Mikə 1:1—16
1 Yəhuda padşahları+ Yutəm+, Əhəz+ və Hizqiyyənin+ dövründə mührəstli Mikəyə*+ Yehovanın sözü, Səməriyyə və Yerusəlim barədə vəhy nazil oldu:
2 «Eşidin, ey xalqlar!
Ey dünya və onun içindəkilər, dinləyin!
Qoy Yehova, Külli-İxtiyar YehovaÖz müqəddəs məbədindən sizi ittiham etsin.+
3 Budur, Yehova Öz məkanından çıxır,O enəcək və yerin zirvələrini əzib keçəcək.
4 Dağlar ayaqları altında əriyəcək,+Dərələr yarılacaq,Mum alov qarşısında əriyən kimi,Gur sular yarğan açan kimi.
5 Bütün bunlar Yaqubun qiyamı,İsrail evinin günahları ucbatındandır.+
Yaqubun qiyamına görə kimdir müqəssir?
Səməriyyə deyilmi?+
Yəhudanın səcdəgahlarına*+ görə kimdir müqəssir?
Yerusəlim deyilmi?
6 Mən Səməriyyəni xarabazara,Meynə əkmək üçün bir sahəyə çevirəcəyəm.
Daşlarını dərəyə tökəcəyəm,Bünövrəsini çılpaq qoyacağam.
7 Bütün oyma bütləri parça-parça olacaq,+Ona muzd olaraq verilmiş hədiyyələr odda yanacaq.+
Onun bütün bütlərini məhv edəcəyəm.
Bunlar fahişəliklə yığılmışdı,Fahişələr üçün də xərclənəcək».
8 Buna görə mən ağlayıb fəryad edəcəyəm,+Ayaqyalın və çılpaq gəzəcəyəm.+
Çaqqal kimi ulayacağam,Dəvəquşu kimi fəğan qoparacağam.
9 Çünki onun yaraları sağalmazdır.+
Bəla Yəhudayadək,+Xalqımın darvazalarınadək, Yerusəlimədək gəlib çatıb.+
10 «Bu barədə Catda səs salmayın,Orada ağlamayın!
Beyt-Əfrada toz-torpağın içində dığırlanın.
11 Ey Şafir əhli, çıl-çılpaq, biabırçılıq içində yola düş.
Sənaan əhli şəhərdən çıxmır.
Beyt-Əzəl ah-fəğan edəcək, səni sığınacaqsız qoyacaq.
12 Mərut əhli xeyir gözləyirdi,Ancaq Yehova Yerusəlimin darvazalarına bəla göndərdi.
13 Ey Lahiş+ əhli, atları arabaya qoş,Sion qızının günahına bais sən oldun,İsrailin qiyamları səndəndir.+
14 Sən Mührəst-Cata vida hədiyyələri verəcəksən.
Əxzib evləri+ İsrail padşahlarının yanında yalançı çıxdı.
15 Ey Məraş əhli,+ üstünə işğalçı göndərəcəyəm.+
İsrailin şöhrəti Ədullamadək+ çatacaq.
16 Əziz balalarını əsir aparacaqlar,+ onlardan ötrü saçını qırx,Başını daz elə,Başın kərkəs başı kimi daz olsun.
Haşiyələr
^ Mikay, yaxud Mikayıl adının qısa forması. Mənası: Yehovaya tay kimdir?
^ Hərfən: yüksəkliklərinə.
