2 Падшаһлар 22:1—20
22 Јушијјә+ тахта чыханда сәккиз јашында иди вә отуз бир ил Јерусәлимдә һакимијјәт сүрдү.+ Онун анасы бозгатлы+ Адајын гызы Јәдда иди.
2 О, Јеһованын бәјәндији ишләри ҝөрүб әҹдады Давудун јолу илә ҝетди,+ ондан саға, сола дөнмәди.
3 Јушијјә падшаһ һакимијјәтинин он сәккизинҹи илиндә Мәшуллам оғлу Әзлијаһын оғлу катиб Шафаны Јеһованын мәбәдинә ҝөндәриб деди:+
4 «Баш каһин Хилгијјәнин+ јанына ҝедин, гој о, гапы кешикчиләринин халгдан јығдығы, Јеһованын мәбәдинә ҝәтирилән пулу топласын.+
5 Пулу Јеһованын мәбәдиндәки ишләрә нәзарәт едәнләрә версинләр. Онлар да Јеһованын мәбәдинин учуг-сөкүјүнү тәмир едән ишчиләрә,+
6 јәни сәнәткарлара, усталара, бәнналара версинләр. Онлар мәбәди тәмир етмәк үчүн тирләр вә јонулмуш дашлар алсынлар.+
7 Лакин вердијиниз пула ҝөрә онлардан һесабат истәмәјин, чүнки онлар етибарлы адамлардыр».+
8 Баш каһин Хилгијјә катиб Шафана+ деди: «Јеһованын мәбәдиндә Төврат китабыны*+ тапмышам». Хилгијјә китабы Шафана верди, о да охумаға башлады.+
9 Катиб Шафан падшаһын јанына ҝәлиб деди: «Гулларын мәбәддәки сандығы бошалдыб пуллары Јеһованын мәбәдиндәки ишләрә нәзарәт едәнләрә вердиләр».+
10 Ардынҹа деди: «Каһин Хилгијјә мәнә бир китаб+ верди». Шафан китабы падшаһын һүзурунда охумаға башлады.
11 Падшаһ Төвратда јазыланлары ешидәндә јахасыны ҹырды.+
12 Каһин Хилгијјәјә, Шафан оғлу Әхигәмә+, Микај оғлу Аһбура, катиб Шафана вә өз гуллугчусу Әсјаһа бујурду:
13 «Ҝедин мәним үчүн, халг үчүн, Јәһуда үчүн Јеһоваја мүраҹиәт един, өјрәнин ҝөрүн тапылмыш бу китабда јазылан сөзләр нә демәкдир. Ата-бабаларымыз бу китабдакы сөзләрә итаәт етмәјибләр, бизим үчүн јазыланлара риајәт етмәјибләр, буна ҝөрә Јеһова бизә чох гәзәбләниб».+
14 Каһин Хилгијјә, Әхигәм, Аһбур, Шафан, Әсјаһ гадын пејғәмбәр+ Һүлданын јанына ҝетдиләр. О, Хархас оғлу Тигванын оғлунун, палтарлара бахан Сәллумун арвады иди вә Јерусәлимин икинҹи мәһәлләсиндә јашајырды. Онлар орада онунла данышдылар.+
15 Гадын деди: «Исраилин Аллаһы Јеһова дејир: “Сизи Мәнә мүраҹиәт етмәјә ҝөндәрән адама сөјләјин ки,
16 Јеһова белә дејир: “Мән бу јерин, онун сакинләринин башына бәла ҝәтирәҹәјәм. Јәһуда падшаһынын китабда охудуғу+ һәр кәлмә ҝерчәкләшәҹәк.
17 Чүнки онлар Мәни тәрк едибләр. Башга аллаһлар+ үчүн гурбанлар јандырыр, әлләринин иши илә Мәни тәһгир едирләр.+ Бу јерә гаршы гәзәбим аловланаҹаг, сөнмәјәҹәк!”+
18 Лакин сизи Јеһоваја мүраҹиәт етмәјә ҝөндәрән Јәһуда падшаһына дејин ки, ешитдији сөзләрә ҝәлинҹә, Исраилин Аллаһы Јеһова белә дејир:
19 “Сән ки бу јерлә сакинләринин бәла вә ләнәт һәдәфи олаҹагларыны дедијими ешидәндә үрәјин сызлады, өзүнү Мәним, Јеһованын өнүндә ашағы тутдун,+ јаханы ҹырыб+ һүзурумда ағладын, Мән дә сәни ешитдим, — Јеһова белә бәјан едир. —
20 Буна ҝөрә дә сәни әҹдадларына говушдураҹағам*, сүлһ ичиндә гәбрә ҝедәҹәксән, бу јерә ҝәтирәҹәјим бәланы ҝөзләрин ҝөрмәјәҹәк”». Онлар ҝәлиб бу ҹавабы падшаһа билдирдиләр.