Амус 2:1—16
2 Јеһова бәјан едир:“Муаб+ үч кәрә, дөрд кәрә үсјан етдији үчүн* голуму ҝери чәкмәјәҹәјәм.Чүнки о, Әдум падшаһынын сүмүкләрини јандырыб әһәнҝә чевирди.
2 Муабын үзәринә од јағдыраҹағам, алов Кирјутун+ галаларыны јандырыб күлә дөндәрәҹәк.Муаб һај-күј ичиндә,Дөјүш нәрәси вә шејпур сәси алтында мәһв олаҹаг.+
3 Онун ичиндән һакими ҝөтүрүб атаҹағам,Оранын бүтүн башчыларыны онунла бәрабәр өлдүрәҹәјәм”,+ — Јеһова белә дејир.
4 Јеһова бәјан едир:“Јәһуда+ үч кәрә, дөрд кәрә үсјан етдији үчүн голуму ҝери чәкмәјәҹәјәм.Чүнки о, Јеһованын ганунуну рәдд етди,Онун гајда-ганунларына әмәл етмәди.+Ата-бабаларынын ујдуғу јаланлар ону аздырды.+
5 Јәһуданын үзәринә од јағдыраҹағам,Алов Јерусәлимин галаларыны јандырыб күлә дөндәрәҹәк”.+
6 Јеһова бәјан едир:“Исраил+ үч кәрә, дөрд кәрә үсјан етдији үчүн голуму ҝери чәкмәјәҹәјәм.Чүнки о, салеһи ҝүмүшә,Касыбы бир ҹүт сәндәлә сатыр.+
7 Онлар мәзлумун башыны тоз-торпаға басыб әзир,+Фағырын јолуну бағлајырлар.+
Ата илә оғул бир гадынын јанына ҝедир,Мүгәддәс адымы ләкәләјирләр.
8 Һәр гурбанҝаһын+ јанында, ҝиров ҝөтүрдүкләри палтарын үстүндә узаныб јајханырлар.+Ҹәримә етдикләри адамлардан шәраб ҝөтүрүб аллаһларынын евиндә ичирләр”.
9 “Амма сидр ағаҹытәк уҹабојлу,Палыд кими мөһкәм амориләри онларын өнүндә Мән мәһв етдим.+Јухарыда мејвәсини, ашағыда көкүнү мәһв етдим.+
10 Мән сизи Мисир торпағындан чыхарыб,+Гырх ил+ сәһрада ҝәздирдим ки,Амориләрин дијарына саһиб оласыныз.
11 Оғулларыныз арасындан пејғәмбәрләр,+Ҹаванларыныз арасындан нәзириләр+ јетишдирдим.
Мәҝәр белә дејил, еј Исраил халгы?” — дејә Јеһова бәјан едир.
12 “Сиз исә нәзириләрә шәраб ичиртдиниз,+Пејғәмбәрләрә “пејғәмбәрлик етмәјин!”+ дединиз.
13 Буна ҝөрә дә бичилмиш тахылла долу араба торпағы неҹә әзирсә,Мән дә сизи јериниздә елә әзәҹәјәм.
14 Чевик адамын гачмаға јери олмајаҹаг,+Гүввәтли ҝүҹүнү горуја билмәјәҹәк,Ҹәнҝавәр ҹаныны гуртара билмәјәҹәк.
15 Охчу јериндә дура билмәјәҹәк,Ајагдан ити адам гача билмәјәҹәк,Атлы ҹаныны гуртара билмәјәҹәк.
16 Ҹәнҝавәрләрин ән үрәклиси белә,Һәмин ҝүн чылпаг гачаҹаг”,+ — Јеһова бәјан едир.
Һашијәләр
^ Јахуд Муабын үч, дөрд ҹинајәтинә ҝөрә.