МӘСИҺИЛӘР Милад бајрамыны гејд етмирләр. Онлар бу гәрары вердикләринә ҝөрә нә һисс едирләр? Нәдәнсә мәһрум олдугларыны дүшүнүрләр? Бәс ушаглары өзләрини неҹә һисс едир? Ҝөрүн дүнјанын дөрд бир јанында јашајан Јеһованын Шаһидләри бу барәдә нә дејирләр.

Иса Мәсиһи анмағын башга јолу. «Јеһованын Шаһиди олмаздан габаг чох надир һалларда килсәјә ҝедирдим. Ҝедәндә дә јалныз Милад вә Пасха бајрамларында ҝедәрдим. Онда да Иса Мәсиһи јад етмәк ағлыма да ҝәлмирди. Даһа Милад бајрамыны гејд етмирәм. Анҹаг һәфтәдә ики дәфә Јеһованын Шаһидләринин ибадәт ҝөрүшләринә ҝедирәм вә инсанлара Мүгәддәс Китабдан Исанын тәлимләрини өјрәдирәм» (АВСТРАЛИЈАДАН ИВ).

Сәхавәт ҝөстәрмәјин башга јолу. «Ҝөзләмәдијим вахтларда һәдијјә аланда чох хошума ҝәлир. Сүрпризләри севирәм! Мән дә ачыгҹа јазмағы, кимин үчүнсә шәкил чәкмәји севирәм. Бу онлары аз да олса севиндирир. Елә мән өзүм дә севинирәм» (ШИМАЛИ ИРЛАНДИЈАДАН РУБЕН).

Еһтијаҹ ичиндә оланлара көмәк етмәјин башга јолу. «Хәстәләнән инсанлара јемәк биширмәк хошумуза ҝәлир. Үзләри ҝүлсүн дејә һәрдән онлара ҝүл, ширнијјат, кичик һәдијјә дә алыб апарырыг. Илин истәнилән вахты бу ҹүр инсанлара баш чәкмәк бизә хошдур» (АВСТРАЛИЈАДАН ЕМИЛИ).

Аиләликҹә вахт кечирмәјин башга јолу. «Гоһумлар бир јерә јығышанда ушагларымыз әмиләри, дајылары, халалары, бибиләри илә, онларын ушаглары илә вә нәнә-бабалары илә вахт кечирмәји севир. Биз тәкҹә илин һансыса хүсуси ҝүнләриндә буну етмәдијимиз үчүн, үстүмүздә јүк кими дә һисс етмирик. Гоһумларымыз да билир ки, биз онлары севдијимиз үчүн гонаг ҝәлирик» (КАЈМАН АДАЛАРЫНДАН ВЕНДИ).

Сүлһә ҹан атмағын башга јолу. «Милад бајрамы вахты инсанларын о гәдәр иши олур ки, сүлһ јаратмаг барәдә дүшүнмәјә вахтлары галмыр. Мүгәддәс Китабын бәшәријјәт үчүн олан вәдини өјрәнәндә үрәјим раһат олду. Инди билирәм ки, ушагларымын хошбәхт ҝәләҹәји вар» (ИСПАНИЈАДАН САНДРА).