1 Салнамәләр 26:1—32
26 Дарваза кешикчиләринин+ бөлүкләри бунлардыр: гарунлулардан Асәф оғлу Горәнин оғлу Мәшәләмја+.
2 Мәшәләмјанын оғуллары: илк оғлу Зәкәријјә, икинҹиси Јәдаил, үчүнҹүсү Зәбәдја, дөрдүнҹүсү Јәтнаил,
3 бешинҹиси Елам, алтынҹысы Јәһукәнан, једдинҹиси Илјәһәнај.
4 Абид-Әдумун оғуллары: илк оғлу Шәмај, икинҹиси Јәһузабад, үчүнҹүсү Јуаһ, дөрдүнҹүсү Сәкар, бешинҹиси Нәснаил,
5 алтынҹысы Әмаил, једдинҹиси Јәсакир, сәккизинҹиси Фулатај. Аллаһ Абид-Әдума бу ҹүр немәт вермишди.
6 Абид-Әдумун оғлу Шәмајын оғуллары олду. Онлар иҝид вә баҹарыглы олдуглары үчүн өз нәсилләриндә башчы идиләр.
7 Шәмајын оғуллары: Үснү, Рәфаил, Абид, Илзәбад. Онун гардашлары Әлиһу вә Сәмәкја да баҹарыглы иди.
8 Бунлар Абид-Әдумун оғуллары иди. Онлар, оғуллары вә гардашлары баҹарыглы, хидмәтә јарарлы адамлар иди. Абид-Әдумун нәслинә 62 нәфәр мәхсус иди.
9 Мәшәләмјанын+ баҹарыглы оғуллары вә гардашлары вар иди. Онларын сајы 18 нәфәр иди.
10 Мерар оғулларындан олан Һусәнин оғуллары: илк оғул олмаса да, атасынын башчы гојдуғу Шимри,
11 икинҹиси Хилгијјә, үчүнҹүсү Тәбәлја, дөрдүнҹүсү Зәкәријјә. Һусәнин оғулларынын вә гардашларынын сајы 13 нәфәр иди.
12 Бу кешикчи бөлүкләринә башчылыг едәнләрин дә гардашлары кими Јеһованын евиндә өз ишләри вар иди.
13 Онлар нәсилләринин бөјүклүјүндән-кичиклијиндән асылы олмајараг, һәр дарваза үчүн пүшк атдылар.+
14 Шәләмјаја шәрг тәрәф дүшдү. Онун оғлу мүдрик мәсләһәтчи Зәкәријјә үчүн пүшк атдылар. Она шимал тәрәф дүшдү.
15 Абид-Әдума ҹәнуб тәрәф, оғулларына+ анбарлар дүшдү.
16 Шуффим вә Һусәјә+ гәрб тәрәф, јохуш јолун гырағындакы Шалкит дарвазасынын јаны дүшдү. Кешикчи дәстәләри јанбајан дурурду.
17 Шәргдә алты лавили, һәр ҝүн шималда дөрд нәфәр, ҹәнубда дөрд нәфәр дурурду. Анбарларын+ кешијини ики ҹүт кешикчи чәкирди.
18 Гәрбдәки ејванын кешијини јолда+ дөрд нәфәр, ејванын өзүндә исә ики нәфәр чәкирди.
19 Бунлар Гарун оғулларындан вә Мерар оғулларындан ибарәт кешикчи бөлүкләри иди.
20 Лавилиләрдән Әхијјә Аллаһын евиндәки хәзинәјә вә мүгәддәс едилмиш шејләрин гојулдуғу хәзинәјә нәзарәт едирди.+
21 Ладан оғулларындан, һирсәнли Ладан нәслиндән, һирсәнли Ладан нәсилләринин башчыларындан Јәһјили+,
22 Јәһјилинин оғуллары Зәтам вә гардашы Јуил Јеһованын евинин хәзинәсинә+ нәзарәт едирдиләр.
23 Имранлылардан, исһарлылардан, һәбрунлулардан, үззииллиләрдән+,
24 Мусанын оғлу Һирсәмин өвладларындан Шәбуил анбарларын баш нәзарәтчиси иди.
25 Шәбуилин гардашларындан, Әлјәзәр+ өвладларындан Рәһабја+, Јашај, Јурам, Зәкри, Сәламут.
26 Сәламут вә онун гардашлары Давуд падшаһын, нәсил башчыларынын, минбашыларын, јүзбашыларын вә сәркәрдәләрин мүгәддәс етдији шејләрин+ гојулдуғу хәзинәјә нәзарәт едирди.+
27 Онлар мүһарибәләрдә+ әлдә етдикләри гәнимәтин+ бир һиссәсини Јеһованын евини јахшы вәзијјәтдә сахламаг үчүн ајырмышдылар.
28 Ҝөрүҹү+ Ишмуилин, Киш оғлу Талутун, Нур оғлу Абнурун+, Сәрја+ оғлу Јуабын+ да ајырдығы шејләр, үмумијјәтлә, Аллаһ үчүн ајрылан һәр шеј Сәлимәтин* вә гардашларынын нәзарәти алтында иди.
29 Исһарлылардан+ Кәнанја вә оғуллары мәбәддәнхариҹ ишләрлә мәшғул олурдулар — Исраилдә мәмур вә һаким+ идиләр.
30 Һәбрунлулардан+ Һәшбијјә вә гардашлары, 1700 баҹарыглы киши Иорданын гәрб бөлҝәсиндәки Исраил торпагларында Јеһованын вә падшаһын ишинин иҹра олунмасына рәһбәрлик едирдиләр.
31 Һәбрунлулардан Әрјаһ+ Һәбрун нәсилләринин вә аиләләринин башчысы иди. Давудун һакимијјәтинин гырхынҹы илиндә+ һәбрунлуларын арасында иҝид, баҹарыглы адамлар ахтардылар вә Ҝиладдакы Јазирдә+ тапдылар.
32 Әрјаһын һәр бири нәсил башчысы олан 2700 баҹарыглы гардашы вар иди. Давуд падшаһ Аллаһын вә падшаһын ишләринин иҹрасы үчүн онлары рубәнлиләрин, ҹадлыларын вә Мәнәссә гәбиләсинин јарысынын үзәриндә башчы гојду.
Һашијәләр
^ 25 вә 26-ҹы ајәләрдә Сәламут.
