revisitanak luram 8

  •  Jesusan discipulopäpjjañapatak yanaptʼam 9

  •  Kunanakarutï creykta uk qhanañchtʼam 10

  •  Discurso 11

  •  Kuna toqets parlasma 12

  •  Kunayman toqet jaqenakar predicaña 13

  •  Videonakampi Bibliat apst’at qellqatanakamp predicaña 14

•  Cristianjam jakañataki 15, 16

  •  Congregacionan Bibliat yatjjatañataki 16

•  Tukuyañatak mä qhawqha arunaka 17

•  Ch’amañcht’kir arunakampi ewjjt’anakampi 18

•  Tiempo 19

•  Superintendente de circuito jilatan visitapa 20

•  Asamblea apaskani uka semana 21

•  Jesusan jiwatap amtañataki tantachäwejj apaskani uka semana 22

•  Cristianjam jakañataki ukat yatiyañataki tantachäwi p’eqt’ir jilata 23

•  Cristianjam jakañataki ukat yatiyañataki tantachäwi sarayir jilata 24

•  Ewjjt’ir jilata (consejero auxiliar) 25

•  Payïri jan ukajj kimsïr sala 26

•  Videonaka 27

1. Aka documentojja taqe khitinakatï Cristianjam Jakañataki ukat Yatiyañataki tantachäwin participapki uka jilat kullakanakatak instruccionanakaniwa. Khitinakatï partenïpki uka jilat kullakanakajj janïr asignacionap wakichkasajja, Cristianjam Jakañataki ukat Yatiyañataki: Tantachäwin yatjjatañataki sat qellqatan uñstki uka instruccionanaka repast’apjjañaparaki. Taqpach publicadoranakaruw participapjjañapatak chʼamañchtʼasiñapa. Tantachäwinakar jan faltasis sarir Bibliat yateqerinakas partenïpjjarakispawa, jupanakajj kunanaktï Bibliajj yatichki ukanakarojj taqe chuymaw confiyapjjañapa, ukarjam sarnaqañatakiw chʼamachasipjjañaparaki. Maynitï janïra publicadoräkasin uka tantachäwin participañatak qellqayasiñ munchi ukhajja, Cristianjam Jakañataki ukat Yatiyañataki Tantachäwi pʼeqtʼir jilataw requisitonak phoqeti janicha uk jupampi uñakipt’ani, ukatjja mayitanak phoqeti janicha ukwa yatiyjjani. Bibliat yateqirimp requisitonak uñakipt’kasajja, yatichiripaw ukankañaparaki (jan ukajj creyente awk taykapat mayniw ukankarakispa). Requisitonakajj jan bautisat publicadoräñatak utjki uka pachparakiwa (od cap. 8 párr. 8).

2. Mä minuto. Qalltañatak cancionajj cantaskani, oracionas lurasjjani uka qhepatjja, Cristianjam Jakañataki ukat Yatiyañataki tantachäw sarayir jilataw kunanakatsa yatjjatasiskani ukanak wal yateqañ munapjjañapataki mä qhawqha arunakampi qhanañchtʼani. Kunanakas congregacionarojj jukʼamp yanaptʼaspa ukanakwa qhanañchtʼarakini.

 3. Discurso (10 minutonaka). Tantachäwin Yatjjatañataki sat qellqatanwa titulosa ukat paya jan ukajj kimsa wakiskir puntonakas uñstaraki. Mä anciano jan ukajj wakichtʼata mä siervo ministerialaw uka arstʼäwi arstʼañapa. Bibliankir mä machaq librot yatjjatañ qalltaskani ukhajja, uka librot parlir mä videow uñtayasini. Arst’irejja videon mä qhawqha puntonakapampiw discurson temap arstʼarakispa. Ukampis Tantachäwin Yatjjatañataki sat qellqatan waktʼayatäki uka yatichäwinakwa jukʼamp qhanstayañapa. Discursotak wakichtʼatäki uka dibujonakajj sum qhanañcht’añatak wakicht’atawa, tiempo utjaskani ukajj juk’amp sumwa qhanañcht’asiñapa. Discursor yanaptʼiri yaqha informacionatsa arstʼasirakispawa, ukampis kuna toqettï uka discursojj parlki ukar yanapt’añapawa.

 4. Suma yatichäwinak Bibliat thaqapjjañäni (10 minutonaka). Aka cheqanjja jisktʼanakaruw qhanañchasiñapa. Janiw qalltañatakisa ni tukuyañatakis mä qhawqha arunakajj arsusiñapäkiti. Ukjja mä ancianow jan ukajj wakichtʼata mä siervo ministerialaw sarayañapa. Jilatajja paypach jisktʼanakwa tantachasirinakar jisktʼañapa. Utjki uka versiculonakajj liytʼasiniti janicha uksa, jupaw amtjjañapa. Tantachasirinakajj 30 segundonakana jan ukajj minusanwa arstʼapjjañapa.

 5. Biblia liyiñataki (4 minutonaka). Yateqerinakat mä jilataw aka asignación liyt’ani. Jupajj Bibliat liytʼañ qalltañatakisa tukuyañatakisa janiw kuns sañapäkiti. Tantachäw sarayiri jilataw yateqerirojj sum liytʼañapatakisa, jan pantjasis liyt’añapatakisa, kunjamtï parlaski ukham liytʼañapatakisa, jan mä igualak liyt’añapatakisa, kawkjarutï saytʼañapäki ukjar pausanak lurañapatakisa, wakiskir puntonak qhanstayañapatakisa yanapt’ani. Awisajja Biblia liyiñajj wali jachʼäspawa, ukhamasti Cristianjam Jakañataki ukat Yatiyañataki tantachäwi pʼeqtʼir jilatajja qhawqsa mä jilatajj liytʼaspa ukarjamaw asignañapa.

6. Tunka phesqan minutonaka. Aka seccionajja, Diosan arunakap jukʼamp sum predicañ yateqañatakiw yanapt’istani, jaqenakamp sum parlt’añatakisa, sum predicañatakisa, sum yatichañatakisa yanapt’arakistaniwa. Wakisinejja anciononakas partenïpjjarakispawa. Yateqerejj Tantachäwin Yatjjatañataki sat qellqatan paréntesis taypin Sum yatichañataki ukat Jaqenakar munasiña sat folletonakan kawkïr leccionapat apst’atasa ukaw uñsti, ukarjamaw wakicht’asiñapa. Yaqhep semananakanjja tantachasirinakaruw jisktʼasirakini, mä anciano jan ukajj wakichtʼata mä siervo ministerialaw uk sarayañapa (kunjamsa tantachasirinakar jisktʼañapa uk yatiñatakejja  párrafo 15 uñjjatt’am).

 7. Kunjamsa parlañ qalltasma. Mä jilata jan ukajj mä kullakaw yateqerinakatak aka asignación wakicht’asiñapa. Mä jilatächejja yanapiripajj jilatäñaparakiwa, kullakächi ukhasti kullakäñaparakiwa, jan ukajj mä familiarapas yanapt’arakispawa. Panpachanejj qont’atäpjjaspawa jan ukasti sayt’atäpjjarakispawa. (Kuna toqets parlasma ukatakisa ukat kunayman toqet jaqenakar predicañat juk’amppach yatiñatakisa,  párrafos 12,  13 uñjjatt’am).

 8. Revisitanak luram. Mä jilata jan ukajj mä kullakaw yateqerinakatak aka asignación wakicht’asiñapa. Mä jilatächejja yanapiripajj jilatäñaparakiwa, kullakächi ukhasti kullakäñaparakiwa (km-S 5/97 pág. 2). Panpachanejj qont’atäpjjaspawa jan ukasti sayt’atäpjjarakispawa. Yateqerejj qalltan kawkïri jaqerutï parlkäna ukar revisitañatakejj kamsanisa ukwa qhañacht’ayañapa. (Kuna toqets parlasma ukatakisa ukat kunayman toqet jaqenakar predicañat juk’amppach yatiñatakisa,  párrafos 12,  13 uñjjatt’am).

 9. Jesusan discipulopäpjjañapatak yanaptʼam. Mä jilata jan ukajj mä kullakaw yateqerinakatak aka asignación wakicht’asiñapa. Mä jilatächejja yanapiripajj jilatäñaparakiwa, kullakächi ukhasti kullakäñaparakiwa (km 5/97 pág. 2). Panpachanejj qont’atäpjjaspawa jan ukasti sayt’atäpjjarakispawa. Aka asignacionajja, yateqerimpi Bibliat yateqasktan ukan mä jisk’a partekiwa, janiw qalltañatakisa ni tukuyañatakis mä qhawqha arunak arsuñajj wakiskiti, ukampis ukanakan mejorañatak ch’amachasiskchi ukhakiw ukham lurañapa. Janirakiw taqpach parrafonak liytʼañapajj wakiskiti, liyt’añ munasajj liyt’askarakispawa.

 10. Kunanakarutï creykta uk qhanañchtʼam. Mä discursöchi ukhajja, mä jilataw yateqerinakatak aka asignación arst’añapa. Mä demostracionächi ukhasti, yateqir mä jilataru jan ukajj yateqir mä kullakaruw aka asignación churasiñapa. Mä jilatächejja yanapiripajj jilatäñaparakiwa, kullakächi ukhasti kullakäñaparakiwa, jan ukajj mä familiarapas yanapt’arakispawa. Yateqerejja suma arunakamp parltʼasa ukhamarak wali qhanwa titulon uñstki uka jiskt’ar jaysañapa, referencian uñstki ukampi yanapt’ayasisa. Yateqerejja referencian uñstki ukajj kawkïri publicacionatas uk sarakispawa, jan siskani ukhas walikïskarakiniwa.

 11. Discurso. Mä jilataw yateqerinakatak aka asignación arst’añapa, mä discursjamaw arst’asiñapa. Jaqenakar munasiña sat folletot apéndice A ukat apst’atächi ukhajja, yatiyir sarkasajj kunjamsa uka versiculonakampi yatiysna ukwa qhanstayañapa. Amuyt’añataki, mä versiculojj kamsañs muni, kunapachas uk liyt’sna jan ukajj kunjamsa uka versiculompi maynir amuyt’aysna ukwa qhanañcht’añapa. Kunapachatï folleton mä yatichäwipat (leccionapat) apst’atäni ukhajja, kunjamsa yatiykasajj ukarjam luraspa ukwa qhanañcht’añapa. Yanapt’irjamäni ukhajja 1 yatichäwin uñstki uka ejemplot qhanstayaspa, jan ukasti uka yatichäwin uñstir yaqha versiculonakat qhanstayarakispa.

   12. Kuna toqets parlasma. Aka parrafon instruccionanakapasa párrafo 13 ukan uñstki uka instruccionanakasa “Kunjamsa parlañ qalltasma” ukat “Revisitanak luram” sat asignacionanakatwa parli. Yateqerejja Biblian mä yatichäwipatwa utanimp parlt’añapa, ukajja fácil amuykaña, jaqer yanapt’iri ukhamäñapawa, ukhamat jutïr urunakans jupampi parlt’askakiñataki, janitï ukham lurañapäkani ukhajja qhanañchasirakiniwa. Yateqeriw jaqenakar yanapt’iri ukhamarak wakiskiri mä toqet parlañ ajlliñapa. Bibliat apst’at mä qellqatampi yatiyañasa jan ukajj kit de enseñanza ukankir mä video uñtayañasa jupatäjjewa. P’eqer yatsuta demostración uñacht’ayañat sipansa, jaqenakamp wali sum parlt’añatakiw yateqañapa, sañäni, kunjamtï parlasktan ukham parltʼañataki, taqe chuyma mayninakat llakisisa parlt’añataki.

   13. Kunayman toqet jaqenakar predicaña. Yateqeriw kawki cheqantï jakaski uka cheqanakatakjamati janicha uk aka kimsa puntonakarjam lurañataki amuykipt’añapa. Sañäni:

1.  1) Utat uta predicaña. Aka demostracionajja jaqenakaru utanakapan predicañawa (jaqenakamp parlt’asa, teléfono toqe jan ukajj carta qellqasa).

2.  2) Taqe cheqanakan predicaña. Aka demostracionajja sapüru luräwinakasan kawki cheqankkasas kunjamatsa jaqenakar predicsna ukanakawa. Sañäni, trabajonkkasajj Bibliankir mä textomp parlt’aña, colegion parlt’aña, jakaskta uka cheqanakanakan parlt’aña, autot sarkas parlt’aña, yaqhanakampi.

3.  3) Walja jaqenakajj utjki uka cheqanakan predicaña. Aka demostracionajja, carritomp predicaña, negocionakana, callenakana, parquenakana ukat autonakajj sayki uka lugaranakan predicañawa, jan ukajj kawkjantï jaqenakajj wal utjki uka cheqanakan predicañawa.

 14. Videonakampi Bibliat apst’at qellqatanakampi. Wakisirjamäni ukhajj yateqeriwa mä video jan ukajj mä qellqat uñacht’ayaniti janicha uk amtjjañapa. Mä asignacionataki mä videojj utjchi ukhajja, janiw uñtayasiñapäkiti, ukampis video presentasajj yatjjatasiñaparakiwa.

15. Aka seccionajj mä cancionampiw qallti. Maya jan ukajj pä asignacionanakaw 15 minutonakan utjani, ukanakajj kunjamsa Diosan Aruparjam sarnaqsna uk amuyañatakiw jilat kullakanakar yanaptʼani. Mä anciano jan ukajj wakichtʼata mä siervo ministerialaw uka partenak arstʼañapa, janitï ukham lurasiñapäkani ukhajja, qhanañchasirakiniwa. Mä ancianopuniw “Congregacionataki ewjjtʼanaka” siski uk arst’añapa. Kunapachatï tantachasirinakaruw jisktʼäta siski ukajj utjani ukhajja, asignatäki uka jilatajj tantachasirinakaruw jiskt’añapa, yaqha jiskt’anaks jiskt’araskispawa. Wakiskir puntonak yatjjatañatakisa tantachasirinakan arst’anipjjañapatakisa, juk’a arunakampikiw qalltañapa. Mä entrevista utjanejja, jilatas jan ukajj kullakasa, puederjamäni ukhajj plataformanwa arst’añapa, janiw asientopat arst’añapäkiti.

   16. Congregacionan Bibliat yatjjatañataki (30 minutos). Suma wakichtʼata mä ancianow uk sarayañapa. (Mä congregacionantï ancianonakajj jukʼanikïpjjchi ukhajja, wakichtʼata siervo ministerialanakaw sarayapjjarakispa). Cuerpo de ancianos ukankir jilatanakaw khitinakas aka cheq sarayapjjaspa uk amtapjjañapa. Sarayapkani uka jilatanakajja, tiempoparuw tukuyapjjañapa, liytʼañatak utjki uk textonaksa sum qhanañchtʼapjjañapawa, kuntï yateqktan ukajj kunjamsa jakäwisan yanaptʼistaspa uksa qhanstayapjjañaparakiwa. Ukham lurañatakejja, kunjamsa jisktʼanakampi jaysäwinakampi partenak sarayapjjañapa ukanak respast’añaw uka jilatanakar yanapt’ani (w23.04 pág. 24, recuadro). Yatjjatasiñapäki ukajj phoqatpach sum yatjjatasjjchi ukhajj tukuyasjjaspawa, janiw 30 minutonakar phoqachañajj wakiskapuniti. Puedischi ukhajja, sapa semanajj yaqh yaqha jilatanakaw aka parte sarayapjjañapa, liytʼirinakas yaqh yaqhäpjjañaparakiwa. Cristianjam Jakañataki ukat Yatiyañataki tantachäwi sarayiri jilatatï janïr horasäkipan tukuyasiñap mayini ukhajja, aka parte sarayir jilataw kunjamsa jankʼak tukuyani uk amuyjjañapa. Taqpach parrafonak liytʼayañat sipansa, mä qhawqha parrafonakakwa liytʼayaspa.

17. Kimsa minutonaka. Tantachäwi sarayir jilataw kunanakattï yateqasiwayki uka yanaptʼkiri puntonak repast’ani. Ukatjja jutïr semanajj kunanakatsa yatjjatasini ukanak mä qhawqha arunakampiw qhanañchañaparaki. Tiempo utjaskani ukhajja, kawkïr jilat kullakanakas jutïr tantachäwin asignacionanïpjjani ukanakan sutinakapwa yatiyaspa. Tantachäwi sarayir jilatarakiw yatiyäwinaksa, cartanak liytʼañatak utjkani ukanaksa liytʼani, yaqha jilatatï ukanak yatiyani jan ukajj liytʼani ukhajja yatiyasiniwa. Predicacionajj kuna horasarünisa, kawkïr grupos Salón qʼomachani ukajja, janiw plataformat yatiyaskaniti, jan ukasti tableron apkatatäniwa. Anuncionak yatiyañatakisa jan ukajj cartanak liytʼañatakis tiempo jan utjirjamäkani ukhajja, tantachäwi sarayir jilataw “Cristianjam jakañataki” sat seccionan arstʼir jilatanakaru arstʼäwinakap janïr horasäkipan tukuyapjjañapatak mayini ( párrafos 16 ,  19 uñjjattʼam). Tantachäwejja, mä cancionampi ukat mä oracionampiw tukuyasiñapa.

18. Yateqerinakataki sapa asignación tukuyarojja, niya mä minutonwa tantachäwi sarayir jilatajj yateqer jilatarusa kullakarus chʼamañchtʼañapa, asignatäki uka leccionarjamaw ewjjtʼañapa. Mä yateqerir janïr presentkasajja, tantachäwi sarayir jilatajj janiw kuna leccionarjamas yateqerejj wakicht’asiniwayi uk sañapäkiti. Arstʼañ tukuyjjani ukhaw jilatajj uk saspa. Felicittʼasajja, kunatsa arstʼäwipajj sumäna jan ukajj kunatsa jukʼamp chʼamachasiñapajj wakisispa ukat kunjamsa uk lurarakispa ukwa mä qhawqha arunakamp ewjjt’aspa. Ukatjja, kunanaktï demostracionan lurkäna ukajj kunjamsa yateqerirusa istʼirinakarus yanaptʼaspa ukwa tantachäwi sarayir jilatajj sarakispa. Wakischi ukhajja, tantachäw tukuyjjani jan ukajj yaqha horasanwa tantachäwi sarayir jilatajj asignacionanïkäna uka jilatampi jan ukajj kullakamp parlaspa, ukhamat kuna leccionarjamatï chʼamachaskäna uka toqeta jan ukajj yaqha toqenakat Jaqenakar munasiña ukat Sum yatichañataki sat folletonakarjama jan ukajj Benefíciese librorjam ewjjtʼañaparaki. (Cristianjam Jakañataki ukat Yatiyañataki tantachäwi sarayir jilatasa ewjjtʼir jilatas (consejero auxiliar) kuna lurañanakanïpjjesa uka toqet jukʼamp yatiñatakejja, párrafos  párrafos 19,  24,  ukat 25 uñjjattʼam).

19. Taqpach arstʼäwinakaw tiempopar tukuyasiñapa (tantachäwi sarayir jilatas janiw jay parlañapäkiti). Tantachäwin Yatjjatañataki sat qellqatan sapa asignacionajj qhawqha tiempöñapasa ukajj qhanäkchisa, yatjjatasiñapäki ukajj phoqatpach qhanañchasjjchi ukhajja, asignatäki uka tiempor phoqachañatak yaqhamp yapt’añajj janiw wakiskiti. Tantachäwi sarayir jilatampi ewjjt’ir jilatampiw khitinakatï partepan tiempot pasjasipjje ukanakar saparuki ewt’apjjani ( párrafos 24,  25 uñjjatt’am). Tantachäwejj qalltat tukuykamajja, 1 hora 45 minutonakanwa tukuyasiñapa.

20. Superintendente de circuito jilatajj congregacionar visitkani uka semanajja, Tantachäwin Yatjjatañataki sat qellqatan utjki uka programajj mä jukʼa mayjtʼayasiniwa. “Congregacionan Bibliat yatjjatañataki” siski uka lantejja, circuito jilataw 30 minutonakan mä discurso arstʼani. Janïr arstʼkipanjja, tantachäwi sarayir jilatajj kunanakas tantachäwin yatjjatasiwayi, jutïr semanajj kunanakatsa yatjjatasini ukanakwa mä qhawqha arunakamp qhanañchani, anuncionaksa cartanaksa liytʼarakini. Ukjjarusti circuito jilataruw discurso arst’añapatak invittʼani. Discurso tukuyasajja, circuito jilataw jupan ajllita mä cancionamp tukuyani, ukat mä jilataruw oracionamp tukuyañapatak invittʼarakini. Uka semanajja, janiw payïr salan asignacionanakajj utjkaniti. Ukampis yaqha aru parliri mä grupotï congregacionan utjchejja, jupanakajj payïr salan tantachäwip apasipkakispawa. Ukampis congregacionamp chikaw circuito jilatan discursop istʼapjjañapa.

21. Asambleajj apaskani uka semanajja, janiw congregacionan tantachäwejj apaskaniti. Kunatï uka semanan yatjjatasiñapäkäna ukanak familiapampi jan ukajj sapaki yatjjatapjjañapatakiw congregacionar amtayasiñapa.

22. Jesusan jiwatap amtañataki tantachäwitï lunesat vierneskam waktʼani ukhajja, Cristianjam Jakañataki ukat Yatiyañataki tantachäwejj janiw apaskaniti.

23. Jupajja cuerpo de ancianos ukankir jilatanakampi ajllit ancianowa. Kunjamsa tantachäwejj apasiski, instruccionanakarjamat lurasiski janicha ukanakwa jupajj sum organizt’añapa. Ewjjt’ir jilatampejj parlt’asiñapapuniwa. Tantachäwin Yatjjatañataki sat machaq qellqatajj utj-jjani ukhajja, Cristianjam Jakañataki ukat Yatiyañataki Tantachäwi pʼeqtʼir jilataw taqpach asignacionanak pä phajjspachataki jankʼaki asignañapa. Akanakwa asignañapa: yateqerinakataki asignacionanaka, ancianonakataki siervonakataki arst’äwinaka ukat tantachäwi sarayirinaka, aka qhep qhepa pani asignacionanakatakejja cuerpo de ancianos ukankir jilatanakampi aprobat jilatanakaruw asignaciñapa ( párrafos 3-16 ukat  24 uñjjatt’am). Partenak asignasajja (yateqerinakatakïpansa janisa) jilat kullanakanakan edadapa, experienciapa ukatjja asignacionapat wali qhana chuymamp parlt’aspati janicha taqe ukanakwa amuykipt’añapa. Kimsa semana faltkipanwa taqpach asignacionajj churasjjañapa. Yateqerinakataki asignacionanakajj Asignación para la reunión Vida y Ministerio Cristianos (S-89) uka formularioruw churasiñapa. Taqpach asignacionanak tableror uchasiñapatakiw jupajj uñjañaparaki. Cuerpo de ancianos ukankir jilatanakaw kawkïr ancianos jan ukajj siervo ministerialas jupar yanapt’ani uk amtjjani. Ukampis ancianonakakiw jan yateqerinakatakïki uka partenak asignapjjaspa.

24. Mä ancianow Cristianjam Jakañataki ukat Yatiyañataki tantachäwi sarayani. (Mä congregacionantï ancianonakajj jukʼanikïpjjchi ukhajja, wakichtʼata siervo ministerialanakaw sarayapjjarakispa). Uka jilataw tantachäw mä qhawqha arunakamp qalltañapa tukuyañaparaki. Uka jilatarakiw sapa arstʼirirus plataformar invittʼañapa. Congregacionan ancianonakajj jukʼanikïpjjchi ukhajja, tantachäwi sarayir jilatajj mä qhawqha asignacionanak arstʼarakispawa, jukʼampis video uñtayañajj utjki ukhaw uk luraspa. Jilat kullakanakar plataformar makatañapatak invitkasajja, janiw jay parlañapäkiti. Cuerpo de ancianos ukankir jilatanakaw khitinakas ancianonakat tantachäwi sarayapjjaspa uk amtjjañapa. Uka jilatanakajja tantachäwi sarayañatakejj turnasipjjañapawa. Inas Cristianjam Jakañataki ukat Yatiyañataki tantachäwi pʼeqtʼir jilatarojj tantachäwi sarayañapajj jilpach waktʼchini, mayni wakicht’at ancianonakat sipansa. Mä ancianotï Congregacionan Bibliat yatjjatañataki tantachäwi saraychi ukhajja, Cristianjam Jakañataki ukat Yatiyañataki tantachäwjja sarayarakispawa. Ukampis tantachäwi sarayir jilatajja, arstʼapkani uka jilat kullakanakar mejorapjjañapatak yanapt’iri munasiñamp ewjjt’iri chʼamañchtʼiri ukhamäñapawa. Horasapar tantachäwi tukuyasiñapatakisa jupaw responsablejja ( párrafos 17,  19 uñjjatt’am). Tiempo jan ina chʼusar aptʼañatakejja, plataforman campojj utjaskchi ukat ukajj sarayir jilatatak walikïchi ukhajja, mä microfonow tantachäwi sarayir jilatatakejj uskusispa, ukhamat arstʼirinakar jawskattʼañkamajj asignacionanïpki ukanakajj plataformar makatapjjañapataki. Jan ukajj Bibliat liytʼasiskani ukhasa, “Sum yatichañatak chʼamachasiñäni” siski uka arstʼäwinakansa, plataforman mä mesa jakʼanwa jilatajj qontʼasirakispa.

25. Utjani ukhajja, suma arstʼiri mä ancianoruw ajllisiñapa. Jupaw wakiskani ukhajja, Cristianjam Jakañataki ukat Yatiyañataki tantachäwin arstʼapkani uka ancianonakarusa siervo ministerialanakarusa, ukhamarak congregacionan taqenitak arstʼäwi arstʼapkani ukanakarusa, Yatiyañataki revista sarayir jilatarusa, Congregacionan Bibliat yatjjatañataki sarayir jilatarusa, liytʼirinakarusa suma arunakampi sapaparuki ewjjtʼani ( párrafo 19 uñjjatt’am). Ukampis janiw arstʼir jilatanakarojj sapa kuti arstʼapkani ukapach ewjjtʼañapajj wakiskapuniti. Congregacionantï suma arstʼiri ukat wakichtʼat ancianonakajj waljanïpjjchi ukhajja, sapa maraw yaqha ancianor ewjjtʼir jilatäñapatak ajllisispa.

26. Qhawqha yateqeri jilat kullakanakas utji ukarjamaw payïr salan arstʼäwinakajj utjaniti janicha ukajj amtasiñapa. Ukanjja, mä anciano jan ukajj wakichtʼata mä siervo ministerialaw sarayaspa. Cuerpo de ancianos ukankir jilatanakaw khitinakas payïr salan sarayapjjaspa, sapa semanajj maynikit sarayani jan ukajj turnasipjjanicha uk amtjjapjjañapa. Payïr salan sarayir jilatajja, aka qellqatan  párrafo 18 ukan qhanañchaski uka ewjjtʼanakarjamaw sarayañapa. Payïr salan arstʼapkani uka jilat kullakanakajja, “Suma yatichäwinak Bibliat thaqapjjañäni” siski uka wakichäwi tukuyataruw payïr salar sarapjjañapa. “Sum yatichañatak chʼamachasiñäni” sat wakichäwi tukuyatarusti, nayrïr salaruw kuttʼapjjañaparaki.

27. Cristianjam Jakañataki ukat Yatiyañataki tantachäwinjja, videonakaw uñtayasini. Ukanakajja JW Library® aplicacionatwa kunayman dispositivonakar apaqasispa.

© 2023 Watch Tower Bible and Tract Society of Pennsylvania

S-38-AP 11/23