«Ҝөзәтчи гүлләси»нин бу ил чыхан сајларыны диггәтлә охумусунуз? Онда ҝөрүн нөвбәти суаллара ҹаваб верә биләрсиниз?

Јеһова һагда дүшүнмәјә, Онунла данышмаға вә Ону динләмәјә вахт ајырсаг, бунун бизә һансы фајдасы олаҹаг?

Биз даһа јахшы гәрарлар верәҹәјик, даһа јахшы мүәллим олаҹағыг, иманымыз мөһкәмләнәҹәк вә Јеһоваја мәһәббәтимиз ҝүҹләнәҹәк (w22.01, с. 30—31).

Јеһоваја вә Онун Өз халгына рәһбәрлик етмәк үчүн тәјин етдији шәхсләрә етибар етмәји өјрәнсәк, бунун һансы хејрини ҝөрәҹәјик?

Һал-һазырда Јеһованын ҝөрдүјү ишләрә етибар етмәјин вахтыдыр. Бунун үчүн ағсаггалларын вердији ҝөстәришләрә вә гәрарлара шүбһә илә јанашмамалыјыг. Индидән буну өјрәнсәк, бөјүк мүсибәт башлајанда һәтта бизә гәрибә вә мәнтигсиз ҝәлән ҝөстәришләрә итаәт едә биләҹәјик (w22.02, с. 4—6).

Мәләк Зәкәријјәјә Зәрубабилин әлиндәки шагул барәдә данышанда нәји нәзәрдә тутурду? (Зәк. 4:8—10)

Бу сөзләрлә мәләк Аллаһын халгыны әмин едирди ки, мәбәд садә ҝөрүнсә дә, онун тикинтиси баша чатаҹаг вә Јеһованын нормаларына там ҹаваб верәҹәк (w22.03, с. 16—17).

Данышыгда башгаларына неҹә нүмунә ола биләрик? (1 Тим. 4:12)

Тәблиғдә инсанларла меһрибан вә һөрмәтҹил данышмалыјыг, јығынҹагда нәғмәләримизи үрәкдән охумалы вә мүнтәзәм олараг шәрһ вермәлијик, тәһгири кәнара гојуб, дүз данышмалы вә иманы мөһкәмләндирән сөзләр сөјләмәлијик (w22.04, с. 6—9).

Нәјә ҝөрә Дәнјал 7-ҹи фәсилдә дөрд һејвана (падшаһлыглара) хас олан хүсусијјәтләр Вәһј 13:1, 2 ајәләриндә бир һејванда ҹәмләниб?

Вәһј 13-ҹү фәсилдәки вәһши һејван бир һөкумәти, мәсәлән, Романы тәмсил етмир. О, тарих боју бәшәријјәт үзәриндә һакимијјәт сүрән бүтүн сијаси гүввәләри тәмсил едир (w22.05, с. 9).

Јеһованын әдаләтинә етибар етдијимизи ҝөстәрмәјин әсас јолу һансыдыр?

Әҝәр кимсә бизи тәһгир едибсә, хәтримизә дәјибсә, јахуд бизә гаршы ҝүнаһ ишләјибсә, биз чалышырыг ки, гәзәби бурахаг вә кин сахламајаг, мәсәләни Јеһоваја тапшыраг. Јеһова ҝүнаһын вурдуғу бүтүн зәрәри арадан галдыраҹаг (w22.06, с. 10—11).

Јығынҹагда дуа едән гардаш нәји нәзәрә алмалыдыр?

Дуа јығынҹаға мәсләһәт вермәк вә ја еланлар етмәк үчүн дејил. Әсас да ҝөрүшүн әввәлиндә дуа едән гардаш «чох сөз» демәмәлидир (Мәт. 6:7) (w22.07, с. 24—25).

«Пис әмәл саһибләри» һансы мәнада «дирилиб мүһакимә олунаҹаглар»? (Јәһ. 5:29)

Онларын мүһакимә олунмасы мәнфи мәна дашымыр, онлар кечмишдә етдикләри әмәлләрә ҝөрә мәһкум олунмајаҹаглар. Онлара дириләндән сонракы хүсусијјәтләринә вә давранышына әсасән гијмәт вериләҹәк (w22.09, с. 18).

Ҹозеф Рутерфорд гардаш 1922-ҹи илин сентјабрында кечирилән топлантыда һансы тәшвигедиҹи сөзләр сөјләмишди?

Сидар-Поинтдә (Оһајо штаты, АБШ) кечирилән топлантыда о, белә сөзләр бәјан етмишди: «Падшаһ артыг һөкмранлыг едир! Сиз онун ҹарчыларысыныз. Буна ҝөрә дә Падшаһы вә онун Падшаһлығыны елан един, елан един, елан един» (w22.10, с. 3—5).

Әшија 30-ҹу фәсилдә Јеһованын бизә чәтинликләрә дөзмәјә көмәк етдији һансы үч үсул вурғуланыр?

Бу фәсилдән ҝөрүнүр ки, Јеһова 1) бизим дуаларымызы диггәтлә динләјиб, онлара ҹаваб верир, 2) бизә јол ҝөстәрир, 3) бизә инди немәтләр бәхш едир вә ҝәләҹәкдә дә буну едәҹәк (w22.11, с. 9).

Нәјә ҝөрә белә гәнаәтә ҝәлирик ки, Зәбур 37:10, 11, 29 ајәләри һәм кечмишдә јеринә јетиб, һәм дә ҝәләҹәкдә јеринә јетәҹәк?

Давуд пејғәмбәрин бу сөзләри Исраилдә, мәсәлән, Сүлејман падшаһын һакимијјәти дөврүндә һөкм сүрән ҝөзәл шәраити тәсвир едир. Иса Мәсиһ бу ајәләрин ҝәләҹәкдә Ҹәннәтдә дә јеринә јетәҹәјини ҝөстәрмишди вә 11-ҹи ајәни ситат ҝәтирмишди (Мәт. 5:5; Лука 23:43) (w22.12, с. 8—10, 14).