Микә 6:1—16
6 Јеһованын сөзүнү ешидин.
Дурун, дағларын гаршысында чәкишмәнизи апарын,Тәпәләр сәсинизи ешитсин!+
2 Еј дағлар, еј јерин тәмәлләри,Јеһованын сөјләдији иттиһамы динләјин!+Јеһованын Өз халгы илә чәкишмәси вар.О, Исраили белә иттиһам едәҹәк+:
3 «Еј халгым, сәнә нә етмишәм?
Сәни нә илә јормушам?+
Бујур, әлејһимә шәһадәт вер.
4 Сәни Мисир торпағындан чыхартдым,+Көләлик евиндән гуртардым.+Мусаны, Һаруну вә Мәрјәми+ өнүндә ҝөндәрдим.
5 Еј халгым, Јеһованын әдаләтини дәрк етмәк үчүн,Муаб падшаһы Балагын фитнә-фелини,+Баур оғлу Бәләмин она вердији ҹавабы,+Шиттимдән+ та Ҝилгала+ гәдәр јол боју баш верәнләри јадына сал».
6 Јеһованын һүзуруна нә илә ҝәлим?
Уҹалардакы Аллаһын өнүнә нә ҝәтириб сәҹдә гылым?
Онун һүзуруна јандырма гурбанларыјла,Јохса бириллик даналарла чыхым?+
7 Минләрлә гоч ҝәтирсәм,Јағы сел кими* ахытсам, Јеһова разы галармы?+
Бәлкә, тәгсирим үчүн илк оғлуму,+Ҝүнаһым үчүн бәтнимин бәһрәсини верим?
8 Еј инсан, нәјин доғру олдуғуну О, сәнә сөјләди.
Јеһова сәндән башга нә истәјир ки?!
Истәјир ки, әдаләтлә давранасан,+ сәдагәти уҹа тутасан,+Аллаһын өнүндә+ тәвазөкарлыгла+ јеријәсән!
9 Јеһованын сәси шәһәрә хитаб едир,Һикмәтли адамлар Сәнин адындан горхаҹаг.
Дәјәнәјә вә она сәлаһијјәт верәнә гулаг ас!+
10 Һәлә дә шәр адамын евиндә һарам сәрвәт,Ијрәнҹ әскик өлчү вар?
11 Тәрәзим әјридирсә,Торбамдакы чәки дашлары алдадырса, неҹә тәмиз сајыла биләрәм?+
12 Шәһәрин варлылары зоракылыгда пәрҝардыр,Сакинләри јалан данышыр,+Алдадан дилләри вар.+
13 «Буна ҝөрә сәни вуруб јаралајаҹағам,+Ҝүнаһларын уҹбатындан виран галаҹагсан.
14 Јејәҹәксән, амма дојмајаҹагсан,Гарнын бош галаҹаг.+
Гыраға атдығыны горуја билмәјәҹәксән,Нә горуја билсән, гылынҹын ағзына верәҹәјәм.
15 Әкәҹәксән, амма бичмәјәҹәксән.
Зејтун тапдалајаҹагсан, амма јағыны ишләтмәјәҹәксән,Тәзә шәраб чәкәҹәксән, амма ичмәјәҹәксән.+
16 Сиз Омринин гајдаларына, Әһәб евинин адәт-әнәнәләринә әмәл едирсиниз,+Онларын мәсләһәти илә отуруб-дурурсунуз.
Буна ҝөрә сизи аҹынаҹаглы һала салаҹағам,Сакинләринә бахан фит чалаҹаг,+Халгларын тәнәсини дашыјаҹагсыныз».+
Һашијәләр
^ Һәрфән: он минләрлә јағ сели.