“Alajjpachankir Diosajj yaqha reino uttʼayarakini, uka reinojj janipuniw tukjatäkaniti” (Daniel 2:44, Machaq Mundon Jakirinakataki).

“Mä yoqall wawaw jiwasarojj churasistu, apnaqäwejj jupan amparapankaniwa” (Isaías 9:6).

• Cheqapar apnaqer uka gobiernojj sapa mayniruw yanaptʼistani (Isaías 48:17, 18).

• Jan usuntasa, kusisit jakasiñatakiw yanaptʼarakistani (Apocalipsis 21:3, 4).

Jïsa, uk pä toqet uñjañäni:

• Diosan Reinopajj kunanaksa lurani ukwa Jesusajj uñachtʼayäna. Reinomajj jutpan, munañamas aka oraqen luraspan sasin Diosar mayipjjañapatakiw Jesusajj arkirinakapar yatichäna (Mateo 6:9, 10). Kunjamsa uka arunakajj phoqasini uksa qhanañcharakïnwa.

  Aka oraqenkkäna ukhajja, Jesusajj manqʼat awtjatanakarojj manqʼayänwa, usutanakarus qollänwa, jiwatanakarus jaktayarakïnwa (Mateo 15:29-38; Juan 11:38-44). Diosan Reinopan Reyipjamajja, kunanaksa jutïrin lurani ukwa Jesusajj uñachtʼayäna (Apocalipsis 11:15).

• Kunanakatï jichhürunakan pasaski ukanakaw Diosan Reinopajj niya apnaqañampïskatap uñachtʼayi. Diosan Reinopajj janïr aka oraq apnaqkipanjja, guerranaka, terremotonaka, manqʼat pistʼañanakaw utjani sasaw Jesusajj säna (Mateo 24:3, 7).

  Uka arunakajj jichhürunakanwa phoqasiski. Ukhamajj niyaw Diosan Reinopajj uka jan walinak chhaqtayjjani.