Әрәмја 1:1—19
1 Бунлар Бинјамин торпағындакы Әнатутда+ јашајан каһинләрдән бири олан Хилгијјәнин оғлу Әрәмјанын* сөзләридир.
2 Јәһуда падшаһы Амун+ оғлу Јушијјәнин дөврүндә,+ онун һакимијјәтинин он үчүнҹү илиндә мәнә Јеһованын сөзү назил олду.
3 Һәмчинин Јәһуда падшаһы Јушијјә оғлу Јәһјакимин+ дөврүндән Јәһуда падшаһы Јушијјә оғлу Сидгијјәнин һакимијјәтинин он биринҹи илинин сонуна гәдәр,+ бешинҹи ајда Јерусәлим әһли сүрҝүнә апарылана гәдәр+ мәнә Аллаһын сөзү назил олду.
4 Мәнә Јеһованын сөзү назил олду:
5 «Ананын бәтниндә сәнә сурәт вермәздән әввәл сәни танымышам.+Сән дүнјаја ҝәлмәздән әввәл сәни мүгәддәс иш үчүн сечмишәм.+
Сәни халглара пејғәмбәр етмишәм».
6 Мән дедим: «Аһ, Күлли-Ихтијар Јеһова!
Мән ҝәнҹәм,+ данышмағы баҹармырам».+
7 Онда Јеһова мәнә деди:
«Демә “ҝәнҹәм”.
Кимин јанына ҝөндәрсәм, ҝедәҹәксән,Нә әмр етсәм, дејәҹәксән.+
8 Онларын ҝөркәминдән горхма.+Мән сәнинләјәм, сәни хилас едәҹәјәм.+ Буну Мән Јеһова дејирәм».
9 Сонра Јеһова әлини узатды вә додагларыма тохунду.+ Јеһова мәнә деди: «Будур, сөзләрими сәнин дилинә гојдум.+
10 Бу ҝүндән сәни гопармаг, учурмаг, дағытмаг, јерлә јексан етмәк, тикмәк вә әкмәк үчүн халгларын, сәлтәнәтләрин үзәринә тәјин етдим».+
11 Мәнә јенә Јеһованын сөзү назил олду: «Әрәмја, нә ҝөрүрсән?» Мән дедим: «Бадам ағаҹынын будағыны ҝөрүрәм».
12 Јеһова мәнә деди: «Дүздүр. Мән дә сајығам*, сөзүмү јеринә јетирәҹәјәм».
13 Мәнә икинҹи дәфә Јеһованын сөзү назил олду: «Нә ҝөрүрсән?» Мән дедим: «Гајнајан газан ҝөрүрәм, ағзы шималдан ҹәнуб тәрәфә әјилиб».
14 Онда Јеһова мәнә деди:
«Өлкә сакинләринин үстүнәШималдан бәла ҝәләҹәк.+
15 Мән шимал сәлтәнәтләринин гәбиләләрини чағырырам, — бәјан едир Јеһова.+ —Онлар ҝәләҹәк.Һәр бири тахтыны Јерусәлим дарвазаларынын ағзында,+Онун диварларынын јанында,Бүтүн Јәһуда шәһәрләриндә гураҹаг.+
16 Бүтүн шәр әмәлләринә ҝөрә һөкмүмү онлара билдирәҹәјәм,Чүнки Мәни тәрк едибләр.+Башга аллаһлара гурбан түстүсү тәгдим едирләр,+Өз әлләринин ишинә сәҹдә гылырлар.+
17 Сән исә әтәјини белинә дола*,Галх, әмр етдијим һәр шеји онлара сөјлә.
Онлардан горхма,+Јохса сәни онларын өнүндә горхуја саларам.
18 Бу ҝүндән сәни гала-шәһәр,Дәмир дирәк, мис дивар едирәм ки,+Бүтүн өлкә, Јәһуда падшаһлары, әмирләри,Каһинләри вә өлкә әһли гаршысында давам ҝәтирәсән.+
19 Онлар сәнинлә вурушаҹаглар,Амма үстүн ҝәлә билмәјәҹәкләр.Чүнки Мән сәнинләјәм,+ сәни хилас едәҹәјәм, — бәјан едир Јеһова».
Һашијәләр
^ Тәхмини мәнасы: Јеһова уҹалдыр.
^ Ибрани дилиндә сөз ојуну. Ибраниҹә бадам ағаҹы вә сајыг сөзләри ејни көкдәндир.
^ Јахуд һазырлаш.
