Јушә 15:1—63
15 Јәһуда гәбиләсинин нәсилләринә пүшклә дүшән+ торпаг ҹәнубда Әдум+ сәрһәдинә, Син сәһрасына вә Неҝевә узанырды.
2 Ҹәнуб сәрһәдләри Шор дәнизин* гуртараҹағындан, ҹәнуб көрфәзиндән башланырды.+
3 Ҹәнуба, Әгрәб јохушуна+ узаныр, Сини кечир, сонра ҹәнубдан Гәдис-Барнијә,+ орадан Һәсруна, Аддара галхыр вә Гаргаја ҝедирди.
4 Сонра Әзмундан+ кечиб Мисир вадисинә+ гәдәр узаныр, дәниздә* гуртарырды. Бу, онларын ҹәнуб сәрһәди иди.
5 Онларын шәрг сәрһәди Шор дәниз бојунҹа узаныб, Иорданын мәнсәбиндә битирди. Шимал сәрһәди дәнизин көрфәзиндән, Иорданын мәнсәбиндән башланырды.+
6 Сәрһәд Бејт-Һәҹләјә+ галхараг Бејт-Әрәбәнин+ шималындан кечирди вә Рубән оғлу Бөһанын дашына+ чатырды.
7 Сонра сәрһәд Ахор дәрәсиндәки+ Дәбирә гәдәр узаныр вә вадидән ҹәнубдакы Адуммим јохушу илә үзбәүз Ҝилгала+, шимала јөнәлирди. Сәрһәд Ејн-Шәмс+ суларыны кечиб Ејн-Роҝелдә+ гуртарырды.
8 Сонра Бәни-Һинном вадисинә+, јәбусиләрин+ шәһәринә, јәни Јерусәлимин+ ҹәнуб јамаҹына галхырды вә Һинном вадисинин дүз гәрбиндә, Рәфајим дәрәсинин шимал гуртараҹағында јерләшән дағын башына узанырды.
9 Дағын башындан Нифтаһ суларынын+ мәнбәјинә узаныб Әфрун дағындакы шәһәрләрә галхырды. Сәрһәд Баалата, јәни Кирјат-Јаримә+ узанырды.
10 Баалатдан гәрбә, Саир дағына ҝедиб Јарим дағынын шимал јамаҹындан, јәни Кәслундан кечир, сонра Бејт-Шәмсә+ енир, орадан да Тимнаһа+ галхырды.
11 Сонра Екронун+ шимал јамаҹына узаныб Шәгируна јөнәлир, Баалат дағыны кечир вә Јабниилә галхырды. Сәрһәд дәниздә битирди.
12 Гәрб сәрһәди Бөјүк дәнизин* саһили иди.+ Нәсилләринә ҝөрә Јәһуда өвладларына дүшән пајын сәрһәдләри бунлар иди.
13 Јушә Јеһованын бујруғуну јеринә јетириб Јуфәнна оғлу Калибә+ Јәһуда өвладларынын торпағында Кирјат-Арбаны (Арба Анагын атасы иди), јәни Һәбруну+ пај верди.
14 Калиб орадан Анагын өвладларыны+, онун үч оғлуну — Шишајы, Әхиманы вә Талмајы+ говду.
15 Сонра Дәбир+ әһалисинә һүҹум етди. (Дәбирин әввәлки ады Кирјат-Сәфр иди.)
16 Калиб деди: «Ким Кирјат-Сәфри әлә кечириб ораны аларса, гызым Ахшаны она верәҹәјәм».
17 Калибин гардашы Гәназын оғлу Үсниил+ ораны зәбт етди, Калиб дә гызы Ахшаны+ она верди.
18 Ахша ҝәлин көчәркән әрини сөвг етди ки, онун атасындан торпаг саһәси истәсин. Гыз улагдан дүшәндә* Калиб ондан сорушду: «Нә истәјирсән?»+
19 Гыз деди: «Мәнә һәдијјә вер, чүнки мәнә ҹәнубда* гураг јер вермисән, инди Гуллот-Маими* дә вер». Беләҹә, Калиб Јухары Гуллоту вә Ашағы Гуллоту она верди.
20 Нәсилләринә ҝөрә Јәһуда гәбиләсинә верилән ирс бу иди.
21 Ҹәнубда, Әдум+ сәрһәди тәрәфдә Јәһуда гәбиләсинә мәхсус олан шәһәрләр бунлар иди: Кәбзил, Әдәр, Јагур,
22 Кинаһ, Димна, Адад,
23 Гәдәс, Һәзур, Иснан,
24 Зиф, Тәләм, Билус,
25 Һәзур-Һадат, Кирјут-Һәсрун, јәни Һәзур,
26 Амам, Шәма, Молад+,
27 Һазар-Гаддаһ, Һәшмун, Бејт-Фәләт+,
28 Һазар-Шуал, Биир-Сәба+, Бәзутијјә,
29 Баалат, Јим, Әзәм,
30 Илтолад, Кәшил, Һорма+,
31 Сығлаг+, Мадмәнна, Сансәнна,
32 Ләбат, Шилһим, Ајин, Риммун+. Кәндләри илә бирҝә ијирми доггуз шәһәр.
33 Шәфлада+ исә: Әштул, Сораһ+, Әшна,
34 Зәнаһ, Ејн-Ганним, Тәффуа, Ејнам,
35 Јармут, Әдуллам+, Сого, Әзга+,
36 Шәраим+, Адитајим, Ҹәдәрә вә Ҹәдәрәтаим*. Кәндләри илә бирҝә он дөрд шәһәр.
37 Сәнан, Һәдәшә, Миҹдәл-Ҹад,
38 Дилан, Миспиһ, Југтил,
39 Лаһиш+, Бозгат, Әҹлун,
40 Гәббун, Ләһмас, Китлиш,
41 Ҹәдарут, Бејт-Дагон, Нәама, Мәгәдә+. Кәндләри илә бирҝә он алты шәһәр.
42 Либна+, Исер, Ашан+,
43 Ифтаһ, Әшна, Нәсиф,
44 Гәјла, Әхзиб, Мәраш. Кәндләри илә бирҝә доггуз шәһәр.
45 Екрон, әтраф шәһәрләр вә кәндләр.
46 Екрондан гәрбдә кәндләри илә бирҝә Ашдод әтрафында јерләшән бүтүн шәһәрләр.
47 Ашдод+, әтраф шәһәрләр вә кәндләр. Мисир вадисинә, Бөјүк дәнизлә саһилбоју әразијә гәдәр Гәззә+ вә әтраф шәһәрләрлә кәндләр.+
48 Дағлыг бөлҝәдә: Самир, Јәттир+, Сого,
49 Дәннаһ, Кирјат-Сәна, јәни Дәбир,
50 Анаб, Иштим+, Аним,
51 Гошен+, Һүлун, Ҝило+. Кәндләри илә бирҝә он бир шәһәр.
52 Әрәб, Думаһ, Ишан,
53 Јанум, Бејт-Тәффуа, Әфигә,
54 Һүмтә, Кирјат-Арба, јәни Һәбрун+ вә Сиор. Кәндләри илә бирҝә доггуз шәһәр.
55 Мәун+, Кармел, Зиф+, Јүттә,
56 Јизраил, Југдәм, Зәнаһ,
57 Гаин, Ҝибаһ, Тимнаһ+. Кәндләри илә бирҝә он шәһәр.
58 Һалһул, Бејт-Сур, Ҹәдур,
59 Мағарат, Бејт-Анот, Илтигун. Кәндләри илә бирҝә алты шәһәр.
60 Кирјат-Баал, јәни Кирјат-Јарим+ вә Раббаһ. Кәндләри илә бирҝә ики шәһәр.
61 Сәһрада: Бејт-Әрәбә+, Миддин, Сәккаһ,
62 Нибшан, Дуз шәһәри, Ејн-Ҝеди+. Кәндләри илә бирҝә алты шәһәр.
63 Амма Јәһуда кишиләри Јерусәлимдә+ јашајан јәбусиләри+ гова билмәдиләр,+ буна ҝөрә дә јәбусиләр индијә гәдәр Јерусәлимдә јәһудалыларын арасында јашајырлар.
Һашијәләр
^ Өлү дәниз.
^ Бөјүк дәниз, јәни Аралыг дәнизи.
^ Аралыг дәнизи.
^ Диҝәр вариант: улағын үстүндә әл чаланда.
^ Јахуд Неҝевдә.
^ Мәнасы: су һөвзәләри (ҹамлары).
^ Диҝәр вариант: Ҹәдәрә вә онун гојун ағыллары.