Амус 6:1—14
6 Сиондакы архајын кәсләрин,Сәмәријјә дағына ҝүвәнәнләрин вај һалына!+Исраил евинин үз тутдуғу,Халгларын башы олан халгын адлы-санлы адамларынын вај һалына!
2 Гәлнәјә ҝедиб бахын,
Орадан Бөјүк Һәмәсә+ кечин,Сонра филиштлиләрин Ҹат шәһәринә енин.
Мәҝәр онлар бу ики падшаһлыгдан* даһа јахшыдыр?Јохса онларын торпаглары сизин торпаглардан ҝенишдир?
3 Сиз фәлакәт ҝүнүнү дүшүнмәјиб+Зоракылығы тахта чыхарырсыныз.+
4 Онлар сүрүдән тоғлулары, бәсләнмиш даналары ҝөтүрүб јејир,+Ширмајы тахтларда узаныр,+ диванларда јајханырлар.+
5 Чәнҝ авазы алтында нәғмәләр гошур,+Давуд кими, мусиги аләтләри иҹад едирләр.+
6 Шәрабы пијаләјә ләбәләб сүзүб ичирләр,+Өзләринә ән јахшы јағларла сығал верирләр,
Амма Јусифин фәлакәтинә биҝанә галырлар.+
7 Буна ҝөрә сүрҝүнә башда онлар ҝедәҹәк,+Кеф чәкәнләрин шәнликләринә сон гојулаҹаг.
8 Ордулар Аллаһы Јеһова бәјан едир: “Күлли-Ихтијар Јеһова Өз варлығына анд ичди.+Јагубун тәкәббүрүндән зәһләм ҝедир,+Онун галаларына нифрәт едирәм.+Шәһәри вә шәһәрдәки һәр шеји дүшмәнә тәслим едәҹәјәм.+
9 Бир евдә он киши галарса, онлар да өләҹәк.
10 Әмиләри онлары чыхарыб јандыраҹаг, сүмүкләрини евдән бир-бир чыхараҹаг. Сонра о, евин ич отагларында олан бирисиндән сорушаҹаг: “Јанында кимсә вар?” О да ҹаваб верәҹәк: “Јох”. Онда о дејәҹәк: “Сус! Артыг Јеһованын адыны чәкмәк ҝеҹдир”.
11 Будур, Јеһова әмр едир,+Имарәтләр јерлә јексан олаҹаг,Дахмалар учуб дағылаҹаг.+
12 Һеч ат гаја үзәриндә чапар?Ким орада өкүзлә шум шумлајар?
Сиз әдаләти зәһәрли биткијә,Салеһлик бәһрәсини јовшана дөндәрмисиниз.+
13 Сиз мәнасыз шејләрә севинирсиниз,Дејирсиниз: “Мәҝәр бу гүдрәтә голумузун ҝүҹүјлә јетишмәдик?”+
14 Будур, Мән сизә гаршы бир халг галдырырам, еј Исраил еви!+Сиз Ләбу-Һәмәсдән+ Әрәбә вадисинәдәк зүлм алтында олаҹагсыныз”, — ордулар Аллаһы Јеһова бәјан едир.
Һашијәләр
^ Ҝөрүнүр, Исраил вә Јәһуда падшаһлыглары нәзәрдә тутулур.
