Нәјә ҝөрә аиләләрдә һөрмәт галмајыб?
АИЛӘ ҮЗВЛӘРИНӘ ҺӨРМӘТ ҜӨСТӘРМӘК НӘЈӘ ҜӨРӘ ВАҸИБДИР?
Аиләдә һөрмәтин олмасы әр, арвад вә ушаг арасында сүлһү артырыр.
-
Бир китабда дејилир ки, әр-арвад арасында гаршылыглы һөрмәт оланда онлар бир-бириләринә севҝиләрини «бөјүк шејләрлә јох, һәр ҝүн кичик шејләрлә ифадә едирләр» («The Seven Principles for Making Marriage Work»).
-
Тәдгигатлар ҝөстәрир ки, башгаларына һөрмәт етмәји өјрәнән ушагларда өзүнәһөрмәт һисси даһа чох олур, валидејнләри илә даһа јахшы јола ҝедир вә психоложи проблемләри нисбәтән аз олур.
ҺӨРМӘТ ҜӨСТӘРМӘЈӘ СИЗӘ НӘ КӨМӘК ЕДӘ БИЛӘР?
Аиләликҹә план гурун. Биринҹиси, әмин олун ки, аилә үзвләринизин һамысы һөрмәт ҝөстәрмәјин нә демәк олдуғуну анлајырлар. Икинҹиси, аилә үзвләриниздә ҝөрмәк истәдијиниз вә истәмәдијиниз давранышлары јазын. Үчүнҹүсү, аиләликҹә гурдуғунуз планы мүзакирә един ки, һәр кәс һөрмәт ҝөстәрмәк үчүн нә едәҹәјини билсин.
Нүмунә гојун. Аилә үзвләриниз сәһвә јол верәндә онлары гынајырсыныз, ришхәнд едирсиниз? Сизинлә данышанда онлара лагејд јанашырсыныз, јахуд сөзләрини кәсирсиниз?
Мәсләһәт: Һәјат јолдашынызын вә ушагларынызын һөрмәтинизи газанмалы олдугларыны дүшүнмәјин, онларла бу ҹүр давранмаға борҹлу олдуғунузу дүшүнүн.
Аранызда фикир ајрылығы олса да, һөрмәт ҝөстәрин. Фикирләринизи бөлүшәндә үмуми ифадәләрдән, мәсәлән, «сән һәмишә...» вә ја «сән һеч вахт...» кими сөзләрдән истифадә етмәјин. Бу ҹүр ағыр тәнгидләр аилә үзвләринизи инҹидәҹәк вә нәтиҹәдә, гарышгадан фил дүзәлдәҹәксиниз.
ЈЕҺОВАНЫН ШАҺИДЛӘРИ НЕҸӘ ҺӨРМӘТ ҜӨСТӘРИР?
Јеһованын Шаһидләри инсанлары аилә үзвләринә һөрмәт ҝөстәрмәјә тәшвиг едирләр, онлар буну адәтән бу һагда дәрҹ етдикләри мәгаләләр, китаблар, брошүрләр вә видеолар васитәсилә едирләр. Бу нәшрләри пулсуз әлдә етмәк мүмкүндүр.
ӘР-АРВАДЛАР ҮЧҮН: «Аиләләрә көмәк» силсилә мәгаләләри әр-арвадлара көмәк едәҹәк ки,..
-
диггәтли динләјиҹи олсунлар
-
бир-бириләри илә үнсијјәтдән гачмасынлар
-
мүбаһисә етмәсинләр
(jw.org сајтында «Аиләләрә көмәк» башлығындакы силсилә мәгаләләрә бахын)
ВАЛИДЕЈНЛӘР ҮЧҮН: «Аиләләрә көмәк» силсилә мәгаләләри валидејнләрә көмәк едәҹәк ки, өвладларына...
-
итаәткар олмағы...
-
ев ишләриндә көмәк етмәји...
-
«зәһмәт олмаса» вә «чох сағ ол» демәји өјрәтсинләр
(jw.org сајтында «Ушаг тәрбијәси» вә «Јенијетмәләрә көмәк» башлыгларындакы силсилә мәгаләләрә бахын)
Һәмчинин «Ҝәнҹләрин суаллары. Практики мәсләһәтләр. Ҹилд 1» китабынын «Валидејнләрин суаллары» адлы әлавәсинә бахын (jw.org сајтында «Валидејнләрин суаллары» әлавәсини тапын).
ҜӘНҸЛӘР ҮЧҮН: jw.org сајтындакы «Јенијетмәләр вә ҝәнҹләр» бөлмәсиндәки мәгаләләр, видеолар, чалышма вәрәгәләри ҝәнҹләрә көмәк едәҹәк ки,..
-
валидејнләри вә баҹы-гардашлары илә јола ҝетсинләр
-
валидејнләри илә евдәки гајдалар һагда һөрмәтҹил данышсынлар
-
валидејнләринин етибарыны газансынлар
(jw.org сајтында «Јенијетмәләр вә ҝәнҹләр» бөлмәсинә бахын)
jw.org сајтындан пулсуз истифадә едә биләрсиниз. Һеч бир өдәниш, абунәлик, гејдијјатдан кечмәк вә шәхси мәлуматлар тәләб олунмур.
